ପ୍ୟାଙ୍ଗୟଙ୍ଗ,୧୦।୩: ପରମାଣୁ ପରୀକ୍ଷଣ ବିଷୟରେ ଆମେରିକାର ଗୁପ୍ତଚର ରିପୋର୍ଟର ଗୋଟିଏ ଦିନ ପରେ ଉତ୍ତର କୋରିଆ ପୁଣି ମିଶାଇଲ୍ ପରୀକ୍ଷା ଆରମ୍ଭ କରିଛି। କିମ ଜୋଙ୍ଗ ଉନଙ୍କ ଦେଶ ଏକ ସ୍ବଳ୍ପ ଦୂରଗାମୀ ବାଲିଷ୍ଟିକ ମିଶାଇଲ୍ ମାଡ କରିଛି। ଏହି ପରୀକ୍ଷଣର ସମୟ ମଧ୍ୟ ଗୁରୁତ୍ୱପୂର୍ଣ୍ଣ କାରଣ ଆମେରିକା ଏବଂ ଦକ୍ଷିଣ କୋରିଆ ଶୀଘ୍ର ସାମରିକ ଅଭ୍ୟାସ କରିବାକୁ ଯାଉଛନ୍ତି। ଏଭଳି ପରିସ୍ଥିତିରେ ଏହାକୁ ଏକ ବିପଦ ବୋଲି ମଧ୍ୟ ବିବେଚନା କରାଯାଉଛି।
ସିଓଲର ସେନା ପକ୍ଷରୁ ଏବେନଇ କୁହାଯାଇଛି ଯେ, ଦକ୍ଷିଣ କୋରିଆ ଏବଂ ଆମେରିକା ମଧ୍ୟରେ ପ୍ରମୁଖ ମିଳିତ ସାମରିକ ଅଭ୍ୟାସ ଆରମ୍ଭ ହେବାର କିଛି ଦିନ ପୂର୍ବରୁ ପ୍ୟାଙ୍ଗୟାଙ୍ଗର ସର୍ବଶେଷ ଶକ୍ତି ପ୍ରଦର୍ଶନ। କିମ ଜୋଙ୍ଗ ଉନ ପ୍ରକୃତ ଯୁଦ୍ଧର ଜବାବ ଦେବାକୁ ପ୍ରସ୍ତୁତ।
ସୂଚନାଯୋଗ୍ୟ, ଦକ୍ଷିଣ କୋରିଆ ଏବଂ ଉତ୍ତର କୋରିଆ ମଧ୍ୟରେ ସମ୍ପର୍କ ଭଲ ନାହିଁ। ଗତ ୩ ବର୍ଷରେ, ଏହି ସମ୍ପର୍କ ସବୁଠାରୁ ଖରାପ ପର୍ଯ୍ୟାୟରେ ଗତି କରୁଛି। ଦକ୍ଷିଣ କୋରିଆ କ୍ରମାଗତ ଭାବରେ ଆମେରିକାକୁ ସହ ଚାଲୁଛି। ଉତ୍ତର କୋରିଆ ଏହାକୁ ପସନ୍ଦ କରୁନାହିଁ ଏବଂ ମିଶାଇଲ୍ ମାଡ କରି ଉଭୟ ଦେଶକୁ କ୍ରମାଗତ ଭାବରେ ନିଜର ଶକ୍ତି ପ୍ରଦର୍ଶନ କରୁଛି।
