ନିଶ୍ଚିନ୍ତକୋଇଲି,୨୨।୨(ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ଅତିରିକ୍ତ ତହସିଲଦାର ଡ୍ରାଇଭରଙ୍କୁ ଦୁର୍ବ୍ୟବହାର କରିବା ସହ ମୋବାଇଲ ଓ ଟଙ୍କା ଛଡାଇ ନେଇଥିଲେ। ଏହାର ପ୍ରତିବାଦରେ ମଙ୍ଗଳବାର ଡ୍ରାଇଭର ସଂଘର ଶତାଧିକ ଲୋକେ ନିଶ୍ଚିନ୍ତକୋଇଲି ତହସିଲ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି। ଅତିରିକ୍ତ ତହସିଲଦାର ବିରୋଧରେ ଆଇନ୍ଗତ କାଯର୍ୟାନୁଷ୍ଠାନ ପାଇଁ କଟକ ଗ୍ରାମାଞ୍ଚଳ ଏସ୍ପି ଓ ପୋଲିସ ଉପଖଣ୍ଡ ଅଧିକାରୀଙ୍କ ନିକଟରେ ଅଭିଯୋଗ କରିଛନ୍ତି ।
ସୂଚନାନୁଯାୟୀ, ଗତ ୧୮ତାରିଖ ରାତିରେ ଏକ ବାଲି ବୋଝେଇ ଟ୍ରକ ଅସୁରେଶ୍ୱର ବଜାର ବାଟ ଦେଇ ଯାଉଥିଲା। ଏହି ଗାଡିକୁ ବିଜୟ କୁମାର ଦାଶ ଚଳାଉଥିଲେ। ଏହି ସମୟରେ ନିଶ୍ଚିନ୍ତକୋଇଲି ଅତିରିକ୍ତ ତହସିଲ ଦାର କ୍ରିଷ୍ଣା ପାଢ଼ୀ ଉକ୍ତ ଗାଡିକୁ ଅଟକାଇ ଦୁର୍ବ୍ୟବହାର କରିଥିଲେ।
