ଯେତେବେଳେ ବି ଇଂରାଜୀ ବକ୍ତାମାନଙ୍କ କଥା ଆସେ, ସେତେବେଳେ ଅଧିକାଂଶ ଲୋକ ଭାବନ୍ତି ଆମେରିକା କିମ୍ବା ବ୍ରିଟେନର ଲୋକମାନେ ହିଁ ୧୦୦ ପ୍ରତିଶତ ଲୋକ ଇଂରାଜୀ ଜାଣିଥାନ୍ତି ଏବଂ କହିଥାନ୍ତି। ମାତ୍ର ସେମିତି ନୁହେଁ। ଆଉ ମଧ୍ୟ କିଛି ଦେଶ ରହିଛି, ଯେଉଁଠାରେ ସମସ୍ତେ କେବଳ ଇଂରାଜୀରେ କଥାବାର୍ତ୍ତା କରନ୍ତି। ଓ୍ବାଲର୍ଡ ଅଫ୍ ଷ୍ଟାଟିଷ୍ଟିକ୍ସ ଟୁଇଟରରେ ଇଂରାଜୀ ଭାଷାଭାଷୀ ଦେଶ ତାଲିକା ପ୍ରକାଶ କରିଛି। ଏହି ତାଲିକାରେ ଭାରତ ଏବଂ ପାକିସ୍ତାନର ନାଁ ମଧ୍ୟ ରହିଛି।
ଓ୍ବାଲର୍ଡ ଅଫ୍ ଷ୍ଟାଟିଷ୍ଟିକ୍ସ ରିପୋର୍ଟ ଅନୁଯାୟୀ, ସ୍ପେନର ମାତ୍ର ୨୨ ପ୍ରତିଶତ ଲୋକ ଏବଂ ଫ୍ରାନ୍ସର ୪୦ ପ୍ରତିଶତ ଲୋକ ଭଲ ଇଂରାଜୀ କହିପାରିବେ।
ପାକିସ୍ତାନରେ ଇଂରାଜୀ ଭାଷାଭାଷୀ ଜନସଂଖ୍ୟା ୫୮ ପ୍ରତିଶତ। ଇଟାଲୀରେ(୪୩%), ଗ୍ରୀସ୍ (୫୦ %) ଏବଂ ଜର୍ମାନୀ (୫୬%) ଠାରୁ ଅଧିକ ଲୋକ ଇଂରାଜୀରେ କଥା ହୋଇଥାନ୍ତି। ତେବେ ଜନସଂଖ୍ୟା ଦୃଷ୍ଟିରୁ ଏହା ଭାରତ ତୁଳନାରେ ବହୁତ କମ୍ ଅଟେ।
ରୁଷିଆର କେବଳ ୧୨ ପ୍ରତିଶତ ଲୋକ ଭଲଭାବେ ଇଂରାଜୀ କହିପାରନ୍ତି। ସେହିପରି ତୁର୍କୀରେ ଏହି ସଂଖ୍ୟା ୧୮ ପ୍ରତିଶତ ଥିବା ବେଳେ ବ୍ରାଜିଲରେ କେବଳ ୫ ପ୍ରତିଶତ ଲୋକ ଇଂରାଜୀରେ ଭଲ କହିପାରନ୍ତି।
କାନାଡାରେ ୮୩ ପ୍ରତିଶତ ଲୋକ ଏବଂ ଅଷ୍ଟ୍ରେଲିଆର ୯୨ ପ୍ରତିଶତ ଲୋକ ଭଲ ଇଂରାଜୀ କହିପାରନ୍ତି। ସ୍ବିଡେନରେ ଏହି ସଂଖ୍ୟା ୮୮ ପ୍ରତିଶତ। ବାକି ଲୋକମାନେ ସେଠାରେ ସ୍ଥାନୀୟ ଭାଷାରେ କଥା ହୁଅନ୍ତି।
ସୁପର ପାଓ୍ବାର ଆମେରିକା (ଯୁକ୍ତରାଷ୍ଟ୍ର)ର ୯୫ ପ୍ରତିଶତ ଲୋକ ଇଂରାଜୀରେ କଥାବାର୍ତ୍ତା କରିବାରେ ପାରଙ୍ଗମ। ଅନ୍ୟ ପଟେ ଯଦି ଆମେ ବ୍ରିଟେନ ବିଷୟରେ କଥା ହେବା ତେବେ ଏଠାରେ ୯୮.୩ ପ୍ରତିଶତ ଲୋକ ଭଲ ଇଂରାଜୀ ଜାଣିଛନ୍ତି। ଏଠାରେ ୨୩୯ ମିଲିୟନ ଲୋକ ଇଂରାଜୀ କୁହନ୍ତି।
ଭାରତ ବିଷୟରେ କହିବାକୁ ଗଲେ, ଏଠାରେ ୨୦ ପ୍ରତିଶତ ଲୋକ ଭଲ ଇଂରାଜୀ କହିପାରନ୍ତି। କିନ୍ତୁ ଜନସଂଖ୍ୟା ଦୃଷ୍ଟିରୁ ଭାରତରେ ଇଂରାଜୀ ବକ୍ତାମାନଙ୍କ ସଂଖ୍ୟା ବୋଧହୁଏ ବିଶ୍ୱର ଅଗ୍ରଣୀ ଦେଶମାନଙ୍କ ମଧ୍ୟରେ ରହିବ ।
ଅଧିକାଂଶ ଇଂରାଜୀ ଜିବ୍ରାଲଟର୍ରେ କଥିତ। ଓ୍ବଲର୍ଡ ଅଫ୍ ଷ୍ଟାଟିଷ୍ଟିକ୍ସର ତଥ୍ୟ ଅନୁଯାୟୀ, ଏଠାରେ ଶତ ପ୍ରତିଶତ ଲୋକ ଭଲ ଭାବେ ଇଂରାଜୀ କୁହନ୍ତି। କିନ୍ତୁ ଏହାର ଜନସଂଖ୍ୟା ମାତ୍ର ୩୨,୬୬୯।
