ବଲିଉଡର ଦବଙ୍ଗ ଖାନ ସଲମାନ ଖାନଙ୍କ ବଲିଉଡର ଡ୍ୟାନ୍ସ କୁଇନ୍ ମାଧୁରୀ ଦୀକ୍ଷିତଙ୍କ ଯୋଡି ଦର୍ଶକଙ୍କୁ ବହୁତ ପସନ୍ଦ। ଏହି ଯୋଡି ବଲିଉଡକୁ ଅନେକ ସୁପରହିଟ ଫିଲ୍ମ ଦେଇଛନ୍ତି । ଏକ ଚଳଚ୍ଚିତ୍ରରେ ସଲମାନ, ମାଧୁରୀ ଏବଂ ଅନୁପମ ଖେର, କାଦର ଖାନ ଭଳି ଅନେକ ଭେଟେରାନ ଅଭିନେତା ଅଭିନୟ କରିଥିଲେ। ଏହି ଚଳଚ୍ଚିତ୍ରର ଏପରି ଏକ ମଜାଦାର କଥା ଜାଣି ଆପଣ ଆଶ୍ଚର୍ଯ୍ୟ ହେବେ। ଯାହା ଗୀତ ‘ଦିଲ ତେରା ଆଶିକ’ ଲଞ୍ଚ ସମୟରେ ଘଟିଥିଲା।
ଚଳଚ୍ଚିତ୍ରର ଟାଇଟଲ ଲଞ୍ଚ ଅବସରରେ ବହୁ ବଲିଉଡ ତାରକା ଉପସ୍ଥିତ ଥିଲେ। ‘ଦିଲ ତେରା ଆଶିକ’ର ଶୁଭାରମ୍ଭ ପାଇଁ ମଞ୍ଚରେ ସଲମାନ ଖାନ, ମାଧୁରୀ ଦୀକ୍ଷିତ ଏବଂ ଗାୟକ ଅଲକା ୟାଗନିକଙ୍କ ସହ ଭେଟେରାନ ଅଭିନେତା ଧର୍ମେନ୍ଦ୍ର ମଧ୍ୟ ଉପସ୍ଥିତ ଥିଲେ।
ମାଧୁରୀ ଆଡକୁ ଅଙ୍ଗୁଳି ନିର୍ଦ୍ଦେଶ କରି ଧର୍ମେନ୍ଦ୍ର ସେଠାରେ ଉପସ୍ଥିତ ଦର୍ଶକଙ୍କୁ କହିଥିଲେ ଏଠାରେ ଆମର ବିଶ୍ୱସ୍ତରୀୟ ମାଧୁରୀ ଦୀକ୍ଷିତ ଏବଂ’ ତାଙ୍କ ସହ ତାଙ୍କ ପୁଅ ସୁଲେମାନ’। ଏହା କହିବା ମାତ୍ରେ ସେଠାରେ ଉପସ୍ଥିତ ଲୋକମାନେ ଜୋରରେ ହସିବାକୁ ଲାଗିଥିଲେ। ଧର୍ମେନ୍ଦ୍ର ହଠାତ୍ ତାଙ୍କ ଭୁଲକୁ ଅନୁଭବ କରି ସଲମାନଙ୍କୁ କ୍ଷମା ମାଗଥିଲେ। ଏଭଳି ପରିସ୍ଥିତିରେ ସଲମାନ କ୍ଷମା ମାଗିବାକୁ ମନା କରି ଆଗକୁ ଯାଇ ତାଙ୍କୁ ଆଲିଙ୍ଗନ କରିଥିଲେ।
