ଦାରିଙ୍ଗବାଡି, ୨୫।୪ (ଅରୁଣ ସାହୁ)- ଜମ୍ମୁ କଶ୍ମୀରର ପହଲଗାମରେ ଆତଙ୍କୀବାଦୀଙ୍କ ଆକ୍ରମଣ ଘଟଣାରେ କନ୍ଧମାଳ ଜିଲା ଦାରିଙ୍ଗବାଡି ବଣିକ ସଙ୍ଘ ଓ ଗ୍ରାମବାସୀ ପକ୍ଷରୁ ଏହାର ପ୍ରତିବାଦ ଜଣାଯାଇଛି। ଏଥିସହ ମୃତ ହିନ୍ଦୁ ପର୍ଯ୍ୟଟକଙ୍କ ଆମର ଆତ୍ମାର ସଦ୍ଗତି କାମନା କରି କ୍ୟାଣ୍ଡେଲ ଶୋଭାଯାତ୍ରା ବାହାରିଥିଲା। ଏହା ୩ ଛକରୁ ବାହାରି ସହର ପରିକ୍ରମା କରିଥିଲା। ଏଥିରେ ସଙ୍ଘର କର୍ମକର୍ତ୍ତା, ସଦସ୍ୟ, ଗ୍ରାମବାସୀ, ଶିଶୁମାନେ ସାମିଲ ହୋଇଥିଲେ।
ନିରୀହ ହିନ୍ଦୁ ପର୍ଯ୍ୟଟକଙ୍କୁ ହତ୍ୟା କରିବା ଅତି ନିନ୍ଦନୀୟ ଘଟଣା। ଭାରତ ସରକାର ଶୀଘ୍ର ଆତଙ୍କୀବାଦୀଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ ଓ ଦେଶବାସୀଙ୍କୁ ସୁରକ୍ଷା ପ୍ରଦାନ କରନ୍ତୁ ବୋଲି ସଙ୍ଘ ପକ୍ଷରୁ କୁହାଯାଇଛି। ସଂଧ୍ୟା ୬ଟାରେ ସମସ୍ତ ଦୋକାନ ବଜାରକୁ ବନ୍ଦ କରଯାଇ ସଙ୍ଘ ପକ୍ଷରୁ ଏହି କାର୍ଯ୍ୟକ୍ରମ କରାଯାଇଥିବା ଜଣାପଡିଛି। କାର୍ଯ୍ୟକ୍ରମରେ ବଣିକ ସଙ୍ଘର ସଭାପତି ଲଡ଼ୁ କିଶୋର ସାହୁଙ୍କ ସମେତ ଦିଲୀପ କୁମାର ସାହୁ, ସନ୍ତୋଷ କୁମାର ସାହୁ,ଭାଜପା ମଣ୍ଡଳ ସଭାପତି ମିଟୁ ସାହୁ, ମଣ୍ଟୁ ସାହୁ,ସୂର୍ଯ୍ୟ ସାହୁ, ଧିରେନ ସାହୁଙ୍କ ସମେତ ଶତାଧିକ ବ୍ୟକ୍ତିବିଶେଷ ସାମିଲ ହୋଇଥିଲେ ।
