ଅନୁଗୋଳ ଅଫିସ, ୧୪।୧୦ – ଅନୁଗୋଳ ଝିଅ ପ୍ରତ୍ୟୁଷା ଅମାନ୍ତ ପୁଣି ସୁନ୍ଦରୀ ପ୍ରତିଯୋଗିତାରେ ଚମକିଛନ୍ତି। ସେ ଅପେରା ମିଡିଆର ଆନୁକୂଲ୍ୟରେ ଆୟୋଜିତ ମିସ୍ ଆଣ୍ଡ ମିସେସ୍ ଇଣ୍ଡିଆ ଗ୍ଲୋବାଲରେ ଦ୍ୱିତୀୟ ସ୍ଥାନ ଅଧିକାର କରି ରନର୍ସଅପ୍ ହୋଇଛନ୍ତି। ଏହି ପ୍ରତିଯୋଗିତାରେ ବିୟୁଟି, ଟ୍ୟାଲେଣ୍ଟ, ପ୍ରଶ୍ନୋତ୍ତର, ରାମ୍ପ ୱାକ, ଟ୍ରାଡିସିନାଲ ରାଉଣ୍ଡ ଆଦି କରାଯାଇଥିଲା। ଏଥିରେ ଭୁବନେଶ୍ୱରର ରୋଜା ପ୍ରଥମ ଓ ପ୍ରତ୍ୟୁଷା ଦ୍ୱିତୀୟ ସ୍ଥାନରେ ରହିଥିଲେ। କରୋନା ପାଇଁ ଏହି ପ୍ରତିଯୋଗିତାଭର୍ଚୁଆଲ ପଦ୍ଧତିରେ ଆୟୋଜନ କରାଯାଇଥିଲା। ସୂଚନାଯୋଗ୍ୟ ଏହା ପୂର୍ବରୁ ମିସ୍ ଭର୍ଚୁଆଲ ଇନ୍କ୍ଲ୍ୟୁଶନ ୨୦୨୦ରେ ପ୍ରତ୍ୟୁଷା ପ୍ରଥମ ସ୍ଥାନ ଅଧିକାର କରିଥିଲେ।
