ଲକ୍ଷ୍ନୌ,୧୨।୫: ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଗୁରୁତ୍ୱପୂର୍ଣ୍ଣ ବୈଠକ। ମଙ୍ଗଳବାର ଦିନ ‘୫ କାଳିଦାସ ମାର୍ଗ ’ ସ୍ଥିତ ନିଜ ସରକାରୀ ବାସଭବନରେ ଅଧିକାରୀମାନଙ୍କ ସହ ଏହି ବୈଠକ କରୁଛନ୍ତି। ଏହି ବୈଠକରେ ରାଜ୍ୟରେ ଅନଲାଇନ କ୍ଲାସ ଏବଂ ୱାର୍କ ଫ୍ରମ ହୋମ ଭଳି ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ବିସ୍ତୃତ ଭାବେ ଆଲୋଚନା କରାଯାଉଛି।
ସୂଚନାନୁସାରେ, ପ୍ରଧାନମନ୍ତ୍ରୀଙ୍କ ନିବେଦନ ପରେ ରାଜ୍ୟ ସରକାର ସମ୍ଭାବ୍ୟ ପରିସ୍ଥିତିକୁ ଦୃଷ୍ଟିରେ ରଖି ନୂତନ ବ୍ୟବସ୍ଥା ଉପରେ ମାନସ ମନ୍ଥନ କରୁଛନ୍ତି। ବୈଠକରେ ବିଶେଷ କରି ରାଜ୍ୟରେ ଅନଲାଇନ ପାଠପଢ଼ାକୁ ପ୍ରଭାବଶାଳୀ ଢଙ୍ଗରେ ଲାଗୁ କରିବା ପାଇଁ ପ୍ରସ୍ତୁତି ଉପରେ ଆଲୋଚନା ହେଉଛି। ଏହା ସହିତ ପ୍ରଶାସନିକ ସ୍ତରରେ ଆବଶ୍ୟକୀୟ ପ୍ରସ୍ତୁତି, ମାର୍ଗଦର୍ଶିକା ଏବଂ ବିଭିନ୍ନ ବିଭାଗ ମଧ୍ୟରେ ସମନୱୟ ରକ୍ଷା କରିବା ନେଇ ମଧ୍ୟ ବିଚାର-ବିମର୍ଶ କରାଯାଉଛି। ସମ୍ଭାବ୍ୟ ବ୍ୟବସ୍ଥାକୁ ନେଇ ଅଧିକାରୀମାନଙ୍କୁ ଆବଶ୍ୟକ ନିର୍ଦ୍ଦେଶ ଦିଆ ଯାଇପାରେ।
କୌଣସି ବି ପରିସ୍ଥିତିରେ ଯେପରି ଶିକ୍ଷା ବ୍ୟବସ୍ଥା ପ୍ରଭାବିତ ନହୁଏ ଏବଂ ଆବଶ୍ୟକ ପଡ଼ିଲେ ତୁରନ୍ତ ବିକଳ୍ପ ବ୍ୟବସ୍ଥା ଲାଗୁ କରାଯାଇପାରିବ, ସେଥିପ୍ରତି ସରକାର ଗୁରୁତ୍ୱ ଦେଉଛନ୍ତି। ବୈଠକ ପରେ ଏ ସମ୍ପର୍କରେ କିଛି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ସାମ୍ନାକୁ ଆସିପାରେ।
ସୂଚନାଯୋଗ୍ୟ ଯେ, ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପଶ୍ଚିମ ଏସିଆରେ ବଢୁଥିବା ଉତ୍ତେଜନା ଏବଂ ବିଶ୍ୱସ୍ତରୀୟ ଅସ୍ଥିରତା ମଧ୍ୟରେ ଭାରତର ଅର୍ଥନୀତି ଉପରେ ପଡୁଥିବା ଚାପକୁ କମ କରିବା ପାଇଁ ଅନେକ ନିବେଦନ କରିଥିଲେ। ସେ ନାଗରିକମାନଙ୍କୁ ଇନ୍ଧନ ବ୍ୟବହାର କମାଇବା, ସୁନା କିଣିବା ସ୍ଥଗିତ ରଖିବା, ୱାର୍କ ଫ୍ରମ ହୋମ ଆପଣାଇବା ଏବଂ ଅନାବଶ୍ୟକ ଖର୍ଚ୍ଚ କମାଇବା ପାଇଁ କହିଥିଲେ।