ଦିଗପହଣ୍ଡି,,୨୧।୭(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ପାଟପୁର ଥାନା ପୋଲିସ ବିଭିନ୍ନ ମାମଲାରେ ଫେରାର ଥିବା ୩ ଜଣ ଜାମିନବିହୀନ ୱାରେଣ୍ଟିଙ୍କୁ ଗିରଫ କରି କୋର୍ଟ ଚାଲାଣ କରିଛି।
ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଧର୍ମପୁର ଗ୍ରାମର ଡି. ମିଥୁନ ଦୋରା କୋର୍ଟଙ୍କ ଆଦେଶ ଅନୁଯାୟୀ ମାଜିଷ୍ଟ୍ରେଟଙ୍କ ସମ୍ମୁଖରେ ହାଜର ହୋଇ ନ ଥିଲେ। ଏନେଇ ଜି ଆର ମାମଲା ନଂ. ୩୨୩/୨୨ ଅନୁଯାୟୀ ତାଙ୍କ ବିରୋଧରେ ଜାମିନବିହୀନ ଗିରଫ ପରୱାନା ଜାରି କରାଯାଇଥିଲା। ପାଟପୁର ଥାନା ଏସଆଇ ତ୍ରିନାଥ ଭୋଇ ୱାରେଣ୍ଟ ବଳରେ ତାଙ୍କୁ ଗିରଫ କରି ସାନଖେମୁଣ୍ଡି ଗ୍ରାମ୍ୟ ନ୍ୟାୟାଳୟରେ ହାଜର କରିଥିଲେ ବୋଲି ଥାନା ଅଧିକାରୀ ଦୀପ୍ତି ରଞ୍ଜନ ବେହେରା ଜଣାଇଛନ୍ତି।
ସେହିପରି ଅନ୍ୟ ଏକ ମାମଲାରେ ଦାମପୁର ଗ୍ରାମର ହାବିଲି ନାଇକ (ମାମଲା ନଂ. ୨(ଏ) ସି.ସି – ୧୮/୨୧) ଏବଂ ନୀର ଦଳାଇ (ମାମଲା ନଂ. ଏମ.ସି – ୩୯/୨୧)ଙ୍କୁ ମଧ୍ୟ ପୋଲିସ ଜାମିନବିହୀନ ୱାରେଣ୍ଟ ବଳରେ ଗିରଫ କରି କୋର୍ଟ ଚାଲାଣ କରିଛି। ଅପରାଧିକ ମାମଲାରେ ଦୀର୍ଘଦିନ ହେଲା କୋର୍ଟରେ ହାଜର ହେଉନଥିବା ଏହି ୱାରେଣ୍ଟିମାନଙ୍କ ବିରୋଧରେ ପୋଲିସ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଥିବା ଆଇଆଇସି ପ୍ରକାଶ କରିଛନ୍ତି।