ଅନୁଗୋଳ ଅଫିସ, ୨୪।୩: ଅନୁଗୋଳ ଜିଲାରେ ବୁଧବାର ପଞ୍ଚାୟତ ସମିତି ଉପାଧ୍ୟକ୍ଷ ନିର୍ବାଚନ ଶେଷ ହୋଇଛି। ମୋଟ ୮ ବ୍ଲକ ମଧ୍ୟରୁ କେବଳ କଣିହଁାକୁ ବାଦ୍ ଦେଲେ ଅନ୍ୟ ୭ ବ୍ଲକ ଉପାଧ୍ୟକ୍ଷ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି। ସମସ୍ତ ବ୍ଲକରେ ବିଜେଡି ସମର୍ଥତ୍ତ ପ୍ରାର୍ଥୀ ବିଜୟୀ ହୋଇଥିବା ସୂଚନା ମିଳିଛି। ଅନୁଗୋଳ ବ୍ଲକ ଉପାଧ୍ୟକ୍ଷ ଭାବେ ଟାଇଁସି ପଞ୍ଚାୟତ ସମିତିସଭ୍ୟ ପ୍ରକାଶ ଚନ୍ଦ୍ର ପ୍ରଧାନ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି। ବଅଁରପାଳ ବ୍ଲକ ଉପାଧ୍ୟକ୍ଷା ଭାବେ ତୁବେ ପଞ୍ଚାୟତ ସମିତି ସଭ୍ୟା ବନିତା ସାହୁ, ପାଲଲହଡ଼ା ବ୍ଲକରେ ପରାଛାଟ ପଞ୍ଚାୟତ ସମିତି ସଭ୍ୟ ମେଘନାଦ କିଷାନ, ଛେଣ୍ଡିପଦା ବ୍ଲକରେ ନିଶା ପଞ୍ଚାୟତ ସମିତିସଭ୍ୟା ଝରଣା ସ୍ବାଇଁ, ଆଠମଲ୍ଲିକ ବ୍ଲକରେ କୁଦଗାଁ ପଞ୍ଚାୟତ ସମିତିସଭ୍ୟା ମମତା ମହାକୁଡ, କିଶୋରନଗର ବ୍ଲକରେ ବାମୁର ପଞ୍ଚାୟତ ସମିତିସଭ୍ୟ ଲବ କୁମାର ପ୍ରଧାନ, ତାଳଚେରରେ କଳମଛୁଇଁ ପଞ୍ଚାୟତ ସମିତି ସଭ୍ୟା ଅଞ୍ଚଳ ପ୍ରଧାନ ନିର୍ଦ୍ୱନ୍ଦ୍ୱରେ ଉପାଧ୍ୟକ୍ଷ ନିର୍ବାଚିତ ହୋଇଛନ୍ତି। ତେବେ କଣିହଁା ବ୍ଲକରେ ଦୁଇ ପ୍ରାର୍ଥୀ ଥିବାରୁ ଭୋଟଗ୍ରହଣ ହୋଇଥିଲା। ହନୁମାନପୁର ପଞ୍ଚାୟତ ସମିତି ସଭ୍ୟା ନମିତା ସାହୁଙ୍କୁ ୮ଟି ଭୋଟ ମିଳିଥିବା ବେଳେ କଣିହଁା ପଞ୍ଚାୟତ ସମିତି ସଭ୍ୟା ଜୟନ୍ତୀ ପ୍ରଧାନ ୧୯ ଖଣ୍ଡ ଭୋଟ ପାଇ ଉପାଧ୍ୟକ୍ଷା ଭାବେ ବିଜୟୀ ହୋଇଥିଲେ।
