କାନପୁର,୨୪।୧୧:ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ଟେଷ୍ଟ ଗୁରୁବାର ଠାରୁ କାନପୁରରେ ଆରମ୍ଭ ହେବ। ରାହୁଲ ଦ୍ରାବିଡଙ୍କ ଟିମ ଇଣ୍ଡିଆର ମୁଖ୍ୟ କୋଚଭାବରେ ଏହା ପ୍ରଥମ ଟେଷ୍ଟ ସିରିଜ ହେବ। ଏଭଳି ପରିସ୍ଥିତିରେ ସେ ଜିତିବା ପାଇଁ ଏକ ସ୍ବତନ୍ତ୍ର ରଣନୀତି ପ୍ରସ୍ତୁତ କରୁଛନ୍ତି। ଏହି ଟେଷ୍ଟ ପୂର୍ବରୁ ଚେତେଶ୍ୱର ପୂଜାରା ଡ୍ରେସିଂ ରୁମରେ କୋଚ ଦ୍ରାବିଡଙ୍କ ଉପସ୍ଥିତି ବିଷୟରେ ଏକ ବଡ଼ ଖୁଲାସା କରିଛନ୍ତି। ସେ କହିଛନ୍ତି ଯେ ଦ୍ରାବିଡ଼ଙ୍କ ଡ୍ରେସିଂ ରୁମରେ ରହିବା ଅଧିକାଂଶ ଖେଳାଳିଙ୍କୁ ଉପକୃତ କରିବ। ବିଶେଷକରି ସେହି ଯୁବକ ଖେଳାଳିମାନେ ଯେଉଁମାନେ ରାହୁଲ ଭାଇଙ୍କ ତତ୍ତ୍ୱାବଧାନରେ ଅଣ୍ଡର -୧୯ କିମ୍ବା ଇଣ୍ଡିଆ-ଏ ଦଳରେ ଖେଳିଛନ୍ତି । କେବଳ ଏତିକି ନୁହେଁ, ଆମ ଭଳି ଅଭିଜ୍ଞ ଖେଳାଳିମାନେ ମଧ୍ୟ ତାଙ୍କଠାରୁ ଅନେକ କିଛି ଶିଖିବାକୁ ପାଇବେ।
କାନପୁରରେ ଦଳର ପ୍ରଶିକ୍ଷଣ ଅଧିବେଶନ ପୂର୍ବରୁ ଚେତେଶ୍ୱର ପୂଜାରା କହିଛନ୍ତି, ମୁଁ ଏ ସିରିଜ ସମୟରେ ରାହୁଲ ଦ୍ରାବିଡଙ୍କ ସହ କାମ କରିସାରିଛି, ତେଣୁ ଆମେ ସମସ୍ତେ ତାଙ୍କ ମାର୍ଗଦର୍ଶନକୁ ଅପେକ୍ଷା କରିଛୁ। ଦଳର ଖେଳାଳି ଏବଂ କୋଚ ଭାବରେ ତାଙ୍କର ଅଭିଜ୍ଞତା ପରିମାଣ ବହୁତ ସାହାଯ୍ୟ କରେ। ତାଙ୍କ ବ୍ୟାଟିଂ ସମ୍ପର୍କରେ ସେ କହିଛନ୍ତି ଯେ ୩ ବର୍ଷ ଧରି ଟେଷ୍ଟରେ ଶତକ ହାସଲ କରିପାରି ନ ଥିବାରୁ ସେ ବ୍ୟସ୍ତ ନୁହଁନ୍ତି। ଅନ୍ତତଃପକ୍ଷେ ଦଳର ବିଜୟରେ ୮୦କିମ୍ବା ୯୦ର ଇନିଂସ ଖେଳିବା ଦଳ ପାଇଁ କାମ ଆସୁଛି ବୋଲି ସେ କହିଛନ୍ତି।
