କୋକସରା,୨୧ା୯(ଡି.ଏନ୍.ଏ.): କଳାହାଣ୍ଡି ଜିଲା କୋକସରା ବ୍ଲକ ସାନ ପୋଡ଼ାଗୁଡ଼ା ପଞ୍ଚାୟତର ନେଗିଗୁଡ଼ାର ପଦରପଡ଼ାକୁ ଦୀର୍ଘବର୍ଷ ପରେ ରାଜସ୍ବ ଗ୍ରାମର ମାନ୍ୟତା ମିଳିଛି। ଗ୍ରାମବାସୀ ଦୀର୍ଘବର୍ଷରୁ ରାଜସ୍ବ ଗ୍ରାମର ମାନ୍ୟତା ଦେବା ପାଇଁ ଦାବି ଜଣାଇ ଆସୁଥିଲେ। ତେବେ ରାଜ୍ୟ ସରକାର ନେଗିଗୁଡ଼ାର ପଦରପଡ଼ାକୁ ନୂତନ ରାଜସ୍ବ ଗ୍ରାମ ନିମନ୍ତେ ବିବେଚିତ କରିଛନ୍ତି। ଏହି ଖବର ଜାଣିବା ପରେ ଗ୍ରାମବାସୀ ସରକାର ଓ ପ୍ରଶାସନକୁ କୃତଜ୍ଞତା ଜଣାଇଛନ୍ତି। ବୁଧବାର କୋକସରା ତହସିଲଦାର ରାକେଶ ପରୁଆ ଓ ଗୋତୋମୁଣ୍ଡା ରାଜସ୍ବ ନିରୀକ୍ଷକ ଯତୀନ୍ଦ୍ର ନାଏକ ଗ୍ରାମ ପରିଦର୍ଶନ କରିବା ସହ ଗ୍ରାମବାସୀଙ୍କ ସହିତ ଆଲୋଚନା କରିଛନ୍ତି। ଏହି ଅବସରରେ ଏକ ବୈଠକ ଅନୁଷ୍ଠିତ ହୋଇଥିଲା। ପୋଡ଼ାଗୁଡ଼ା ପଞ୍ଚାୟତ ସରପଞ୍ଚ ଜୟରାମ ନାଗ, ସମିତି ସଭ୍ୟ ରାଜୀବ ଖମାରୀ, ରମଣୀ ବାଗ, ବାଲେକ ଖମାରୀ, ଗୋପଲାଲ ଗୋପାଳ, ତୁଳସୀରାମ ଗୋପାଳ, ଦେବେନ୍ଦ୍ର ଦାସ, କ୍ଷମା ସାଗର ବାଗ, ଅମୃତ ପୂଝାରୀ, ଇନ୍ଦ୍ରଜିତ ଗୋପାଳ,
ତ୍ରିଲୋଚନ ଗହିର, ଗୌରଚନ୍ଦ୍ର ଖର୍ସେଲ, ମୋତିଲାଲ ମେହେର, ଛବିଲାଲ ନାଗଙ୍କ ସମେତ ଗ୍ରାମବାସୀ ଉପସ୍ଥିତ ରହି ରାଜ୍ୟ ସରକାରଙ୍କୁ କୃତଜ୍ଞତା ଦେବା ସହ ରାଜସ୍ବ ଗ୍ରାମର ସମସ୍ତ ପ୍ରକାର ମୌଳିକ ସୁବିଧା ଯୋଗାଇ ଦେବାକୁ ତହସିଲଦାରଙ୍କୁ ଦାବି ରଖିଥିଲେ।
