ପୁରସ୍କାର ପରେ ପରିଷ୍କାର ନାହିଁ

ଅନୁଗୋଳ ଅଫିସ,୧୮ା୧୧ – ସ୍ବଚ୍ଛ ପରିବେଶ ସହ ଅନ୍ୟ ଉନ୍ନତିକର କାର୍ଯ୍ୟ ପାଇଁ ଗତବର୍ଷ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟକୁ ମିଳିଥିଲା କାୟାକଳ୍ପ ପୁରସ୍କାର। ମୋଟ୍‌ ୯୩ ନମ୍ବର ରଖି ରାଜ୍ୟର ଅନ୍ୟ ଜିଲାକୁ ଅନୁଗୋଳ ପଛରେ ପକାଇ ଦେଇଥିଲା। ହେଲେ ପୁରସ୍କାର ବାବଦକୁ ମିଳିଥିବା ରାଶି ଏଯାଏ କର୍ମଚାରୀ ପାଇ ନ ଥିବା ବେଳେ ଅନ୍ୟ ଉନ୍ନତୀକରଣ କାର୍ଯ୍ୟ ମଧ୍ୟ କରାଯାଇ ନାହିଁ। ଏପରି କି କାୟାକଳ୍ପ ଟିମ୍‌ ପକ୍ଷରୁ ଦିଆଯାଇଥିବା ପରାମର୍ଶକୁ କାର୍ଯ୍ୟରେ ଲଗାଯାଇ ନାହିଁ। ଆସନ୍ତାବର୍ଷ ପାଇଁ ଅନୁଧ୍ୟାନ କରିବାକୁ କାୟାକଳ୍ପ ଟିମ୍‌ ଖୁବ୍‌ଶୀଘ୍ର ଅନୁଗୋଳ ମେଡିକାଲ ଆସିବ ବୋଲି ସୂଚନା ପାଇବା ପରେ ଏବେ ସ୍ବଚ୍ଛତା ଦିଗରେ ଧ୍ୟାନ ଦିଆଯିବା କାର୍ଯ୍ୟ ଆରମ୍ଭ ହୋଇଛି।
୨୦୧୯-୨୦ ବର୍ଷରେ କାୟାକଳ୍ପର ସମସ୍ତ ମାନଦଣ୍ଡ ପୂରଣ କରୁ ନ ଥିଲେ ମଧ୍ୟ ଅନ୍ୟ ସମସ୍ତ ଜିଲା ଠାରୁ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟ ଆଗରେ ରହିଥିଲା। ଫାଇନାଲରେ କଳାହାଣ୍ଡି ଜିଲାକୁ ପଛରେ ପକାଇ ଅନୁଗୋଳ ପ୍ରଥମ ସ୍ଥାନ ଅଧିକାର କରିଥିଲା। ଗତ ଫବୃୟାରୀ ୨୯ରେ ରାଜ୍ୟ ସରକାର ଏ ନେଇ ଘୋଷଣା କରିବା ପରେ ଜିଲା ମୁଖ୍ୟ ଚିକିତ୍ସାଳୟର କର୍ମଚାରୀଙ୍କ ମଧ୍ୟରେ ଖୁସିର ଲହରି ଖେଳିଯାଇଥିଲା। କାରଣ ପୁରସ୍କାର ବାବଦ ୫୦ ଲକ୍ଷ ଟଙ୍କାରୁ ୧୧ ଲକ୍ଷ ୬୪ ହଜାର ଟଙ୍କା ଏଡିଏମ୍‌ଓ (ମେଡିକାଲ) ଟିମ୍‌ ସଦସ୍ୟଙ୍କୁ ମିଳିବାର ନିୟମ ରହିଛି। କିନ୍ତୁ ପୁରସ୍କାର ଘୋଷଣାର ୮ ମାସ ପରେ ବି ପ୍ରୋତ୍ସାହନ ରାଶି ଅଦ୍ୟାବଧି କର୍ମଚାରୀଙ୍କୁ ମିଳିପାରି ନାହିଁ। ସେହିପରି ଅବଶିଷ୍ଟ ୩୫ ଲକ୍ଷ ଟଙ୍କା ମେଡିକାଲର ବିଭିନ୍ନ ଉନ୍ନୟନ କାର୍ଯ୍ୟରେ ଲାଗିବା କଥା। କିନ୍ତୁ ତାହା ମଧ୍ୟ ହୋଇପାରି ନାହିଁ। ଏଥିସହ ଜଳ ସଂରକ୍ଷଣ, ଭର୍ଣ୍ଣିଂ କମ୍ପୋଷ୍ଟ (ସାଧାରଣ ଆବର୍ଜନାରେ ଜିଆ ଛାଡ଼ି ଖତ ପ୍ରସ୍ତୁତ କରିବା), ବିଜୁଳି ସଂରକ୍ଷଣ ପାଇଁ ସୋଲାର ପଦ୍ଧତି ଆପଣାଇବାକୁ ଦିଆଯାଇଥିବା ପରାମର୍ଶ କାର୍ଯ୍ୟକାରୀ କରାଯାଇ ନାହିଁ। ଏ ନେଇ କର୍ମଚାରୀ ମହଲରେ ଅସନ୍ତୋଷ ସୃଷ୍ଟି ହୋଇଥିବା ସୂଚନା ମିଳିଛି। ଅନ୍ୟପକ୍ଷରେ ୨୦୨୦-୨୧ ବର୍ଷ ପାଇଁ ଅନୁଧ୍ୟାନ କରିବାକୁ କାୟାକଳ୍ପ ଟିମ୍‌ ନିକଟରେ ମେଡିକାଲ ଆସିବ ବୋଲି ଏଡିଏମ୍‌ଓ(ମେଡିକାଲ)ଙ୍କୁ ଆଗୁଆ ଖବର ମିଳିସାରିଲାଣି। କିନ୍ତୁ କର୍ମଚାରୀଙ୍କ ମଧ୍ୟରେ ପୂର୍ବଭଳି ଉତ୍ସାହ ଦେଖାଯାଉ ନାହିଁ। କାୟାକଳ୍ପ ଟିମ୍‌ ମୁଖ୍ୟତଃ ସ୍ବଚ୍ଛତା ଉପରେ ଧ୍ୟାନ ଦେଉଥିବାବେଳେ ରୋଗୀଙ୍କୁ ପ୍ରଦାନ କରାଯାଉଥିବା ଖାଦ୍ୟ ଓ ବେଡସିଟ୍‌ର ମାନ ଅନୁଧ୍ୟାନ କରିଥାଏ। ଏଥିସହ ସ୍ବଳ୍ପ ଖର୍ଚ୍ଚରେ କିଭଳି ଉନ୍ନତି କାର୍ଯ୍ୟ କରାଯାଇଛି, ପରିସରକୁ କିପରି ସ୍ବଚ୍ଛ ରଖାଯାଇଛି ତାହା ଦେଖି ନମ୍ବର ପ୍ରଦାନ କରିଥାଏ। କିନ୍ତୁ ଏ ଦିଗରେ ମେଡିକାଲ କର୍ତ୍ତୃପକ୍ଷ ଏଯାଏ ପଦକ୍ଷେପ ନେଇ ନ ଥିବାରୁ ଆସୁଥିବା ଟିମ୍‌ କେତେ ନମ୍ବର ଦେବ ତାହା ମେଡିକାଲରେ ଚର୍ଚ୍ଚାର ବିଷୟ ହୋଇଛି।
କର୍ମଚାରୀଙ୍କ ମନୋବଳ ଭାଙ୍ଗିଯାଉଛି
କାୟାକଳ୍ପରେ ପ୍ରଥମସ୍ଥାନ ଅଧିକାର କରିଲୁ। କିନ୍ତୁ ଆଜି ପର୍ଯ୍ୟନ୍ତ ଆମକୁ ପ୍ରୋତ୍ସାହନ ରାଶି ମିଳିନାହିଁ। ତେଣୁ କର୍ମଚାରୀଙ୍କ ମନୋବଳ ଭାଙ୍ଗିଯାଉଛି। ଏବେ ପୁଣି କାୟାକଳ୍ପ ଟିମ୍‌ ଆସିବ ବୋଲି ଶୁଣିବାକୁ ମିଳୁଛି। ପ୍ରୋତ୍ସାହନ ରାଶି ପାଇଥିଲେ ସମସ୍ତେ ଉତ୍ସାହିତ ହୋଇ କାର୍ଯ୍ୟ କରିଥାନ୍ତେ।
-ମହେଶ ବେହେରା, ସଭାପତି, ସଫେଇ କର୍ମଚାରୀ ସଂଘ
କର୍ତ୍ତୃପକ୍ଷଙ୍କ ଦାୟିତ୍ୱହୀନତା ଦାୟୀ
କର୍ମଚାରୀ ଖୁସି ରହିଲେ ମେଡିକାଲରେ ରୋଗୀଙ୍କୁ ଉତ୍ତମ ସେବା ମିଳିବ। କିନ୍ତୁ ସେମାନଙ୍କୁ ପ୍ରୋତ୍ସାହନ ରାଶି ମିଳି ନ ଥିବାରୁ ଚଳିତବର୍ଷ ସ୍ବଚ୍ଛତା କାର୍ଯ୍ୟ ଠିକ୍‌ ଭାବେ ହେଉନାହିଁ। ଯଦି ଅନୁଧ୍ୟାନ ପରେ ଜିଲା ପଛରେ ରୁହେ ତା’ହେଲେ ଜିଲା ମୁଖ୍ୟ ଚିକିତ୍ସା ଅଧିକାରୀ ଏଥିପାଇଁ ଦାୟୀ ରହିବେ।
-ସୁବୋଧ କୁମାର ମିଶ୍ର, ପୂର୍ବତନ ସଦସ୍ୟ, ରୋଗୀ କଲ୍ୟାଣ ସମିତି
ସ୍ବଚ୍ଛତା ମାନସିକ ଭାବେ ସୁସ୍ଥ ରଖେ
ମେଡିକାଲର ପରିବେଶ ଯେତେ ସ୍ବଚ୍ଛ ଓ ସୁସ୍ଥ ରହିବ ରୋଗୀମାନେ ସେତେଶୀଘ୍ର ଆରୋଗ୍ୟଲାଭ କରିବେ। ପରିଷ୍କାର ପରିଚ୍ଛନ୍ନ ମାନସିକ ଭାବେ ରୋଗୀଙ୍କୁ ସୁସ୍ଥ କରିଦିଏ। ତେଣୁ କର୍ତ୍ତୃପକ୍ଷ ଏ ଦିଗରେ ଆବଶ୍ୟକ ଧ୍ୟାନ ଦେଇ ପଦକ୍ଷେପ ନେବା ଉଚିତ।
-ଅଭୟ କୁମାର ରାୟ, ବୁଦ୍ଧିଜୀବୀ, ଅନୁଗୋଳ
ସଫେଇ ଉପରେ ଦୃଷ୍ଟି ଦିଆଯିବ
ଗତବର୍ଷ ଜିଲା ପ୍ରଥମ ସ୍ଥାନ ଅଧିକାର କରିଥିଲେ ମଧ୍ୟ ପୁରସ୍କାର ରାଶି ଗତ ଅକ୍ଟୋବର ମାସରେ ଆସିଛି। ତେଣୁ ପ୍ରୋତ୍ସାହନ ରାଶି ପ୍ରଦାନ ପାଇଁ କର୍ମଚାରୀଙ୍କ ଡାଟା ବେସ୍‌ ପ୍ରସ୍ତୁତ କରାଯାଉଛି। ଚଳିତମାସ ଶେଷ ସପ୍ତାହରେ ସେମାନଙ୍କୁ ତାହା ପ୍ରଦାନ କରାଯିବ। ସ୍ବଚ୍ଛତାକୁ ନେଇ ଉଠୁଥିବା ପ୍ରଶ୍ନର ଅନୁଧ୍ୟାନ କରାଯିବ।
-ଡା. ଦିଲୀପ ପଟ୍ଟନାୟକ, ଭାରପ୍ରାପ୍ତ ସିଡିଏମ୍‌ଓ


Enter your email to get our daily news in your inbox.

All Right Reserved By Dharitri.Com

ଅସଦାଚରଣ ମାମଲାରେ ୧୩ ମାସ କାରାଦଣ୍ଡ: ୧୩ ବର୍ଷ ପରେ ଆସିଲା ରାୟ

ଅନୁଗୋଳ ଅଫିସ୍‌, ୨୯।୨ – ୧୩ ବର୍ଷ ତଳେ ଅନୁଗୋଳ ବସ୍‌ଷ୍ଟାଣ୍ଡରେ ଜଣେ ମହିଳାଙ୍କୁ କରାଯାଇଥିବା ଅସଦାଚରଣ ମାମଲାର ବିଚାର କରି ଅନୁଗୋଳ ପ୍ରଥମ ଶ୍ରେଣୀ...

ମଝି ରାସ୍ତାରେ ମହିଳାଙ୍କ ଚୁଟି ଧରି ନିସ୍ତୁକ ପିଟିଲେ: ମୁହଁରେ କଳା ବୋଳି ଲଣ୍ଡା କରିଦେଲେ

ପଟ୍ଟାମୁଣ୍ଡାଇ,୨୧।୯(ସ୍ବ.ପ୍ର.): ଲୋନ୍‌ କରାଇ ଦେବାକୁ କହି ଟଙ୍କା ନେଉଥିଲେ ମହିଳା। ପରେ ରାସ୍ତା ମଝିରେ ନିସ୍ତୁକ ପିଟିଲେ ଏକାଧିକ ମହିଳା। ଏମିତି କି ତାଙ୍କ ମୁହଁରେ...

ବିବାହ ପ୍ରତିଶ୍ରୁତି ଦେଇ ବଳାତ୍କାର ପରେ ବ୍ଲାକ୍‌ମେଲ

ପାରଳାଖେମୁଣ୍ଡି,୧୭।୭: ଗଜପତି ଜିଲା ଅଡ଼ବା ଥାନା ଅଞ୍ଚଳର ଜଣେ ଯୁବତୀଙ୍କୁ ବିବାହ ପ୍ରତିଶ୍ରୁତି ଦେଇ ବଳାତ୍କାର କରାଯାଇଥିବା ଶୁକ୍ରବାର ଅଭିଯୋଗ ହୋଇଛି। ଯୁବତୀଙ୍କ ଏତଲାକ୍ରମେ ଅଡ଼ବା...

ସନ୍ଧ୍ୟା ସାଢ଼େ ୬ଟା ସୁଦ୍ଧା ଜିଲା ପରିଷଦ ନିର୍ବାଚନ ଫଳାଫଳ

କେନ୍ଦୁଝର,୨୬ା୨(ସ୍ବ.ପ୍ର.): କେନ୍ଦୁଝର ଜିଲାର ୩୭ ଜିଲା ପରିଷଦ ଜୋନ୍‌ ମଧ୍ୟରୁ ୩୬ଟିରେ ନିର୍ବାଚନ ପରେ ଆଜିଠାରୁ ପ୍ରଥମ ପର୍ଯ୍ୟାୟ ଭୋଟ ଗଣତି ଆରମ୍ଭ ହୋଇଛି। କଡ଼ା...

 ରାତି ପାହିଲେ ଭୋଟ ଗଣତି

ଝାରସୁଗୁଡ଼ା ଅଫିସ,୨।୬: ବ୍ରଜରାଜନଗର ଉପନିର୍ବାଚନ ଶୁକ୍ରବାର ଭୋଟ ଗଣତି ହେବ।ଝାରସୁଗୁଡ଼ା ଇନ୍‌ଞ୍ଜିୟରିଂ ସ୍କୁଲ୍‌ରେ ଭୋଟ ଗଣତି ହେବ। ଏ ନେଇ ବ୍ୟାପକ ବ୍ୟବସ୍ଥା କରାଯାଇଛି। ସକାଳ...

ଦ୍ୱାଦଶ ବାର୍ଷିକ ଜ୍ଞାନ ବିଜ୍ଞାନ ମେଳା

ଯାଜପୁର ରୋଡ,୨୪।୮(ନି.ପ୍ର.)- ମୁଣ୍ଡମାଳସ୍ଥିତ ସରସ୍ବତି ଶିଶୁ ବିଦ୍ୟାମନ୍ଦିରରେ ଗୁରୁବାର ଦ୍ୱାଦଶ ବିଂଶ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି। ଏହାକୁ ବ୍ୟାସନଗର ସ୍ବୟଂଶାସିତ ମହାବିଦ୍ୟାଳୟର ପ୍ରଧ୍ୟାପକ ସନ୍ତୋଷ...

‘ଅଙ୍ଗଦାନ ପାଇଁ ରାଜ୍ୟରେ ବ୍ୟାପକ ସମ୍ଭାବନା ଅଛି’

କଟକ ଅଫିସ,୨୮ା୧୧: ଗତ ଫେବୃୟାରୀ ୪ତାରିଖରେ ଓଡ଼ିିଶାରେ କାଡାଭରିକ (ମୃତ୍ୟୁବେଳେ ଅଙ୍ଗଦାନ) ପ୍ରକ୍ରିୟା ଆରମ୍ଭ ହୋଇଥିଲା। ରାଜ୍ୟରେ ବର୍ତ୍ତମାନ ସୁଦ୍ଧା କେବଳ ୩ଜଣ ଅଙ୍ଗଦାନ କରିଛନ୍ତି।...

ଉପଜିଲାପାଳଙ୍କ ଅଙ୍ଗନଓ୍ବାଡି କେନ୍ଦ୍ର ପରିଦର୍ଶନ

ବଇଣ୍ଡା,୮।୯ (ଡି.ଏନ.ଏ.) – ଆଠମଲ୍ଲିକ ଉପଜିଲାପାଳ ରଜନୀକାନ୍ତ ବିଶ୍ୱାଳ ଶନିବାର ଅଚାନକ କିଶୋରନଗର ବ୍ଲକର ବିଭିନ୍ନ ଅଞ୍ଚଳ ପରିଦର୍ଶନ କରିଛନ୍ତି। ପ୍ରଥମେ ସେ ଗୋରାତୋପା ଅଙ୍ଗନଓ୍ବାଡି...

Advertisement
Archives

Model This Week