ନୂଆଦିଲ୍ଲୀ,୧୪।୧୧ : ଆମରୋହାର ବହୁଜନ ସମାଜବାଦୀ ପାର୍ଟି (ବିଏସପି) ଏମ୍ପି ଦାନିଶ ଅଲି ଏକ ଭବିଷ୍ୟବାଣୀ କରିଛନ୍ତି। ସେ କହିଛନ୍ତି ଯେ ୨୦୨୪ ସାଧାରଣ ନିର୍ବାଚନରେ କେନ୍ଦ୍ରରେ ଅଣ-ଭାଜପା ନେତୃତ୍ୱାଧିନ ସରକାର ଗଠନ ହେବାର ବହୁତ ସମ୍ଭାବନା ରହିଛି।
ଭାରତ ଇସଲାମିକ ସାଂସ୍କୃତିକ କେନ୍ଦ୍ରର ଓଭରସିଜ ଚାପ୍ଟର ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ଅଲି ସୌଦି ଆରବରେ ପହଞ୍ଚିଥିଲେ। ଏହି ସମୟରେ ସେଠାରେ ଏକ କାର୍ଯ୍ୟକ୍ରମକୁ ସମ୍ବୋଧିତ କରିବାବେଳେ ସେ ୨୦୨୪ ସାଧାରଣ ନିର୍ବାଚନରେ କେନ୍ଦ୍ରରେ ଭାଜପା ସରକାରଙ୍କ ପରାଜୟ ହେବା ନେଇ ଏଭଳି କହିଥିଲେ।
ଦେଶରେ ରାଜନୈତିକ ସ୍ଥିତି ବଦଳିବାକୁ ଲାଗୁଛି। ଭାଜପା ସହଯୋଗୀମାନେ ଏନଡିଏ ଛାଡୁଛନ୍ତି। ଆଗାମୀ ଦିନରେ ଏହା ଆହୁରି ତ୍ୱରାନ୍ବିତ ହେବ ବୋଲି ଆଶା କରାଯାଉଛି। କାରଣ ଭାଜପା ସହଯୋଗୀମାନେ ଆଉ ତାଙ୍କୁ ବିଶ୍ୱାସ କରିବାକୁ ପ୍ରସ୍ତୁତ ନୁହଁନ୍ତି।
ବିହାର, ଉତ୍ତରପ୍ରଦେଶ ଏବଂ କର୍ନାଟକ ଭଳି ରାଜ୍ୟରେ ଗତ ନିର୍ବାଚନରେ ଭାଜପା ପ୍ରାୟ ସମସ୍ତ ଆସନ ଜିତିଛି। କିନ୍ତୁ ବର୍ତ୍ତମାନ ପରିସ୍ଥିତି ବଦଳୁଛି। ପଶ୍ଚିମବଙ୍ଗ ଏବଂ ଆସାମରେ ମଧ୍ୟ ଏହି ସବୁ ରାଜ୍ୟରେ ଭାଜପା ଏକ ବଡ଼ ଧରଣର ପରିବର୍ତ୍ତନ ଘଟାଇବାକୁ ଯାଉଛି। ଯଦି ଅଣ-ଭାଜପା ଦଳର ଏକ ମିଳିତ ସାମ୍ମୁଖ୍ୟ ଗଠନ ହୁଏ, ତେବେ ସେମାନେ କେନ୍ଦ୍ରରେ ଅଣ-ଭାଜପ ସରକାର ଗଠନରେ କୌଣସି ପ୍ରତିବନ୍ଧକ ହେବ ନାହିଁ ବୋଲି ସେ କହିଛନ୍ତି।
