ଆଜମେର,୨୬।୧୦ : ରାଜସ୍ଥାନରେ ଏପରି ଅନେକ ପୁରୁଣା ପରମ୍ପରା ଏବଂ ରୀତିନୀତି ଅଛି ଯାହା ଲୋକଙ୍କୁ ଆଶ୍ଚର୍ଯ୍ୟ କରିଥାଏ। ସମୟ ବିତିବା ସହିତ ଏହି ପରମ୍ପରାଗୁଡ଼ିକର ପ୍ରକୃତି ମଧ୍ୟ ବଦଳି ଯାଇଛି। ଅଜମେରର କେକେଡିରେ ଖେଳାଯାଉଥିବା ଏପରି ଏକ ପରମ୍ପରା ଲୋକଙ୍କ ପାଇଁ ବିପଦର୍ପୂ୍ଣ୍ଣ ହୋଇପଡୁଛି। ଏଠାରେ ଦୀପାବଳିର ପରଦିନ ଲୋକମାନେ ଗୋବର୍ଦ୍ଧନ ପୂଜାରେ ପରସ୍ପର ଉପରେ ବାଣ ଫିଙ୍ଗନ୍ତି। ଏହି କାରଣରୁ ବହୁ ଲୋକ ଆହତ ହୋଇଥାନ୍ତି। ଏହି ମାରାତ୍ମକ ଖେଳ ବନ୍ଦ କରିବା ପାଇଁ ପ୍ରଶାସନ ପକ୍ଷରୁ କଠୋର ପଦକ୍ଷେପ ଗ୍ରହଣ କରାଯିବା ସତ୍ତ୍ୱେ ମଧ୍ୟ ଲୋକେ ଏହାକୁ ଅଣଦେଖା କରି ଏହି ପରମ୍ପରା ପାଳନ କରିଥାନ୍ତି।
ଏହି ପରମ୍ପରା ଅଜମେରର କେକେଡି ସହରରେ ପାଳନ କରାଯାଏ। ଗଣେଶ ପ୍ୟାଉରେ ପ୍ରଭୁ ଭୈରବଙ୍କର ଏକ ପ୍ରାଚୀନ ମନ୍ଦିର ଅଛି। ଗୋବର୍ଦ୍ଧନ ପୂଜାରେ ଦୀପାବଳିର ଗୋଟିଏ ଦିନ ପରେ ଏଠାରେ ୧୦୦ ବର୍ଷରୁ ଅଧିକ ପୁରୁଣା ଏହି ପରମ୍ପରା ପାଳନ କରାଯାଇଥାଏ। ଘାସରେ ଭୈରବଙ୍କର ଏକ ପ୍ରତିମା ତିଆରି କରାଯାଇଥାଏ। ପ୍ରତିମାକୁ ବଳଦ ଉପରେ ରଖି ସହର ପରିକ୍ରମା କରାଯାଇଥାଏ। ବଳଦଙ୍କୁ ଚଳାଇବା ପାଇଁ ବାଣରେ ନିଆଁ ଲଗାଇ ସେମାନଙ୍କ ଗୋଡ ପାଖକୁ ଫିଙ୍ଗା ଯାଇଥାଏ। ଫଳରେ ବଳଦମାନେ ଦୌଡ଼ିବା ଆରମ୍ଭ କରନ୍ତି। ଏହାପରେ ଲାକମାନେ ପରସ୍ପର ଉପରକୁ ବାଣ ଫୋପାଡିବା ଆରମ୍ଭ କରନ୍ତି। ଲୋକମାନେ ଦୁଇଟି ଗୋଷ୍ଠୀ ଗଠନ କରନ୍ତି ଏବଂ ପରସ୍ପର ଉପରକୁ ବାଣ ପକାନ୍ତି। ଏହି ସମୟରେ କେତେକ ଲୋକ ମଧ୍ୟ ଆହତ ହୁଅନ୍ତି।
ଗୋବର୍ଦ୍ଧନ ପୂଜା ଦିନ କେକଡିରେ ପୋଲିସ ଫୋର୍ସ ମୁତୟନ କରାଯାଇଥାଏ। ତେବେ ପୋଲିସଙ୍କୁ ଏଡାଇବା ପାଇଁ ଲୋକମାନେ ରାତିରେ ପରସ୍ପର ଉପରେ ବାଣ ପକାଇଥାନ୍ତି।
