ଇସଲାମାବାଦ,୩ ।୧୨: ପାକିସ୍ତାନ ସେନାର ନୂଆ ମୂଖ୍ୟ ଜେନରାଲ ମୁନିର ସେନାରେ ବଡ ଧରଣର ପରିବର୍ତ୍ତନ କରି ଜଣେ ଇଞ୍ଜିନୟରଙ୍କୁ ଅନ୍ତର ସେବା ଜନସମ୍ପର୍କ(ଆଇଏସପିଆର)ର ମୁଖ୍ୟ ଭାବେ ନିଯୁକ୍ତ କରି ସମସ୍ତଙ୍କୁ ଚମକାଇ ଦେଇଛନ୍ତି । ‘ଡନ’ ନ୍ୟୁଜର ସୂଚନା ଅନୁଯାୟୀ, ଇଲେକ୍ଟ୍ରିକାଲ ଓ ମେକାନିକାଲ ଇଞ୍ଜିନିୟରିଂ(ଇଏମଇ) କୋର ସହ ସମ୍ପର୍କ ଥିବା ମେଜର ଜେନରାଲ ଅହମଦ ଶରିଫ୍କୁ ମିଡିଆ ଶାଖାର ନୂଆ ନିର୍ଦ୍ଦେଶକ ନିଯୁକ୍ତ କରାଯାଇଛି । ସେ ଲେପ୍ଟନାଣ୍ଟ ଜେନରାଲ ବାବର ଇଫ୍ତିକାରଙ୍କ ସ୍ଥାନ ନେବେ ।
ପାକିସ୍ତାନର ଅନୁଭବି ରାଜନେତା ଅସଦ ମଜିଦ ଖାଁଙ୍କୁ ନୂଆ ବିଦେଶ ସଚିବ ନିଯୁକ୍ତ କରାଯାଇଛି ଯାହାଙ୍କ ନାମ ‘ବିଦେଶୀ ସାଜିଶ’ ବିବାଦରେ ଆସିଥିଲା । ବୈଦେଶିକ କାର୍ଯ୍ୟାଳୟ ଏକ ଟୁଇଟରେ କହିଛି କି ଖାଁ ଏବେ ବେଲଜିୟମ, ୟୁରୋପୀୟ ସଂଘ(ଇୟୁ)ଓ ଳକ୍ଜମବର୍ଗରେ ପାକିସ୍ତାନର ରାଜଦୂତ ଭାବେ ଅବସ୍ଥାପିତ ଅଛନ୍ତି ।
