ନୂଆଦିଲ୍ଲୀ: କେନ୍ଦ୍ର ସରକାର ପିଆଜ ଆମଦାନୀ ଉପରେ ରହିଥିବା କଟକଣାକୁ କୋହଳ କରିଛନ୍ତି। ଡିସେମ୍ବର ୧୫ ଯାଏ ଏହି ନିୟମ କୋହଳ କରାଯାଇଛି। ଘରୋଇ ବଜାରକୁ ପିଆଜ କିଭଳି ଶୀଘ୍ର ଆସିପାରିବ ତା’ ଉପରେ ଧ୍ୟାନ ରଖାଯାଇଛି। ଏହା ହେଲେ ଘରୋଇ ବଜାରରେ ଯୋଗାଣ ଉନ୍ନତ ହେବା ସହ ରିଟେଲ ମୂଲ୍ୟକୁ ନିୟନ୍ତ୍ରଣ କରିବା ଦିଗରେ ସହାୟକ ହେବ ବୋଲି କୁହାଯାଉଛି। ସେହିଭଳି ଗଚ୍ଛିତ ରହିଥିବା ପିଆଜରୁ ବଜାରକୁ ଅଧିକ ପରିମାଣରେ ବଜାରକୁ ଛାଡ଼ିବା ଉପରେ କେନ୍ଦ୍ର ସରକାରଙ୍କ ପକ୍ଷରୁ ଧ୍ୟାନ ରଖାଯାଇଛି। ଏହାଦ୍ୱାରା ଖୋଲାବଜାରର ଦର ନିୟନ୍ତ୍ରଣ କରାଯାଇପାରିବ। ଖରିଫ ଋତୁରେ ଉତ୍ପାଦନ ହୋଇଥିବା ପ୍ରାୟ ୩୭ ଲକ୍ଷ ଟନ୍ ପିଆଜ ଶୀଘ୍ର ମଣ୍ଡିକୁ ଆସିବା ନେଇ ଅନୁମାନ କରାଯାଇଛି। ଏହା ହେଲେ ବଜାରର ଚଢ଼ା ଦରକୁୁ ନିୟନ୍ତ୍ରଣ କରିବା ଦିଗରେ ଏହା ସହାୟକ ହୋଇପାରିବ। ଖାଉଟି ବ୍ୟାପାର ମନ୍ତ୍ରଣାଳୟର ତଥ୍ୟ ମୁତାବକ ଗତ ୧୦ ଦିନରେ ପିଆଜ ଦର ୧୧.୫୬ ଟଙ୍କାରୁ ଊର୍ଦ୍ଧ୍ୱ ବଢ଼ିଛି।
