ପେଟ୍ରୋଲ ପମ୍ପ ବ୍ୟବସାୟ ବିଶ୍ୱର ଅନ୍ୟତମ ଲାଭଜନକ ବ୍ୟବସାୟ ମଧ୍ୟରୁ ଗୋଟିଏ ଭାବେ ପରିଗଣିତ ହୁଏ। ଭାରତ ଭଳି ଦେଶରେ, ଯେଉଁଠାରେ ପରିବହନ ଓ ଲଜିଷ୍ଟିକ୍ସ ଦ୍ରୁତ ଗତିରେ ବୃଦ୍ଧି ପାଉଛି, ଏହାର ଚାହିଦା ଆହୁରି ଅଧିକ। ଯଦି ଆପଣ ମଧ୍ୟ ପେଟ୍ରୋଲ ପମ୍ପ ଖୋଲିବାର ସ୍ବପ୍ନ ଦେଖୁଛନ୍ତି, ତେବେ ଏହି ସମାଚାର ଆପଣଙ୍କ ପାଇଁ ଉପଯୋଗୀ ହେବ। ଏଠାରେ ଆପଣଙ୍କୁ ଲାଇସେନ୍ସ ପ୍ରକ୍ରିୟାରୁ ଆରମ୍ଭ କରି ଜମି, ନିବେଶ ଏବଂ ଆବଶ୍ୟକୀୟ ଅନୁମତି ପର୍ଯ୍ୟନ୍ତ ସମ୍ପୂର୍ଣ୍ଣ ତଥ୍ୟ ମିଳିବ।
ପେଟ୍ରୋଲ ପମ୍ପ ଖୋଲିବା ପାଇଁ ଯୋଗ୍ୟତା ଓ ସର୍ତ୍ତ
ବୟସ ସୀମା: ୨୧ ରୁ ୫୫ ବର୍ଷ
ନାଗରିକତା: ଭାରତୀୟ ନାଗରିକ କିମ୍ବା NRI (ଭାରତରେ ୧୮୨ ଦିନରୁ ଅଧିକ ରହିବା ବାଧ୍ୟତାମୂଳକ)
ଶିକ୍ଷାଗତ ଯୋଗ୍ୟତା:ସାଧାରଣ ବର୍ଗ: ୧୨ଶ ପାସ
ସଂରକ୍ଷିତ ବର୍ଗ (SC/ST/OBC): ୧୦ମ ପାସ
ସହରାଞ୍ଚଳରେ ଡିଲରସିପ ପାଇଁ ଗ୍ରାଜୁଏଟ ହେବା ଆବଶ୍ୟକ
କେତେ ନିବେଶ ଆବଶ୍ୟକ?
ଗ୍ରାମାଞ୍ଚଳ: ୧୫ ଲକ୍ଷରୁ ୨୦ ଲକ୍ଷ ଟଙ୍କା
ସହରାଞ୍ଚଳ: ୩୦ ଲକ୍ଷରୁ ୩୫ ଲକ୍ଷ ଟଙ୍କା (ଯଦି ଜମି ନିଜର ହୋଇଥାଏ)
ନିବେଶ ପାଇଁ ବ୍ୟାଙ୍କ ଡିପୋଜିଟ, ବଣ୍ଡ, ଫିକ୍ସଡ ଡିପୋଜିଟ, ମ୍ୟୁଚୁଆଲ ଫଣ୍ଡ, NSC, ଡାକ ଯୋଜନା ଏବଂ ସେଭିଙ୍ଗ୍ସ ଆକାଉଣ୍ଟ ବ୍ୟବହାର କରାଯାଇପାରେ।
ଜମି ଆବଶ୍ୟକତା:
ଆକାର: ୮୦୦ ରୁ ୧୨୦୦ ବର୍ଗ ମିଟର
ଅବସ୍ଥାନ:ରେଗୁଲାର ଆଉଟଲେଟ: ଜାତୀୟ/ରାଜ୍ୟ ରାଜପଥ, ସହରାଞ୍ଚଳ
ଗ୍ରାମାଞ୍ଚଳ ଆଉଟଲେଟ: ଗ୍ରାମାଞ୍ଚଳ, ମୁଖ୍ୟ ରାସ୍ତା ସହ ସଂଯୋଗ
ଫିସ ଓ ଚାର୍ଜ:
ଆବେଦନ ଫିସ: ୧୦୦୦ ଟଙ୍କା (SC/ST/OBC ପାଇଁ ୫୦% ଛାଡ଼)
ରିଟେଲ ଆଉଟଲେଟ: ୧୦୦ ଟଙ୍କା
ଲାଇସେନ୍ସ ଫିସ:B/DC ଶ୍ରେଣୀ: ୧୮ ଟଙ୍କା/କିଲୋଲିଟର
A/CC ଶ୍ରେଣୀ: ୪୮ ଟଙ୍କା/କିଲୋଲିଟର
ନିର୍ଦ୍ଧିଷ୍ଟ ଫିସ:
ଗ୍ରାମାଞ୍ଚଳ: ୫ ଲକ୍ଷରୁ ୧୦ ଲକ୍ଷ ଟଙ୍କା
ସହରାଞ୍ଚଳ: ୧୫ ଲକ୍ଷରୁ ୩୦ ଲକ୍ଷ ଟଙ୍କା
ଆବଶ୍ୟକୀୟ ସାର୍ଟିଫିକେଟ ଓ ଅନୁମତି ଜମି ମାଲିକାନା ପ୍ରମାଣପତ୍ର:
NOC (ଲାଇସେନ୍ସିଂ ପ୍ରାଧିକାରୀଙ୍କଠାରୁ)
MCD ଓ ଅଗ୍ନିଶମ ବିଭାଗରୁ ଅନୁମତି
ଅନ୍ୟାନ୍ୟ ସ୍ଥାନୀୟ ଅନୁମୋଦନ
ପେଟ୍ରୋଲ ପମ୍ପ ଲାଇସେନ୍ସ କେଉଁଠୁ ମିଳିବ?
ପୈସା ବଜାର ଡଟ କମ ଅନୁସାରେ, ପେଟ୍ରୋଲ ପମ୍ପ ଆରମ୍ଭ କରିବା ପାଇଁ କୌଣସି ଅଏଲ ମାର୍କେଟିଂ କମ୍ପାନୀ (OMC) ଠାରୁ ଡିଲରସିପ ନେବାକୁ ପଡ଼ିବ।
ମୁଖ୍ୟ କମ୍ପାନୀଗୁଡ଼ିକ ହେଲା:ଇଣ୍ଡିଆନ ଅଏଲ କର୍ପୋରେସନ (IOC)
ଭାରତ ପେଟ୍ରୋଲିୟମ କର୍ପୋରେସନ ଲିମିଟେଡ (BPCL)
ହିନ୍ଦୁସ୍ତାନ ପେଟ୍ରୋଲିୟମ କର୍ପୋରେସନ ଲିମିଟେଡ (HPCL)
ରିଲାଏନ୍ସ ପେଟ୍ରୋଲିୟମ
ଏସାର ଅଏଲ
ଇନ୍ଦ୍ରପ୍ରସ୍ଥ ଗ୍ୟାସ ଲିମିଟେଡ (IGL)
ଶେଲ ଇଣ୍ଡିଆ, ONGC ଇତ୍ୟାଦି।
ପେଟ୍ରୋଲ ପମ୍ପ ପାଇଁ କିପରି ଆବେଦନ କରିବେ?
ଅଏଲ ମାର୍କେଟିଂ କମ୍ପାନୀଗୁଡ଼ିକ ଖବରକାଗଜ କିମ୍ବା ଓ୍ବେବସାଇଟରେ ଡିଲରଶିପ ପାଇଁ ବିଜ୍ଞାପନ ପ୍ରକାଶ କରନ୍ତି। ଆଗ୍ରହୀ ବ୍ୟକ୍ତି ଅନଲାଇନରେ ଆବେଦନ କରିପାରିବେ। ଯଦି ଗୋଟିଏ ସ୍ଥାନ ପାଇଁ ଏକାଧିକ ଆବେଦନ ଆସେ, ତେବେ ଚୟନ ଲଟେରୀ କିମ୍ବା ବିଡିଂ ମାଧ୍ୟମରେ ହୁଏ।ଏହି ବ୍ୟବସାୟ ଆରମ୍ଭ କରିବା ପାଇଁ ସଠିକ ଯୋଜନା ଓ ନିବେଶ ସହ ଉପଯୁକ୍ତ ଅନୁମତି ନେଇ ଆପଣ ଏକ ଲାଭଜନକ କ୍ୟାରିୟର ଗଢ଼ିପାରିବେ।
