ନନ୍ଦପୁର,୧।୯(ତୁଷାର କାନ୍ତ ମହାନ୍ତି): କୋରାପୁଟ ଜିଲା ଓ ନନ୍ଦପୁର ଥାନା ପୋଲିସର ମିଳିତ ଦଳ କୁମାରଗନ୍ଧନା ପଞ୍ଚାୟତ ଚଣ୍ଡାଳମୁଣ୍ଡା ଗ୍ରାମର ନୀଳଗିରି ବାଡ଼ରେ ଚାଲିଥିବା ଜୁଆ ଆଡ୍ଡା ଉପରେ ଚଢ଼ାଉ କରିଛନ୍ତି । ଏଥିରେ ଜଣେ ପୂର୍ବତନ ସରପଞ୍ଚଙ୍କ ସମେତ ୧୩ ଜଣ ଜୁଆଡିଙ୍କୁ ଗିରଫ କରିବାରେ ସଫଳ ହୋଇଛନ୍ତି । ନଗଦ ୬୦ ହଜାର ୩୧୦ ଟଙ୍କା ସହ ୨ ଗୋଟି କାର, ୩ ଟି ବାଇକ, ୧୦ ଟି ମୋବାଇଲ ଫୋନ, ତାସ ଆଦି ଜୁଆ ସାମଗ୍ରୀ ଜବତ ହୋଇଛି । ବିଏନଏସ ଧାରା ୧୧୨(୨) ଓ ଆର/ଡବ୍ଲୁ ସେକ୍ସନ ୩ (ଓପିଜି ଆକ୍ଟ) ପ୍ରକାରେ ନନ୍ଦପୁର ଥାନା କେସ ନ ୧୩୬ ପ୍ରକାରେ ମାମଲା ରୁଜ୍ଜୁ କରି ମଙ୍ଗଳବାର ୧୩ ଜଣଙ୍କୁ ଏକକାଳୀନ କୋର୍ଟ ଚାଲାଣ କରାଯାଇଛି।
ଥାନା ଏସଆଇ ଦ୍ରୋଣାଚାର୍ଯ୍ୟ ବାଗ ଘଟଣାର ତଦନ୍ତ କରୁଥିବା ଥାନାଧିକାରୀ ତ୍ରିନାଥ ତୋଟା ପାଡ଼ିଆ ସୂଚନା ଦେଇଛନ୍ତି ।
ସୂଚନା ଅନୁଯାୟୀ ଚଣ୍ଡାଳମୁଣ୍ଡାର ଗ୍ରାମ ନୀଳଗିରି ବାଡରେ ଅସ୍ଥାୟୀ ଘର କରି ସେଠାରେ ଜୁଆ ଆଡ୍ଡା ଚାଲିଥିବା ଓ କୋରାପୁଟ, ମାଛକୁଣ୍ଡ, ବୈପାରିଗୁଡା, ନନ୍ଦପୁର ଥାନା ଅଞ୍ଚଳର ଜୁଆଡି ଜୁଆ ଖେଳୁଥିବା ପୋଲିସକୁ ସୂଚନା ମିଳିଥିଲା। ଏସପି ରୋହିତ୍ ବର୍ମାଙ୍କ ନିର୍ଦ୍ଦେଶ ମୁତାବକ କୋରାପୁଟ ପୋଲିସର ସ୍ୱତନ୍ତ୍ର ଦଳ ସହ ନନ୍ଦପୁର ପୋଲିସ ମିଳିତ ହୋଇ ଜୁଆ ଆଡ୍ଡା ଉପରେ ଚଢ଼ାଉ କରିଥିଲେ। ଚଢ଼ାଉ ବେଳେ କିଛି ଜୁଆଡ଼ି ଖସି ପଳାଇ ଥିବା ବେଳେ କୁମାରଗନ୍ଧନା ପଞ୍ଚାୟତର ପୂର୍ବତନ ସରପଞ୍ଚ ଧନୁର୍ଜୟ ବଡ଼ନାୟକ (୪୨)ଙ୍କ ସମେତ କାକଲପଡ଼ା ଗ୍ରାମର ଭଗବାନ ଖିଲ (୩୬) ବୁଦୁ ପାଙ୍ଗି (୨୨), କଦମଗୁଡାର ହରି ପାଙ୍ଗି (୩୪) ଓ ଲଛମନ ବଡ ନାୟକ (୩୮), ଦେବତାହଞ୍ଜର ଗ୍ରାମର ରାମ ତୋଟାପାଡିଆ (୩୮), ହାଟଶୁକୁ ଗ୍ରାମର ଜଗବନ୍ଧୁ ବଡନାୟକ(୨୮), ମାଙ୍କିଡି ଗ୍ରାମର ବୁଦ୍ରା ଚାଲାଣ (୩୫), ପରଜାମୁଣ୍ଡାର ଗ୍ରାମର ଗୋରା ସୁକିଆ (୧୯), କାଙ୍ଗରପଡ଼ା ଗ୍ରାମର ପୀତାମ୍ବର ଖେମୁଣ୍ଡୁ (୩୬), ମାଛକୁଣ୍ଡ ଗ୍ରାମର ହରି ସିଲପଡା (୨୭), କୁମାରଗନ୍ଧନା ଗ୍ରାମର କୃଷ୍ଣ ଝଡିଆ (୪୦), ଚଣ୍ଡାଳ ମୁଣ୍ଡାର ଗ୍ରାମର ହରିବନ୍ଧୁ ହନ୍ତାଳ (୪୨) ଙ୍କୁ ପୋଲିସ କାବୁ କରିଥିଲା।
ସେମାନଙ୍କ ଠାରୁ ନଗଦ ୬୦ ହଜାର ୩୧୦ ଟଙ୍କା, ଓଡି୦୮ ଏମ ୦୨୬୪ ଓ ଓଡି୧୦ ଏବି ୩୮୩୮ ନମ୍ବର୍ ବିଶିଷ୍ଟ ଦୁଇ କାର, ୨ ଟି ବାଇକ ଓ ଗୋଟିଏ ସ୍କୁଟି, ୧୦ ଟି ମୋବାଇଲ ଫୋନ, ତାସ, ମସିଣା ଆଦି ଜବତ କରିଥିଲେ। ଥାନା କେସ ନ ୧୩୭/୨୦୨୬ ପ୍ରକାରେ ମାମଲା ରୁଜ୍ଜୁ କରି ୧୩ ଯୁଆଡ଼ିଙ୍କୁ ଗିରଫ କରାଯିବା ସହ ମଙ୍ଗଳବାର କୋର୍ଟ ଚାଲାଣ କରାଯାଇଥିବା ଥାନାଧିକାରୀ ତ୍ରିନାଥ ତୋଟା ପାଡିଆ ସୂଚନା ଦେଇଛନ୍ତି।