ନୂଆଦିଲ୍ଲୀ,୨୪।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ଜି-୨୦ ଅର୍ଥମନ୍ତ୍ରୀ ଏବଂ କେନ୍ଦ୍ରୀୟ ବ୍ୟାଙ୍କ ଗଭର୍ନରଙ୍କ ବୈଠକକୁ ସମ୍ବୋଧିତ କରିଛନ୍ତି। ଏହି ସମୟରେ ପ୍ରଧାନମନ୍ତ୍ରୀ କହିଛନ୍ତି, ଗତ କିଛି ବର୍ଷ ମଧ୍ୟରେ ଆମେ ଏକ ନିରାପଦ, ନିର୍ଭରଯୋଗ୍ୟ ଏବଂ ସୁଲଭ ଡିଜିଟାଲ ଭିତ୍ତିଭୂମି ସୃଷ୍ଟି କରିଛୁ। ଏହି ଡିଜିଟାଲ ପେମେଣ୍ଟ ଇକୋସିଷ୍ଟମ ଲୋକଙ୍କ ସାଧାରଣ ଜୀବନରେ ସହଜତା ଆଣିଦେଇଛି।
ଏହି ବୈଠକକୁ ଭିଡିଓ କନଫରେନ୍ସ ମାଧ୍ୟମରେ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦି କହିଛନ୍ତି, ଭାରତୀୟ ଗ୍ରାହକ ଏବଂ ଉତ୍ପାଦକମାନେ ଭବିଷ୍ୟତକୁ ନେଇ ମୁଁ ଆଶାବାଦୀ। ଆମେ ଆଶା କରୁଛୁ ଭାରତ ଏହି ସକରାତ୍ମକତାକୁ ବିଶ୍ୱ ଅର୍ଥବ୍ୟବସ୍ଥାରେ ବିସ୍ତାର କରିବେ। ଜି-୨୦ ଅଧ୍ୟକ୍ଷତା ସମୟରେ ଆମେ ଏଭଳି ଫିଣ୍ଟେକ ପ୍ଲାଟଫର୍ମ ସୃଷ୍ଟି କରିଛୁ, ଯାହା ସାହାଯ୍ୟରେ ଜି -୨୦ ସଦସ୍ୟ ଦେଶର ଅତିଥିମାନେ ଭାରତର ଡିଜିଟାଲ ପେମେଣ୍ଟ ପ୍ଲାଟଫର୍ମ ୟୁପିଆଇ ବ୍ୟବହାର କରିପାରିବେ।
ଜି-୨୦ର ଏହି ବୈଠକ ବେଙ୍ଗାଲୁରୁରେ ଅନୁଷ୍ଠିତ ହେଉଛି ଏବଂ ଶୁକ୍ରବାର ହେଉଛି ଏହି ବୈଠକର ଦିନ। ଏହି ବୈଠକରେ ଭାରତର ଅର୍ଥମନ୍ତ୍ରୀ ନିର୍ମଳା ସୀତାରମଣ ଏବଂ ରିଜର୍ଭ ବ୍ୟାଙ୍କ ଗଭର୍ନର ଶକ୍ତିକାନ୍ତ ଦାସ ଉପସ୍ଥିତ ଥିଲେ।
