ଆନନ୍ଦପୁର,୩୦ା୭(ସନ୍ତୋଷ ରାଉତ): କେନ୍ଦୁଝର ଜିଲା ଆନନ୍ଦପୁର ୨୦ ନମ୍ବର ଜାତୀୟ ରାଜପଥର ଶୈଲଙ୍ଗ- ଗୋହିରା ମଧ୍ୟରେ କାଉଡ଼ିଆଙ୍କୁ ନେଇ ଯାଉଥିବା ଏକ ଗାଡି ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ୭ ଜଣ ଆହତ ହୋଇଛନ୍ତି। କାଉଡ଼ିଆମାନେ କେନ୍ଦ୍ରାପଡ଼ା ରାଜକନିକାରୁ ଯୋଡ଼ା ବ୍ଲକ୍ ମୁର୍ଗାମହାଦେବ ଶୈବ ପୀଠକୁ ପାଣି ଭାର ଉଠାଇବା ପାଇଁ ଦୁଇଟି ଗାଡ଼ିରେ ଯାଉଥିଲେ। ହେଲେ ଗୋଟିଏ ଗାଡ଼ି ଦୁର୍ଘଟଣାଗ୍ରସ୍ତ ହୋଇଥିଲା। ଫଳରେ ଗାଡ଼ିରେ ଥିବା ୭ ଜଣ କାଉଡ଼ିଆ ଆହତ ହୋଇଥିଲେ। ଅନ୍ୟ ଗାଡ଼ି ସହାୟତାରେ ଆହତଙ୍କୁ ଆନନ୍ଦପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ପ୍ରାଥମିକ ଚିକିତ୍ସା ପରେ ସମସ୍ତେ ଘରକୁ ଫେରିଥିବା ସୂଚନା ମିଳିଛି।
