ଛତ୍ରପୁର,୩।୭(ଡି.ଏନ.ଏ.): ଗଞ୍ଜାମ- ପୁରୀ ମେଗା ପାଇପ୍ ଜଳଯୋଗାଣ ପ୍ରକଳ୍ପ କାର୍ଯ୍ୟ ସାରିବାରେ ସମ୍ପୃକ୍ତ ହାଇଦ୍ରାବାଦର ଜିଭିପିଆର୍ ଇଞ୍ଜିନିୟର୍ସ ଲିମିଟେଡ୍ ଠିକା ସଂସ୍ଥାରେ ଅହେତୁକ ବିଳମ୍ବ କରୁଛି ା ଏ ନେଇ ଗ୍ରାମ୍ୟ ଜଳ ଯୋଗାଣ ବିଭାଗ ପକ୍ଷରୁ ନୋଟିସ୍ ଜାରି ହୋଇସାରିଛି ା ଅନ୍ୟପକ୍ଷରେ ଏହି ପ୍ରକଳ୍ପ କାମ ଲାଗି ପାଇପ ବିଛାଇବା ପାଇଁ ରେଲୱେ ଓ ଜାତୀୟ ରାଜପଥର କ୍ରସିଂର ଆବଶ୍ୟକତା ପଡୁଛି ା ବିଭାଗ ପକ୍ଷରୁ ରେଲୱେ କର୍ତ୍ତୃପକ୍ଷଙ୍କୁ ଚିଠି ଲେଖାଯିବା ସହ ଏଥିପାଇଁ ସମସ୍ତ ଆବଶ୍ୟକ କାଗଜପତ୍ର ପଠାଯାଇଛି। ତେବେ ଏଯାବତ ରେଲୱେ ବିଭାଗରୁ ଅନୁମତି ମିଳି ନଥିବା ଜଣାପଡିଛି। ଗଞ୍ଜାମ ଜିଲା ଦେଇ ରେଲୱେ ଲାଇନ୍ ଓ ଜାତୀୟ ରାଜପଥ ଯାଇଛି। ତା ଉପରେ ପାଣି ପାଇପ୍ ଲାଇନ୍ର କ୍ରସିଂ ର ଆବଶ୍ୟକତା ପଡିଛି ା ଏଥିଲାଗି ଏନଏଚଏଆଇ କର୍ତ୍ତୃପକ୍ଷ ଅନୁମତି ଦେଇଥିଲେ ହେଁ ଜାତୀୟ ରାଜପଥ ସଂପ୍ରସାରଣ କାମ ସରିବା ପରେ ଏସବୁ ତ୍ୱରାନ୍ବିତ ହେବ ବୋଲି ବିଭାଗକୁ ଚିଠି ଆସିଛି ା ଏହି ପରିପ୍ରେକ୍ଷୀରେ ଉକ୍ତ ମେଗା ପାଇପ୍ ଜଳ ଯୋଗାଣ ପ୍ରକଳ୍ପ ଆହୁରି ବିଳମ୍ବିତ ହେବା ଏକପ୍ରକାର ସ୍ପଷ୍ଟ ହୋଇଛି ା
ଗଞ୍ଜାମ ଜିଲାର ଗଞ୍ଜାମ ବ୍ଲକ ଅଧିନ ୭ଟି ପଞ୍ଚାୟତ ଅଧିନ ୫୫ ଗାଁ ଓ ପୁରୀ ଜିଲା କୃଷ୍ଣପ୍ରସାଦ ବ୍ଲକର ୧୪ ପଞ୍ଚାୟତ ଅଧିନ ୯୨ ଗ୍ରାମରେ ପାଣି ସମସ୍ୟା ଦୂର ପାଇଁ ମେଗା ପାଇପ୍ ଜଳ ଯୋଗାଣ ପ୍ରକଳ୍ପ କାମ ଚାଲିଛି ା ଏହି ପ୍ରକଳ୍ପ ପାଇଁ ୨୦୩.୪୬ କୋଟି ଟଙ୍କାର ବ୍ୟୟ ଅଟକଳ ହୋଇଛି ା ଏହି ପ୍ରକଳ୍ପ କାମ ୨୦୧୮ ଅଗଷ୍ଟ ୨୮ରେ ଆରମ୍ଭ ହୋଇଥିଲା। ପ୍ରଥମେ ଏହା ୨୦୨୦ ଅଗଷ୍ଟ ୨୬ରେ ସାରିବାକୁ ଲକ୍ଷ୍ୟ ରହିଥିଲା ା ପରେ ଏହାର ଅବଧିକୁ ୨ ବର୍ଷ ବୃଦ୍ଧି କରାଯାଇ ଚଳିତ ବର୍ଷ ଅଗଷ୍ଟ ୨୬ ପର୍ଯ୍ୟନ୍ତ ବର୍ଦ୍ଧିତ କରାଯାଇଥିଲା। ଜୁନ୍ ୧ରେ ତକତ୍ାଳୀନ ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ସଞ୍ଜୟ ଦାସବର୍ମା ଛତ୍ରପୁର ଠାରେ ଅନୁଷ୍ଠିତ ଗଞ୍ଜାମ-ପୁରୀ ମେଗା ପାଇପ ଜଳ ଯୋଗାଣ ପ୍ରକଳ୍ପର ସମୀକ୍ଷା ବୈଠକ କରିଥିଲେ ା ଏହାପୂର୍ବରୁ ମଧ୍ୟ ବହୁବାର ଏପରି ସମୀକ୍ଷା ବୈଠକ ହୋଇଥିଲା। ଦାସବର୍ମାଙ୍କ ନିଜ ନିର୍ବାଚମଣ୍ଡଳୀ ଅଧିନରେ କୃଷ୍ଣପ୍ରସାଦ ବ୍ଲକ ଯାଉଥିବାରୁ ସେ ଏହାକୁ ଅଧିକ ଧ୍ୟାନ ଦେଉଥିଲେ ା ଏବେ ସେ ଯୋଜନା ବୋର୍ଡ ଉପାଧ୍ୟକ୍ଷ ନାହାନ୍ତି। ତେଣୁ ପ୍ରକଳ୍ପ କାମ କେବେ ସରିବ ତାହା
ଅନିଶ୍ଚିତତା ମଧ୍ୟରେ ରହିଛି ା
