ଗୁଜରାଟର ଅହମ୍ମଦାବାଦରେ ଗୁରୁବାର ଏୟାର ଇଣ୍ଡିଆର ଫ୍ଲାଇଟ AI-171 ଲଣ୍ଡନ ଅଭିମୁଖେ ଯାତ୍ରା କରୁଥିବା ବେଳେ ଟେକ ଅଫ ପରେ ମାତ୍ର ୩୦ ସେକେଣ୍ଡ ମଧ୍ୟରେ ଦୁର୍ଘଟଣାଗ୍ରସ୍ତ ହୋଇଥିଲା। ଏହି ଦୁର୍ଘଟଣାରେ ୨୪୨ ଯାତ୍ରୀ ଓ କ୍ରୁ ମେମ୍ବରଙ୍କ ମଧ୍ୟରୁ ୨୪୧ ଜଣଙ୍କର ମୃତ୍ୟୁ ହୋଇଥିବାବେଳେ କେବଳ ଜଣେ ଯାତ୍ରୀ, ବିଶ୍ୱାସ କୁମାର ରମେଶ (୩୮), ଏକ ଚମତ୍କାର ଭାବେ ବଞ୍ଚିଛନ୍ତି। ଏହି ଘଟଣା ଭାରତୀୟ ବିମାନ ଚଳାଚଳ ଇତିହାସରେ ଏକ ବଡ଼ ଦୁର୍ଘଟଣା ଭାବେ ଗଣାଯାଉଛି।
ବୋଇଙ୍ଗ ୭୮୭-୮ ଡ୍ରିମଲାଇନର ଏୟାରକ୍ରାଫ୍ଟ ଅହମ୍ମଦାବାଦ ବିମାନବନ୍ଦରରୁ ପ୍ରାୟ ୧:୩୮ରେ ଉଡ଼ାଣ ଭରିଥିଲା। କିନ୍ତୁ ଉଡ଼ାଣ ପରେ ମାତ୍ର କିଛି ସେକେଣ୍ଡରେ ଏକ ଆବାସିକ ଅଞ୍ଚଳରେ ଥିବା ବି.ଜେ. ମେଡିକାଲ କଲେଜର ଡାଇନିଂ ହଲ ଉପରେ ପଡ଼ି ବିସ୍ଫୋରଣ ହୋଇଥିଲା। ଏହି ଦୁର୍ଘଟଣାରେ ବିମାନରେ ଥିବା ୧୬୯ ଜଣ ଭାରତୀୟ, ୫୩ ଜଣ ବ୍ରିଟିଶ, ୭ ଜଣ ପର୍ତ୍ତୁଗୀଜ ଓ ଜଣେ କାନାଡିଆନ ନାଗରିକଙ୍କ ସମେତ ଅନେକ ମେଡିକାଲ ଛାତ୍ର ଓ ଡାକ୍ତରଙ୍କ ପରିବାର ସଦସ୍ୟଙ୍କର ମୃତ୍ୟୁ ହୋଇଛି।
ଏକମାତ୍ର ବଞ୍ଚିଥିବା ଯାତ୍ରୀ ବିଶ୍ୱାସ କୁମାର ରମେଶ, ଯିଏ ସିଟ ୧୧ଏ ରେ ବସିଥିଲେ, ସେ ଜଣେ ବ୍ରିଟିଶ ନାଗରିକ ସିଏ ଆକସ୍ମିକ ଭାବେ ବଞ୍ଚି ଯାଇଥିଲେ। ସେ କହିଛନ୍ତି, ଉଡ଼ାଣ ପରେ ୫-୧୦ ସେକେଣ୍ଡ ମଧ୍ୟରେ ବିମାନ ଯେମିତି ଆକାଶରେ ଅଟକି ଯାଇଥିଲା।
ଓଡ଼ିଆ ଜ୍ୟୋତିଷ ଶାସ୍ତ୍ର ଏହି ଦୁର୍ଘଟଣାକୁ ନେଇ ବଡ଼ ଭବିଷ୍ୟବାଣୀ କରିଛି। ଶାସ୍ତ୍ର ଅନୁସାରେ, ଏପରି ବଡ଼ ଧରଣର ଦୁର୍ଘଟଣାରେ ଗ୍ରହମାନଙ୍କର ପ୍ରଭାବକୁ ବିଚାର କରାଯାଏ। ଅନେକ ଜ୍ୟୋତିଷମାନେ କୁହନ୍ତି ଯେ ଶନି, ମଙ୍ଗଳ ଓ ରାହୁ ଆଦି ଗ୍ରହମାନଙ୍କର ନକାରାତ୍ମକ ସଂଯୋଗ ଏପରି ଅଘଟଣ ଘଟାଇପାରେ। ଶନିର ପ୍ରଭାବ ବିଳମ୍ବ ଓ ବାଧା ସୃଷ୍ଟି କରେ, ମଙ୍ଗଳ ଦୁର୍ଘଟଣା ଓ ହିଂସାକୁ ସୂଚାଏ, ଏବଂ ରାହୁ ଅଚାନକ ଓ ଅପ୍ରତ୍ୟାଶିତ ଘଟଣାକୁ ଆଣିଥାଏ। ଏହି ଦୁର୍ଘଟଣା ସମୟରେ ଗ୍ରହମାନଙ୍କର ଅବସ୍ଥା ଅନୁସନ୍ଧାନ କଲେ, କୌଣସି ର୍ନିଦ୍ଦିଷ୍ଟ ଗୋଚର ଯୋଗ ଏହାର କାରଣ ହୋଇପାରେ ବୋଲି ଜ୍ୟୋତିଷୀମାନେ ଅନୁମାନ କରୁଛନ୍ତି।
ଅହମ୍ମଦାବାଦ ଏୟାର ଇଣ୍ଡିଆ ବିମାନ ଦୁର୍ଘଟଣା: ବର୍ଷେ ପୂର୍ବରୁ ହୋଇଥିଲା ଭବିଷ୍ୟବାଣୀ, ହୋଇଗଲା ସତ…
