କୁଜଙ୍ଗ,୧୧।୧(ଡି.ଏନ୍.ଏ.): ଜଗତ୍ସିଂହପୁର ଜିଲା ଏରସମା ତହସିଲ ଅନ୍ତର୍ଗତ ଢିଙ୍କିଆ ଚାରିଦେଶରେ ଜେଏସ୍ଡବ୍ଲ୍ୟୁ ପ୍ରକଳ୍ପ ନିମନ୍ତେ ସହମତି ଭିତ୍ତିରେ ପାନବରଜ ଭଙ୍ଗା ଚାଲଛି। ଯେଉଁମାନେ କମ୍ପାନୀ ସପକ୍ଷରେ ପାନବରଜ ଭାଙ୍ଗୁଛନ୍ତି ସେମାନଙ୍କ ଉପରେ ଢିଙ୍କିଆ ଗ୍ରାମ କମିଟି କଙ୍ଗାରୁ କୋର୍ଟ ବସାଇ ଜୋର ଜବରଦସ୍ତ ୫ଲକ୍ଷ ଟଙ୍କା ଜରିମାନା ଆଦାୟ କରୁଥିବା ଅଭିଯୋଗ ହୋଇଛି। ରବିବାର ରାତିରେ ପାନବରଜ ଦେଇଥିବା ପ୍ରକାଶ ସାହୁ, ଗନ୍ଧର୍ବ ଦାସ, ଫକୀର କାଣ୍ଡି, ରାଜୀବ କାଣ୍ଡିଙ୍କୁ ଗ୍ରାମସଭାକୁ ଡକାଯାଇଥିଲା। ସେମାନେ ପ୍ରକଳ୍ପ ନିମନ୍ତେ ପାନବରଜ ଦେଇଥିବାରୁ ୫ଲକ୍ଷ ଟଙ୍କା ଜରିମାନା ଦେବାକୁ ଲେଖାଇ ନିଆଯାଇଛି ବୋଲି ପ୍ରକାଶ ସାହୁ ପ୍ରକାଶ କରିଛନ୍ତି। ଏ ସମ୍ପର୍କରେ ବିରୋଧୀ ଆନ୍ଦୋଳନର ନେତା ଦେବେନ୍ଦ୍ର ସ୍ବାଇଁ କହିଛନ୍ତି, ଆମ୍ଭେ କାହାଠାରୁ ଟଙ୍କା ଆଦାୟ କରିନାହୁଁ। ମାତ୍ର ଯେଉଁମାନେ ଗାଁ ବିରୋଧରେ ଯାଇ ପାନବରଜ ଦେଇଛନ୍ତି ସେମାନଙ୍କଠାରୁ ଜରିମାନା ଆଦାୟ କରାଯିବ। ଅପରପକ୍ଷେ ଢିଙ୍କିଆ ପଞ୍ଚାୟତରେ ଏପର୍ଯ୍ୟନ୍ତ ୩୦୮ଟି ପାନବରଜ ମାପଚୁପ ହୋଇଥିବା ବେଳେ ୧୬୬ଟି ଭଙ୍ଗାଯାଇଛି।
