ମୁମ୍ବାଇ: ବଲିଉଡ୍ ନାୟିକା ନୋରା ଫତେହି ଏବେ ଡ୍ୟାନ୍ସିଂ କୁଇନ୍ ଭାବେ ବେଶ୍ ପରିଚିତ । ଦର୍ଶକଙ୍କର ଏବେ ସେ ପ୍ରଥମ ପସନ୍ଦ ଡ୍ୟାନ୍ସିଂ ଷ୍ଟାର ବୋଲି କୁହାଯାଏ । ଏହାସହ ସେ ଆଇଟମର ଫରଫେକ୍ଟ କୁଇନ୍ ବୋଲି ମଧ୍ୟ କେହି କେହି କହିଥାଆନ୍ତି । ବଲିଉଡ୍ର ଏବେ ସେ ଜଣେ ପପୁଲାର ଡ୍ୟାନ୍ସର । ଖୁବ୍ କମ୍ ସମୟ ମଧ୍ୟରେ ସେ ବଲିଉଡ୍ରେ ନିଜ ପାଇଁ ତିଆରି କରିଛନ୍ତି ଏକ ସ୍ୱତନ୍ତ୍ର ପରିଚୟ । ନିକଟରେ ସେ ଏକ ସାକ୍ଷାତ୍କାରରେ ନିଜ ସଂଘର୍ଷର କାହାଣୀ କହିବା ବେଳେ କାନ୍ଦି ପକାଇଛନ୍ତି । ଦୁବଇର ୟୁଟ୍ୟୁବର ଅନସ ବୁଖାଶାଙ୍କୁ ଦେଇଥିବା ଏକ ସାକ୍ଷାତ୍କାରରେ ସେ ଭାରତ ଆସିବାର ଅନୁଭୁତି ସମ୍ପର୍କରେ କହିଛନ୍ତି । ସେ କହିଛନ୍ତି ଯେତେବେଳେ ସେ ଭାରତ ଆସିଥିଲେ ସେତେବେଳେ ସେ ଯେମିତି ଭାବି ଆସିଥିଲେ ସେମିତି ଆଦୌ ନ ଥିଲା । ସେ ଭାବିଥିଲେ ତାଙ୍କୁ ଲିମୋଜିନ ଭଳି ଗାଡି ମିଳିବ ସୁଇଟରେ ରଖାଯିବ ହେଲେ ସବୁଥିଲା ବିପରିତ । ତେବେ ସେ ପ୍ରଥମେ ୮-୯ଜଣ ଝିଅଙ୍କ ସହ ଏକାଠି ରହିଥିଲେ । ଆଉ ସେମାନେ ପରେ ତାଙ୍କ ପାସପୋର୍ଟ ଚୋରି କରି ନେଇଥିଲେ । ଏହାପରେ ସେ ବହୁତ ସୁବିଧାରେ ପଡିଥିଲେ ବୋଲି କହିଛନ୍ତି ନୋରା । କିନ୍ତୁ ସେ ଭାରତ ଛାଡି ଯିବାକୁ ଚାହୁଁ ନ ଥିଲେ । କିଛିଦିନ ମଧ୍ୟରେ ଜଣେ କାଷ୍ଟିଙ୍ଗ ଡାଇରେକ୍ଟର ତାଙ୍କୁ ଅଡିଶନ ପାଇଁ ଡାକିଥିଲେ । ତାଙ୍କୁ ଜଣାଥିଲା ମୁଁ ଭାରତୀୟ ନୁହେଁ । ହେଲେ ସେ ମୋତେ ହିନ୍ଦୀରେ ଲାଇନ୍ ଦେଇ ଖୁବ୍ ଜୋରରେ ହସିଥିଲେ । ଏହାସହ ସେଠାରେ ଥିବା ଲୋକେ ବି ଖୁବ୍ ହସିଥିଲେ । ଏମିତିକି ତାଳିମାରି ହସିଥିଲେ । ହେଲେ ମୋ ମନରେ ଗୋଟିଏ କଥା ଆସୁଥାଏ ଏମାନଙ୍କର ଏତେ ସାହସ କେମିତି ହେଲା । ସାକ୍ଷାତ୍କାରରେ ଏତିକି କହୁ କହୁ କାନ୍ଦି ପକାଇଥିଲେ ନୋରା । କିନ୍ତୁ ତାଙ୍କର ଦୃଢ ଇଚ୍ଛା ଶକ୍ତି ଏବେ ତାଙ୍କୁ ଆଣିଦେଇଛି ଏକ ସ୍ୱତନ୍ତ୍ର ପରିଚୟ ବୋଲି ସେ କୁହନ୍ତି । ସୂଚନାଯୋଗ୍ୟ, କାନାଡା ବାସିନ୍ଦା ନୋରା ଫତେହି ପ୍ରଥମେ ପ୍ରଥମେ କାନାଡାର ଏକ ଜେଣ୍ଟସ୍ ସପିଂ ମଲରେ କାମ କରୁଥିଲେ । ଏହାସହ ସେ ଲଟେରୀ ଟିକେଟ ବି ବିକ୍ରି କରୁଥିଲେ ।
