କଟକ,୧୦।୧୨: କଟକରେ ଖେଳାଯାଇଥିବା ଦକ୍ଷିଣ ଆଫ୍ରିକା ବିପକ୍ଷ ଟି୨୦ କ୍ରିକେଟ ମ୍ୟାଚ୍ରେ ଭାରତ ୧୦୧ ରନ୍ରେ ଦମ୍ଦାର ବିଜୟ ହାସଲ କରିଛି। ହାର୍ଦ୍ଦିକ ପାଣ୍ଡ୍ୟାଙ୍କ ବିସ୍ଫୋରକ ଅର୍ଦ୍ଧଶତକ ବଳରେ ଭାରତ ୨୦ ଓଭରରେ ୬ ଉଇକେଟ ହରାଇ ୧୭୫ ରନ୍ କରିଥିଲା। ୧୭୬ ରନ୍ର ଟାର୍ଗେଟ୍କୁ ପିଛାକରି ଦକ୍ଷିଣ ଆଫ୍ରିକା ସାଙ୍ଘାତିକ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇ ୭୪ ରନ୍ରେ ଅଲଆଉଟ୍ ହୋଇଯାଇଥିଲା। ତେବେ ମ୍ୟାଚ୍ରେ ଏକ ଅଘଟଣା ଘଟିଥିଲା।
ମ୍ୟାଚ ଆରମ୍ଭ ହେବା ପୂର୍ବରୁ ଖେଳାଳିମାନେ ଅଭ୍ୟାସ କରୁଥିଲେ । କୃକ ଟାଓ୍ବାର୍ ପାର୍ଶ୍ୱ ବାଉଣ୍ଡାରୀ ପାଖରେ ଭାରତୀୟ ଅଲରାଉଣ୍ଡର ପାଣ୍ଡ୍ୟା ବ୍ୟାଟିଂ ଅଭ୍ୟାସ କରୁଥିଲେ। ନେଟ୍ସକୁ ପୁଲ ସଟ ଖେଳୁଥିବା ବେଳେ ହଠାତ୍ ତାଙ୍କର ଏକ ସଟ ଜାଲ ଟପି ବିସିସିଆଇ ବକ୍ସରେ ବସିଥିବା ଜଣେ ଦର୍ଶକଙ୍କ ମୁହଁରେ ବାଜିଥିଲା । ଏହାପରେ ତୁରନ୍ତ ପାଣ୍ଡ୍ୟା ଅଭ୍ୟାସ ବନ୍ଦ ବନ୍ଦ କରି ପ୍ରଶଂସକଙ୍କ ପାଖକୁ ଦୌଡ଼ି ଆସିଥିଲେ। ସେ ଠିକ ଅଛତି କି ନାହିଁ ପଚାରି ବୁଝିଥିଲେ। ପରେ ଉକ୍ତ ଆହତ ପ୍ରଶଂସକଙ୍କୁ ଚିକିତ୍ସା ପାଇଁ ନିଆଯାଇଥିଲା।
ଭାରତ ବିଜୟର ମୁଖ୍ୟ ନାୟକ ଥିଲେ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା। ଆହତରୁ ଫେରି ସେ ମାତ୍ର ୨୮ ବଲରେ ୫୯ ରନର ବିସ୍ଫୋରକ ଇନିଂସ ଖେଳି ଦଳକୁ ୧୭୫ ରନରେ ପହଞ୍ଚାଇଥିଲେ ଏବଂ ପରେ ଗୁରୁତ୍ୱପୂର୍ଣ୍ଣ ଡେଭିଡ ମିଲରଙ୍କ ଉଇକେଟ ନେଇଥିଲେ।
Dharitri – Odisha’s No.1 Odia Daily
