ବଲିଉଡ୍ ଅଭିନେତ୍ରୀ ମମତାଜ୍ ବହୁ ବର୍ଷ ଧରି ଦର୍ଶକଙ୍କ ଭରପୂରମନୋରଞ୍ଜନ କରିଥିଲେ। ତାଙ୍କ ଅଭିନୟ ଦର୍ଶକଙ୍କୁ ଖୁବ୍ ପସନ୍ଦ ଆସୁଥିଲା। ମମତାଜ ଶିଶୁ କଳାକାର ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ । ରାଜେଶ ଖାନ୍ନା ଏବଂ ଶମି କପୁରଙ୍କ ସହ ତାଙ୍କ ଯୋଡିକୁ ଅଧିକ ପସନ୍ଦ କରାଯାଉଥିଲା। ଯଦିଓ ତାଙ୍କୁ ହିରୋଙ୍କଠାରୁ ବହୁତ ସମର୍ଥନ ମିଳୁଥିଲା , କୌଣସି ହିରୋଇନ୍ଙ୍କ ସହ ତାଙ୍କର ସେତେଟା ପଡ଼ୁ ନ ଥିଲା। ଏହା ନିଜେ ମମତାଜ କହିଛନ୍ତି।
ଏକ ସାକ୍ଷାତକାରରେ ମମତାଜ କହିଥିଲେ, ଏପରି ଏକ ସମୟ ଥିଲା ଯେତେବେଳେ ଇଣ୍ଡଷ୍ଟ୍ରିର କୌଣସି ଅଭିନେତ୍ରୀ ତାଙ୍କ ସହ କଥା ହେଉ ନ ଥିଲେ। ହେଲେ ସମସ୍ତ ହିରୋଙ୍କ ସମର୍ଥନ ସେ ପାଇଛନ୍ତି। ସେ ଧର୍ମେନ୍ଦ୍ରଙ୍କୁ ଭେଟି ତାଙ୍କ ସହିତ ବହୁତ ସମୟ ବିତାଇଛନ୍ତି। ହେଲେ ଅଭିନେତ୍ରୀମାନଙ୍କ ମଧ୍ୟରେ ତାଙ୍କର ଭଲ ବନ୍ଧୁ କେବଳ ଓ୍ବାହିଦା ରେହମାନ ବୋଲି ସେ କହିଥିଲେ।
ସେ ଡ୍ୟାନ୍ସ ଗ୍ରୁପର ପିଲାଙ୍କ ସହ ଅଧିକ ଉପଭୋଗ କରୁଥିଲି। ସେମାନଙ୍କ ସହିତ ସେ ଖାଦ୍ୟ ଶେୟାର କରୁଥିଲେ। କୌଣସି ଅଭିନେତ୍ରୀ କଥା ହେଉ ନ ଥିଲେ ହେଁ କେବେ ବି ବିରକ୍ତ ଲାଗିନାହିଁ । ତେବେ ୱାହିଦା ରେହମାନ ହିଁ ଏକମାତ୍ର ଅଭିନେତ୍ରୀ ଯାହାଙ୍କ ସହ ତାଙ୍କର ସବୁବେଳେ କଥାବାର୍ତ୍ତା ହେଉଥିଲା। କିନ୍ତୁ ତାଙ୍କ ବ୍ୟତୀତ ଅନ୍ୟ ସମସ୍ତ ଅଭିନେତ୍ରୀ କଦାପି କଥା ହେଉ ନ ଥିଲେ। କେହି ତାଙ୍କୁ ହାଏ କି ହ୍ୟାଲୋ ମଧ୍ୟ କହୁ ନ ଥିଲେ। କେବଳ ତାଙ୍କ ଚେୟାର ନେଇ ମୋ ଠାରୁ ଦୂରରେ ବସୁଥିଲେ। ତେବେ ଏହା ପଛରେ ଥିବା କାରଣ ବିଷୟରେ ସେ ଜାଣି ନ ଥିବା ମମତାଜ ମଧ୍ୟ କହିଥିଲେ।
