ଗଞ୍ଜାମ,୨୯ା୬(ଡି.ଏନ.ଏ.)-କରୋନା ଭୂତାଣୁ ପାଇଁ ସମସ୍ତେ ବ୍ୟସ୍ତ ଥିବା ବେଳେ ଏହାର ଫାଇଦା ଉଠାଉଛନ୍ତି ଦୁର୍ବୃତ୍ତ। ଏମିତି ଏକ ଘଟଣା ଦେଖିବାକୁ ମିଳିଛି ଗଞ୍ଜାମ ଥାନା ପୁଇଁତୋଳା ଗ୍ରାମରେ। ଭିନ୍ନ ଉପାୟରେ ଜଣେ ଯୁବକଙ୍କ ଦାମୀ ମୋବାଇଲ ଫୋନ ଓ ଆଉ ଜଣଙ୍କର ୭ଛେଳି ପୋଲିସ ପରିଚୟ ଦେଇ ଲୁଟି ନେଇଥିବା ଜଣାପଡିଛି। ମୋବାଇଲ ଲୁଟ ହୋଇଥିବା ଯୁବକ ଶବର କୁମାର ପଲେଇଙ୍କ କହିବା ଅନୁଯାୟୀ, ଶନିବାର ରାତି ପ୍ରାୟ ୧୨ ଟାରେ ସେ ତାଙ୍କ ଦାଣ୍ଡରେ ଶୋଇଥିବା ବେଳେ ଗୋଟିଏ ବୋଲେରୋରେ ପ୍ରାୟ ୬ରୁ ୭ ଜଣ ଯୁବକ ଆସି ଆମେ ପୋଲିସ, ଏଠି ଦୁଇଜଣ ଲୋକ ଥିଲେ ସେମାନେ କୁଆଡେ ଗଲେ ଏବଂ ଆମକୁ ତୁମେ ଶୁଆଇ ଦେବନି ବୋଲି କହି ମୋ ପାଖରେ ଥିବା ଦାମୀ ମୋବାଇଲ ଫୋନ ଛଡେଇ ନେଇ ଯାଇଥିଲେ। ମଁୁ ମାଗିବାରୁ ରବିବାର ଥାନାକୁ ଆସି ମୋବାଇଲ ନେବୁ ବୋଲି କହି ଚମ୍ପଟ ମାରିଥିଲେ। ଏ ସମ୍ପର୍କରେ ଆଇଆଇସି ଦିଲୀପ କୁମାର ସାହୁଙ୍କୁ ଯୋଗାଯୋଗ କରିବାରେ ଅଭିଯୋଗ ପରେ ନମ୍ବର ୭୯/୨୦ ରେ ମାମଲା ରୁଜୁ କରାଯାଇଛି ତଦନ୍ତ ଚାଲିଥିବା ସେ କହିଛନ୍ତି।
