ମୁମ୍ବାଇ: କ୍ୟାଟ୍ରିନା କୈଫଙ୍କ ଅଭିନୀତ ଫିଲ୍ମ ‘ଫୋନ ଭୁତ’ ସମ୍ପର୍କରେ ଘୋଷଣା ହେବା ପରେ ଦର୍ଶକେ ଏହି ଫିଲ୍ମକୁ ବଡ ଉତ୍ସୁକତାର ସହ ଅପେକ୍ଷା ରଖିଛନ୍ତି । ନିକଟରେ ଫିଲ୍ମର ଟ୍ରେଲର ରିଲିଜ ଡେଟର ଘୋଷଣା ସମ୍ପର୍କରେ ବୟାନ ସାମ୍ନାକୁ ଆସିଥିଲା । ଗୁରମିତ ସିଂଙ୍କ ଦ୍ୱାରା ନିର୍ଦ୍ଦେଶିତ ଏହି ବହୁ ପ୍ରତିକ୍ଷିତ ଫିଲ୍ମ ଚଳିତ ବର୍ଷ ନଭେମ୍ବରେ ୪ରେ ରିଲିଜ୍ ହେବାର ଯୋଜନା ରହିଛି । ଫିଲ୍ମରେ ଜ୍ୟାକି ଶ୍ରଫ, ଶିବା ଚଡ୍ଡା ଓ ନିଧି ବିଷ୍ଟ ସହାୟକ ଭୂମିକାରେ ନଜର ଆସିବେ । ଆଗାମୀ ହରର କମେଡିର ନିର୍ମାତା ସେସିଆଲ ମିଡିଆରେ ଫିଲ୍ମର ଟ୍ରେଲର ରିଲିଜର ତାରିଖ ଘୋଷଣା କରିଛନ୍ତି । ୧୦ ଅକ୍ଟୋବରରେ ଏହାର ଟ୍ରେଲର ରିଲିଜ୍ ହେବ । ଫିଲ୍ମରେ କ୍ୟାଟ୍ରିନା କୈଫଙ୍କ ସହ ସିଦ୍ଧାନ୍ତ ଚତୁର୍ବେଦୀ ଓ ଇଶାନ ଖଟ୍ଟର ମୁଖ୍ୟ ଭୂମିକାରେ ନଜର ଆସିବେ ।
କ୍ୟାଟ୍ରିନା ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ସିଦ୍ଧାନ୍ତ ଚତୁର୍ବେଦୀ ଓ ଇଶାନ ଖଟ୍ଟରଙ୍କ ସହ ଫୋନ ଭୁତର ନୂଆ ପୋଷ୍ଟର ଶେୟାର କରିଛନ୍ତି । ସେ ଏହାର ନାମ ଦେଇଛନ୍ତି ‘ଇନକମିଂ କଲ.. ‘ଫୋନ ଭୁତ’ ର ଟ୍ରେଲର ୧୦ ଅକ୍ଟୋବରରେ ରିଲିଜ୍ ହେବ । ଏହାସହ ସେ ଲେଖିଛନ୍ତି ଖୁବଶୀଘ୍ର ଆଡଭେନଚର ଆରମ୍ଭ ହେବ ।
