କେଶକୁ ନରମ ଓ ଚିକ୍କଣ ରଖିବା ପାଇଁ କଣ୍ଡିଶନର ବ୍ୟବହାର କରାଯାଏ। ଏହା ଲମ୍ବା କେଶକୁ ଜଟା ସମସ୍ୟାରୁ ରକ୍ଷା କରିବା ସହ କେଶରେ ଚମକ ଆଣିଥାଏ। ଏହି କଣ୍ଡିଶନର ବିଭିନ୍ନ ପ୍ରକାରର ବ୍ୟବହାର ରହିଛି। ତେବେ ଜାଣନ୍ତୁ ଏ ସମ୍ପର୍କରେ…
ମେଲ୍ଡ ଡିଟରଜେଣ୍ଟ: ଅଧିକ ନରମ କପଡ଼ା ଯାହାର ସ୍ବତନ୍ତ୍ର ଯତ୍ନ ନେବାକୁ ପଡ଼ିଥାଏ। ସେହି ସବୁ କପଡ଼ାକୁ ଧୋଇବା ପାଇଁ କଣ୍ଡିଶନର ସାହାଯ୍ୟ ନେଇପାରିବେ। ଗରମ ପାଣିରେ ୩/୪ ବୁନ୍ଦା କଣ୍ଡିଶନର ପକାଇ ମେଲ୍ଡ ଡିଟରଜେଣ୍ଟ ପ୍ରସ୍ତୁତ କରନ୍ତୁ ସେଥିରେ କପଡ଼ା ପକାଇ ଧୋଇ ଦିଅନ୍ତୁ।
ମେକଅପ୍ ବ୍ରଶ୍: କଣ୍ଡିଶନର ସାହାଯ୍ୟରେ ମେକଅପ ବ୍ରଶ୍କୁ ସହଜରେ ସଫା କରି ହୋଇଥାଏ। ଏହାକୁ ସଫା କରିବା ସମୟରେ ତୂଳୀ ନଷ୍ଟ ହେବାର ଅଧିକ ସମ୍ଭାବନା ଥିବାରୁ ଗରମ ପାଣିରେ କିଛିବୁନ୍ଦା କଣ୍ଡିଶନର ପକାଇ ଦିଅନ୍ତୁ। ପରେ ଏହା ସମ୍ପୂର୍ଣ୍ଣ ସଫା ହୋଇଯାଏ।
ସେଭିଂ କ୍ରିମ୍ : କାଖତଳ, ଗୋଡ଼, କିମ୍ବା ହାତକୁ ସେଭିଂର ଆବଶ୍ୟକ ପଡ଼ିଥାଏ। ଯଦି ଘରେ ସେଭିଂ କ୍ରିମ୍ ସରିଯାଇଥାଏ। ଆଣଙ୍କ ସେଭିଂ ଜରୁରୀ ଥାଏ ତେବେ ଆପଣଙ୍କୁ ଚିନ୍ତା କରିବାର ନାହିଁ। ସେଭିଂ କ୍ରିମ୍ସ୍ଥାନରେ କଣ୍ଡିଶନର ବ୍ୟବହାର କରିପାରିବେ।
