ମୋହନା,୧୦।୪( ମନ୍ମଥ ମିଶ୍ର ): କିଛିଦିନ ହେବ ଗଜପତି ଜିଲାର ଆର ଉଦୟଗିରି ଓ ଅଡବା ଥାନା ଅଞ୍ଚଳରେ ଗଞ୍ଜେଇ ମୂଳପୂଛ କରିବା ପାଇଁ ଘନଘନ ଚଢ଼ାଉ ଜାରି ରହିଛି। ଏହି ଦୁଇ ଥାନା ଅଞ୍ଚଳରୁ ପାଖାପାଖି ୧୦ ଟନରୁ ଅଧିକା ଗଞ୍ଜେଇ ବର୍ତ୍ତମାନ ସୁଦ୍ଧା ଜବତ କରି ସାରିଲାଣି ପୋଲିସ। ଏତେ ଗଞ୍ଜେଇ ଜବତ କରାଯାଉଛି ତଥାପି ପୋଲିସର ଚଢ଼ାଉରେ ବିପୁଳ ପରିମାଣର ଜବତ କରାଯାଉଛି। ସେହିପରି ଗୁରୁବାର ଆର ଇଦୟଗିରି ଥାନା ଅନ୍ତର୍ଗତ ଗୁଇବାଡ଼ି ଗାଁ ନିକଟସ୍ଥ ସରଂକ୍ଷଣ ଜଙ୍ଗଲରେ ଗଞ୍ଜେଇ ଗଚ୍ଛିତ ଥିବା ନେଇ ପୋଲିସ ଜାଣିବାକୁ ପାଇଥିଲା। ଫଳରେ ଆର ଉଦୟଗିରି ଏସଡିପିଓଙ୍କ ତତ୍ତ୍ୱାବଧାନରେ ଏକ ଟିମ ଚଢ଼ାଉ କରି ୧୭ ଗୋଟି ଜରି ବସ୍ତା ଜବତ କରାଯାଇଥିଲା। ଜବତ ଗଞ୍ଜେଇ ଏକଜୁଟିଭ ମାଜିଷ୍ଟ୍ରେଟଙ୍କ ଉପସ୍ଥିତିରେ ଓଜନ କରାଯାଇଥିଲା ଯାହାର ପରିମାଣ ୫୧୦ କିଲୋ ହୋଇଥିବା ବେଳେ ଆନୁମାନିକ ବଜାର ଦର ୫ ଲକ୍ଷ ଟଙ୍କାରୁ ଅଧିକ ହେବ ବୋଲି ଆର ଉଦୟଗିରି ଏସଡିପିଓ ରାକେଶ କୁମାର ସାହୁ ସୂଚନା ଦେଇଛନ୍ତି। ରା. ଉଦୟଗିରିରେ ଏକ କେସ୍ ୫୦/୬୬ ରେ ମାମଲା ରୁଜୁ ହୋଇଛି।
