ଦିଶପୁର,୧୮ା୧: ଆସାମର କାଲିଆବୋରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପହଞ୍ଚିଛନ୍ତି। ଏକ ରାଲିରେ ଯୋଗ ଦେଇ ପ୍ରଧାନମନ୍ତ୍ରୀ କହିଛନ୍ତି, ଆଜି ଭାଜପା ସାରା ଦେଶର ଲୋକଙ୍କ ପ୍ରଥମ ପସନ୍ଦ ପାଲଟିଛି। ଗତ ଦେଢ଼ ବର୍ଷ ଧରି, ଭାଜପା ଉପରେ ବିଶ୍ୱାସ ନିରନ୍ତର ବୃଦ୍ଧି ପାଉଛି। ନିକଟରେ ବିହାରରେ ନିର୍ବାଚନ ଅନୁଷ୍ଠିତ ହୋଇଥିଲା। ସେଠାରେ ୨୦ ବର୍ଷ ପରେ ମଧ୍ୟ, ଲୋକମାନେ ଭାଜପାକୁ ରେକର୍ଡ ସଂଖ୍ୟକ ଭୋଟ୍ ଦେଇଛନ୍ତି। ସେମାନେ ରେକର୍ଡ ଆସନ ଜିତିଛନ୍ତି। ମାତ୍ର ଦୁଇ ଦିନ ପୂର୍ବରୁ, ମହାରାଷ୍ଟ୍ରର ପ୍ରମୁଖ ସହରଗୁଡ଼ିକରେ ମେୟର ଏବଂ କାଉନସିଲର ନିର୍ବାଚନର ଫଳାଫଳ ଆସିଛି। ବିଶ୍ୱର ସବୁଠାରୁ ବଡ଼ କର୍ପୋରେଶନ ମଧ୍ୟରୁ ଗୋଟିଏ ମୁମ୍ବାଇ, ପ୍ରଥମ ଥର ପାଇଁ ସେଠାକାର ଲୋକମାନେ ଭାଜପାକୁ ରେକର୍ଡ ଜନାଦେଶ ଦେଇଛନ୍ତି। ବିଜୟ ମୁମ୍ବାଇରେ ହେଉଛି ଏବଂ କାଜିରଙ୍ଗାରେ ଉତ୍ସବ ପାଳନ କରାଯାଉଛି।
ଆସାମର ବିଭିନ୍ନ ପ୍ରକଳ୍ପ ଉଦ୍ଘାଟନ କରିଛନ୍ତି ପ୍ରଧାନମନ୍ତ୍ରୀ। ଏହି ସମୟରେ ଆୟୋଜିତ ଏକ ସାଧାରଣ ସଭାରେ ଉଦ୍ବୋଧନ ଦେଇ କଂଗ୍ରେସ ଉପରେ ପ୍ରବଳ ବର୍ଷିଛନ୍ତି। ପ୍ରଧାନମନ୍ତ୍ରୀ କହିଛନ୍ତି, ମୁମ୍ବାଇ ଏବଂ ଥିରୁଭାନନ୍ତପୁରମର ବିଜୟ ବି ଲୋକ ଦେଖିଛନ୍ତି। ଭାଜପାର ଲୋକପ୍ରିୟତା ବଢୁଛି। ମହାରାଷ୍ଟ୍ରର ଅଧିକାଂଶ ସହରର ଲୋକମାନେ ଭାଜପାକୁ ସେବା କରିବାର ସୁଯୋଗ ଦେଇଛନ୍ତି ବୋଲି ପ୍ରଧାନମନ୍ତ୍ରୀ ତାଙ୍କ ଉଦ୍ବୋଧନରେ କହିଛନ୍ତି।
