ଏକଦା ରାଜୀବ ଗାନ୍ଧୀଙ୍କ ଘନିଷ୍ଠ ବନ୍ଧୁ ଥିଲେ ଅମିତାଭ; ସୋନିଆଙ୍କୁ ବିବାହରେ କରିଥିଲେ ସହାୟତା; ହେଲେ ଏପରି ହୋଇଥିଲା ମତଭେଦ

ବମ୍ବେ: ଆଜି ଅର୍ଥାତ ଅକ୍ଟୋବର ୧୧,୨୦୨୨ରେ ବଲିଉଡ ମେଗାଷ୍ଟାର ଅମିତାଭ ବଚ୍ଚନ ୮୦ ବର୍ଷ ବୟସରେ ପାଦ ଥାପିଛନ୍ତି। ରୁପେଲି ପରଦାରେ ନିଜର ଅଭିନୟ ଶୈଳୀ ଏବଂ କଳାକୁ ନେଇ କୋଟି କୋଟି ପ୍ରଶଂସକଙ୍କ ହୃଦୟରେ ଏବେ ବି ରାଜ କରୁଛନ୍ତି ସେ। ହେଲେ ବହୁତ କମ୍‌ ଲୋକ ତାଙ୍କର ରାଜନୈତିକ ଇନିଂସ ବିଷୟରେ ଜାଣନ୍ତି। ତାଙ୍କର ଏହି ସ୍ବତନ୍ତ୍ର ଦିନରେ ଆସନ୍ତୁ ଜାଣିବା ସେ ବିଷୟରେ…

ଏକଦା ଗାନ୍ଧୀ ପରିବାର ସହ ଘନିଷ୍ଠତା ଯୋଗୁ ରାଜନୀତିରେ ପ୍ରବେଶ କରିଥିଲେ ଅମିତାଭ। ସେ ନିର୍ବାଚନ ଲଢ଼ି ଜିତିବା ପରେ ଏମ୍‌ପି ହୋଇଥିଲେ। ହେଲେ ରାଜନୈତିକ ଛକାପଞ୍ଝା ତାଙ୍କୁ ଭଲ ଲାଗି ନ ଥିଲା। ସେ ମାତ୍ର ୩ ବର୍ଷ ପରେ ବଲିଉଡ୍‌କୁ ଫେରି ଯାଇଥିଲେ।

ଏକ ସମୟ ଏପରି ଥିଲା ଯେତେବେଳେ ଅମିତାଭ ଏବଂ ରାଜୀବ ଗାନ୍ଧୀଙ୍କ ବନ୍ଧୁତା ଚର୍ଚ୍ଚାରେ ରହୁଥିଲା। ଉଭୟ ପରିବାର ଆହ୍ଲାବାଦ ସହ ଜଡ଼ିତ। ଦିଲ୍ଲୀ ଆସିବା ପୂର୍ବରୁ ନେହେରୁଙ୍କ ପରିବାର ଆହ୍ଲାବାଦରେ ରହୁଥିଲେ। ଅମିତାଭଙ୍କ ବାପା ହରିବଂଶ ରାୟ ବଚ୍ଚନ ନିଜ ସମୟରେ ମହାନ ହିନ୍ଦୀ କବି ତଥା ଲେଖକ ଥିଲେ। ସେ ପରିବାର ସହ ଆହ୍ଲାବାଦରେ ରହୁଥିଲେ। ଏମିତିରେ ଉଭୟ ପରିବାରର ପରିଚୟ ଆହ୍ଲାବାଦରୁ ଥିଲା। ପରେ ହରିବଂଶ  ଦିଲ୍ଲୀର ବୈଦେଶିକ ବ୍ୟାପାର ମନ୍ତ୍ରଣାଳୟରେ ହିନ୍ଦୀ ଅଧିକାରୀ ଭାବେ କାର୍ଯ୍ୟ କରିଥିଲେ, ସେତେବେଳେ ତାଙ୍କ ସ୍ତ୍ରୀ ତେଜି ବଚ୍ଚନ ଏବଂ ଇନ୍ଦିରା ଗାନ୍ଧୀଙ୍କ ମଧ୍ୟରେ ସମ୍ପର୍କ ବୃଦ୍ଧି ପାଇଥିଲା। ଉଭୟ ଭଲ ବନ୍ଧୁ ହୋଇଥିଲେ। କୁହାଯାଏ ଯେ ଅମିତାଭଙ୍କ ପିଲାଦିନ ରାଜୀବ ଏବଂ ସଞ୍ଜୟ ଗାନ୍ଧୀଙ୍କ ସହ ବିତିଥିଲା।

ରାଜୀବ ଯେତେବେଳେ ବିଦେଶୀ ଝିଅକୁ ବିବାହ କରିଥିଲେ ଇନ୍ଦିରା ଗାନ୍ଧୀ ଖୁସି ନ ଥିଲେ। ସମାଜ ଏହାକୁ ଠିକ୍‌ ଭାବେ ଗ୍ରହଣ କରିବ ନାହିଁ ବୋଲି ସେ ଅନୁଭବ କରିଥିଲେ। ଏପରିକି ଏଥିଲାଗି ତାଙ୍କୁ ରାଜନୈତିକ କ୍ଷତି ହୋଇପାରେ ବୋଲି ସେ ଅନୁମାନ କରିଥିଲେ। ଏହି ସମୟରେ ଅମିତାଭଙ୍କ ମା’ ଇନ୍ଦିରାଙ୍କୁ ବହୁତ ବୁଝାଇଥିଲେ। ଯେତେବେଳେ ସୋନିଆ ଗାନ୍ଧୀ ପ୍ରଥମ ଥର ଲାଗି ଦିଲ୍ଲୀର ପାଲମ ବିମାନବନ୍ଦରରେ ପହଞ୍ଚିଥିଲେ, ସେତେବେଳେ ଅମିତାଭଙ୍କ ବ୍ୟତିତ କେହି ତାଙ୍କୁ ସ୍ବାଗତ କରିବାକୁ ଯାଇ ନ ଥିଲେ। ସୋନିଆ ଏବଂ ତାଙ୍କ ପରିବାର ବିମାନବନ୍ଦରରୁ ସିଧାସଳଖ ଅମିତାଭଙ୍କ ଘରେ ପହଞ୍ଚି ସେଠାରେ ରହିଥିଲେ। ବିବାହ ପର୍ଯ୍ୟନ୍ତ ସୋନିଆ ଅମିତାଭଙ୍କ ଘରେ ଥିଲେ। ଏହାଦ୍ୱାରା ମଧ୍ୟ ନିବିଡ଼ତା ଆହୁରି ବଢ଼ିଥିଲା।

୧୯୮୦ ଦଶକରେ ଅମିତାଭଙ୍କ ଲୋକପ୍ରିୟତା ଶିଖରରେ ଥିଲା। ସେ ବଲିଉଡର ବାଦ୍‌ଶାହା ଥିଲେ। ଲଗାତାର ଭାବେ ତାଙ୍କ ଫିଲ୍ମ ସୁପରହିଟ୍‌ ହେଉଥିଲା। ଏହି ସମୟରେ ରାଜୀବ ତାଙ୍କୁ ନିର୍ବାଚନ ଲଢ଼ିବାକୁ କହିଥିଲେ। ପ୍ରଥମେ ମନା କଲେ ବି ପରେ ଅମିତାଭ ରାଜନୀତିରେ ପ୍ରବେଶ କରିଥିଲେ। ୧୯୮୪ ଲୋକ ସଭା ନିର୍ବାଚନରେ ଆହ୍ଲାବାଦ ଆସନରୁ ଲଢ଼ି ତତ୍କାଳୀନ ଭେଟେରାନ ନେତା ହେମବତୀ ନନ୍ଦନ ବହୁଗୁଣାଙ୍କୁ ପରାଜିତ କରିଥିଲେ। ଏମ୍‌ପି ହୋଇଥିଲେ ହେଁ ହୃଦୟରୁ ରାଜନୀତିକୁ ଗ୍ରହଣ କରିପାରି ନ ଥିଲେ। ଦିଲ୍ଲୀରେ ସେ କଂଗ୍ରେସର ଯୁବ ବିଗ୍ରେଡର ଏକ ଅଂଶ ପାଲଟିଥିଲେ। ତାଙ୍କ ତୁଳନା ସତୀଶ ଶର୍ମା, ଅରୁଣ ନେହେରୁ, ଅରୁଣ ସିଂ, କମଲ ନାଥଙ୍କ ସହ ହୋଇଥିଲା।

ଏକ ଖବରକାଗଜ ବୋଫର୍ସ ଦୁର୍ନୀତିରେ ଅମିତାଭଙ୍କ ନାମରେ କିଛି ଖବର ପ୍ରକାଶ କରିଥିଲା। ଏହା ଅମିତାଭଙ୍କୁ ବହୁତ ଯନ୍ତ୍ରଣା ଦେଇଥିଲା। ପରେ ତାଙ୍କୁ ସୁପ୍ରିମକୋର୍ଟରୁ କ୍ଲିନ୍‌ଚିଟ୍‌ ମିଳିଥିଲେ ହେଁ ସେ ଏମ୍‌ପି ପଦ ଛାଡ଼ିଥିଲେ। ୧୯୮୭ରେ ସେ ଇସ୍ତଫା ଦେଇ ବଲିଉଡ୍‌କୁ ଫେରି ଯାଇଥିଲେ। ଏହାପରେ କିନ୍ତୁ ତାଙ୍କ ଫିଲ୍ମ ଫ୍ଲପ୍‌ ହୋଇଥିଲା। କିଛି ବର୍ଷ ପରେ, ୧୯୯୧ରେ ରାଜୀବଙ୍କ ହତ୍ୟା ପରେ ଗାନ୍ଧୀ ଏବଂ ବଚ୍ଚନ ପରିବାର ମଧ୍ୟରେ ଥିବା ସମ୍ପର୍କରେ ଫାଟ ସୃଷ୍ଟି ହୋଇଥିଲା। କାରଣ ଏହି କଠିନ ସମୟରେ ବଚ୍ଚନ ପରିବାର ତାଙ୍କ ସହ ନ ଥିବା ଗାନ୍ଧୀ ପରିବାର ଅନୁଭବ କରିଥିଲେ।

ଅପରପକ୍ଷେ ଅମିତାଭଙ୍କ ଫିଲ୍ମ ଫ୍ଲପ ହେବା ସହ କମ୍ପାନୀ ଏବିସିଏଲ୍‌ ଋଣଗ୍ରସ୍ତ ହୋଇ ଦେବାଳିଆ ହୋଇପଡ଼ିଥିଲା। ଏହି ସମୟରେ ତାଙ୍କ ହାତ ଘନିଷ୍ଠ ବନ୍ଧୁମାନେ ଛାଡ଼ି ଚାଲିଯାଇଥିଲେ। ହେଲେ ଅମର ସିଂହଙ୍କ ଏଣ୍ଟ୍ରି ହୋଇଥିଲା। ଏହି ବନ୍ଧୁତା ବଚ୍ଚନଙ୍କୁ ଏକ ନୂତନ ଜୀବନ ଦେଇଥିଲା। ତାଙ୍କର ଆର୍ଥିକ ସଙ୍କଟ ଦୂର ହୋଇଥିଲା। ପତ୍ନୀ ଜୟା ଭାଦୁରୀ ସମାଜବାଦୀ ପାର୍ଟିରୁ ରାଜ୍ୟ ସଭା ଏମ୍‌ପି ହୋଇଥିଲେ। ନିଜେ ଅମିତାଭ ମଧ୍ୟ ଉତ୍ତରପ୍ରଦେଶର ସମାଜବାଦୀ ପାର୍ଟି ସରକାରରେ ଅନେକ ଯୋଜନାର ଚେହେରା ପାଲଟିଥିଲେ।


Enter your email to get our daily news in your inbox.

All Right Reserved By Dharitri.Com

‘ଅକ୍ୱାନ’ ମୁକାବିଲାରେ ଲୋକଙ୍କ ସାଙ୍ଗରେ ରୁହ: ନବୀନ

ଭୁବନେଶ୍ୱର, ୧୮।୧୧(ସୁନିତ୍‌ ମିଶ୍ର): ବାତ୍ୟା ‘ଅକ୍ୱାନ୍‌’କୁ ଦୃଷ୍ଟିରେ ରଖି ବିପଦ ସମୟରେ ଲୋକଙ୍କ ସହିତ ରହିବା ପାଇଁ ସମସ୍ତ ବିଜେଡି ନେତା ଓ କର୍ମୀଙ୍କୁ ଦଳର ସଭାପତି…

IMDର ବଡ଼ ସୂଚନା; ଦୁର୍ବଳ ହେଉଛି ଅକ୍ୱାନ୍‌, ଲ୍ୟାଣ୍ଡଫଲ ସମୟରେ…..

ଭୁବନେଶ୍ୱର,୧୮।୧୧: ସମ୍ଭାବ୍ୟ ବାତ୍ୟା ‘ଅକ୍ୱାନ୍‌’କୁ ନେଇ ଆସିଛି ନୂଆ ସୂଚନା। ଦୁଇଟି ଗୁରୁଚାପ ବଳୟ ମଧ୍ୟରେ ବାତ୍ୟା କ୍ରମଶଃ ଦୁର୍ବଳ ହେଉଥିବା ନେଇ ଭାରତୀୟ ପାଣିପାଗ ବିଭାଗ…

ମୁଖ୍ୟମନ୍ତ୍ରୀଙ୍କ ବାତ୍ୟା ଅକ୍ବାନ୍ ସମୀକ୍ଷା ; ଓଡ଼ିଶାରେ ଲ୍ୟାଣ୍ଡଫଲ୍‌! ୪୬ ହଜାରରୁ ଅଧିକ ଲୋକ ସ୍ଥାନାନ୍ତର

ଭୁବନେଶ୍ୱର,୧୮।୧୧: ସମ୍ଭାବ୍ୟ ବାତ୍ୟାର ମୁକାବିଲା ପାଇଁ ବ୍ୟାପକ ପ୍ରସ୍ତୁତି କରିଛନ୍ତି ସରକାର। ଏହାରି ଭିତରେ ବୁଧବାର ମୁଖ୍ୟମନ୍ତ୍ରୀ ମୋହନ ମାଝୀ SRCଙ୍କ କାର୍ଯ୍ୟାଳୟରେ ବାତ୍ୟା ସମୀକ୍ଷା କରିଛନ୍ତି…

ଜିନ୍‌ପିଙ୍ଗ, ପୁଟିନ୍‌ଙ୍କ ବଡ଼ ନିଷ୍ପତ୍ତି: ମୁକ୍ତ, ଅବାଧ ବାଣିଜ୍ୟକୁ ସମର୍ଥନ

ସେନ୍‌ଝେନ୍‌,୧୮ା୧୧: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ଙ୍କ ସହ ତ୍ରିପାକ୍ଷିକ ଆଲୋଚନାର ଦିନକ ପୂର୍ବରୁ ଚାଇନା ରାଷ୍ଟ୍ରପତି ଶି ଜିନ୍‌ପିଙ୍ଗ୍‌ ଏବଂ ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନ୍‌ ପାଶ୍ଚାତ୍ୟ…

ଚାଇନାରେ ଏକାଠି ହେଲେ ଟ୍ରମ୍ପ୍‌-ପୁଟିନ୍‌-ଜିନ୍‌ପିଙ୍ଗ, ବୈଠକ ଉପରେ ବିଶ୍ବର ନଜର

ବେଜିଂ, ୧୮ା୧୧: ଚାଇନା ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଚାଇନାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ପ୍ରୋଟୋକଲ ଭାଙ୍ଗି ଚୀନ…

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?