୨୦ନଂ. ଜୋନ୍‌ରେ ତ୍ରିମୁଖୀ ଲଢ଼େଇ

ବାହାନଗା, ୧୮।୨ (ଡି.ଏନ.ଏ.) ବାଲେଶ୍ୱର ଜିଲା ବାହାନଗା ବ୍ଲକରେ ଆସନ୍ତା ୨୨ ତାରିଖରେ ପଞ୍ଚାୟତ ନିର୍ବାଚନ ଅନୁଷ୍ଠିତ ହେବ। ଏହି ବ୍ଲକ ଅଧୀନ ୨୦ନଂ. ଜିଲା ପରିଷଦ ଜୋନରେ ତ୍ରିମୁଖୀ ଲଢେଇ ହେବାର ସମ୍ଭାବନା ରହିଛି।
ଜୋନ୍‌ ୬ ପଞ୍ଚାୟତ ବରିପଦା, ଅରାରୁହାବାଡ, ବିଷ୍ଣୁପୁର, ଅଭଣା, ସାହାସପୁରା ଓ ଖରାସାହାପୁର ପଞ୍ଚାୟତକୁ ନେଇ ଗଠିତ ହୋଇଛି ା ଏହି ଜୋନରେ ବିଜେଡିର ସଙ୍ଗଠନ ଭଲ ସ୍ଥିତିରେ ଥିଲେ ମଧ୍ୟ ପଞ୍ଚାୟତ ନିର୍ବାଚନରେ ବିଦ୍ରୋହୀ ସରପଞ୍ଚ ପ୍ରାର୍ଥୀମାନଙ୍କ ପାଇଁ ଦଳ ଅଡୁଆରେ ପଡ଼ିଛି। ବିଜେଡିର ଏଭଳି ଅଡୁଆ ସ୍ଥିତିକୁ ଦେଖି ଭାଜପା ଓ କଂଗ୍ରେସ ଗୋଳିଆ ପାଣିରୁ ମାଛ ଧରିବା ଲକ୍ଷ୍ୟରେ ଅଛନ୍ତି ା ଗତ ୨୦୧୭ ନିର୍ବାଚନରେ ଏହି ଜୋନକୁ ବିଜେଡି ଅକ୍ତିଆର କରି ନିଜ ସପକ୍ଷରେ ରଖିବାରେ ସଫଳ ହୋଇଥିଲା ା
ବିଜେଡିର ପ୍ରଣତି ମହାଳିକ ୯ହଜାର ୪୨ ଖଣ୍ଡ ଭୋଟ ପାଇଥିବା ବେଳେ କଂଗ୍ରେସରୁ କ୍ଷିତେଶ୍ୱରୀ ମହାଳିକ ୭ହଜାର ୫ଶହ ୭୫ଖଣ୍ଡ ଭୋଟ ପାଇ ଦ୍ୱିତୀୟ ସ୍ଥାନରେ ଥିଲେ। ତେବେ ଭାଜପାରୁ ଶୁଭଲକ୍ଷ୍ମୀ ତରେଇ ୫ହଜାର ୨ଶହ ୮୩ ଖଣ୍ଡ ଭୋଟପାଇ ତୃତୀୟ ସ୍ଥାନରେ ଥିଲେ। ତେବେ ଜୋନ୍‌ର ବରିପଦା, ବିଷ୍ଣୁପୁର, ଖରାସାହାପୁର ପଞ୍ଚାୟତରେ କଂଗ୍ରେସ ଦଳର ପ୍ରମୁଖ ନେତା ଓ କର୍ମୀମାନେ ବିଜେଡିରେ ସାମିଲ ହେବା ପରେ ଦଳ ସେଠାରେ ସୁଦୃଢ ହୋଇପାରିଥିଲେ ମଧ୍ୟ ପଞ୍ଚାୟତ ନିର୍ବାଚନରେ ବିଜେଡିରେ ଅସନ୍ତୁଷ୍ଟ ହୋଇ ସ୍ବାଧୀନରେ ସରପଞ୍ଚ ପ୍ରାର୍ଥୀ ଭାବେ ପ୍ରତିଦ୍ୱନ୍ଦ୍ୱିତା କରୁଥିବାରୁ ଏସବୁ ପଞ୍ଚାୟତରେ ଦଳ ଦୁର୍ବଳ ହୋଇପଡିଥିବା ଦେଖାଯାଉଛି। ତେବେ ବିଜେଡି ବିଧାୟକଙ୍କ ଜନହିତକର କାର୍ଯ୍ୟକୁ ଦେଖି ଜନସାଧାରଣ ବିଜେଡିକୁ ଭୋଟ ଦେବେ ବୋଲି ଅନୁମାନ କରାଯାଉଥିଲେ ମଧ୍ୟ ତାହା କେତେଦୂର ସଫଳ ହେବ ତାହା ୨୭ତାରିଖରେ ସ୍ପଷ୍ଟ ହେବ। ସେହିପରି କଂଗ୍ରେସ ନିଜର ଦ୍ୱିତୀୟ ସ୍ଥାନ ବଜାୟ ରଖିବ ନା ତୃତୀୟ ସ୍ଥାନକୁ ଖସିବ ତାହା ମଧ୍ୟ ଜଣାପଡିବ। କଂଗ୍ରେସ ମଧ୍ୟ ବିଜେଡିର ଏହି ଗୋଳିଆ ପାଣିରୁ ନିଜର ସ୍ଥିତି ବଜାଇ ରଖିବାକୁ ଉଦ୍ୟମ କରୁଛି। ଚଳିତ ନିର୍ବାଚନରେ ବିଜେଡି ପ୍ରାର୍ଥୀ ଶିଶିର କୁମାର ଅଗସ୍ତି ପ୍ରତିଦ୍ୱନ୍ଦ୍ୱିତା କରୁଥିବା ବେଳେ ଭାଜପାରୁ ଅମର କୁମାର ନାୟକ ଓ କଂଗ୍ରେସରୁ ସାଧୁଚରଣ ପରିଡା ପ୍ରତିଦ୍ୱନ୍ଦ୍ୱିତା କରୁଛନ୍ତି। ୩ଜଣଙ୍କ ମଧ୍ୟରୁ ଶିଶିର ଅଗସ୍ତି ଆରୁହାବାଡ ପଞ୍ଚାୟତର ୨ଥର ସରପଞ୍ଚ ଭାବେ କାମ କରି ସୁନାମ ଅର୍ଜନ କରିଛନ୍ତି ା ସେ ପ୍ରତିରକ୍ଷା ବିଭାଗର ସୈନିକ ଭାବେ ଚାକିରି କରି ଅବସର ନେବା ପରେ ଜନସେବା ପାଇଁ ଆଗେଇ ଆସିଛନ୍ତି ା ସେହିପରି ସାଧୁଚରଣ ପରିଡା ୨୦୧୭ ନିର୍ବାଚନରେ ବିଷ୍ଣୁପୁର ପଞ୍ଚାୟତର କଂଗ୍ରେସ ସମର୍ଥିତ ସମିତିସଭ୍ୟ ଭାବେ ନିର୍ବାଚିତ ହୋଇଥିଲେ। ରାଜନୀତିରେ ନୂଆମୁହଁ ଅମର କୁମାର ନାୟକ ଭାଜପାରୁ ଜିଲା ପରିଷଦ ପ୍ରାର୍ଥୀ ଭାବେ ମଇଦାନକୁ ଓହ୍ଲାଇ ବିଜେଡିର ଅସନ୍ତୁଷ୍ଟ ଭୋଟ ହାତେଇ ନିର୍ବାଚନ ବୈତରଣୀ ପାର୍‌ ହେବା ପାଇଁ ଆଶାବାଦୀ ଅଛନ୍ତି। ତେବେ ଉଭୟ ପ୍ରାର୍ଥୀ ଅଞ୍ଚଳର ବିକାଶକୁ ଗୁରୁତ୍ୱ ଦେଉଥିବା ବେଳେ ଲୋକଙ୍କ ସମସ୍ୟାକୁ କିଏ କେତେ ଗୁରୁତ୍ୱ ଦେଇ କାର୍ଯ୍ୟ କରିପାରିବ ତାହା ଭୋଟର ପରଖୁଛନ୍ତି। ଏହି ଜୋନର ମୋଟ ଭୋଟର ସଂଖ୍ୟା ୩୧ହଜାର ୭ଶହ ୭୦। ଏଥିରେ ମହିଳା ଭୋଟର ୧୫ ହଜାର ୫ ଶହ ୮୨ଜଣ ଥିବା ବେଳେ ପୁରୁଷ ଭୋଟର ୧୬ ହଜାର ୧ଶହ ୮୩ଜଣ।


Enter your email to get our daily news in your inbox.

All Right Reserved By Dharitri.Com

ହୋଲି ଉତ୍ସବରେ ଗୋଷ୍ଠୀ ସଂଘର୍ଷ: ଖଣ୍ଡା, ଭୁଜାଲି ମାଡ଼ରେ ୫ ଗୁରୁତର

ନୀଳଗିରି,୨୬।୩(ପ୍ରଶାନ୍ତ କୁମାର ବିଶ୍ବାଳ): ରଙ୍ଗର ପର୍ବ ହୋଲି ପାଇଁ ସବୁଠି ଉତ୍ସବ ମୁଖର ଥିବା ବେଳେ ବାଲେଶ୍ୱର ଜିଲା ନୀଳଗିରି ଥାନା ବାଉଁଶବଣିଆ ପଞ୍ଚାୟତ ଅଧୀନ...

ହୋଲି ଅଘଟଣ: ଗାଧୋଇବାକୁ ଯାଇ ବୁଡ଼ିଗଲେ ୨ ଛାତ୍ର

ଭୁବନେଶ୍ୱର,୨୬।୩: ରଙ୍ଗର ପର୍ବ ହୋଲିରେ ଘଟିଛି ଅଘଟଣ । ପୋଖରୀରେ ଗାଧୋଇଲା ବେଳେ ବୁଡ଼ି ୨ଜଣଙ୍କ ମୃତ୍ୟୁ ଘଟିଛି। କଟକ ଜିଲା ସାଲେପୁର ଥାନା ଅଧୀନ...

ବାଲେଶ୍ୱରରୁ ସ୍ବାଧୀନ ପ୍ରାର୍ଥୀ ଭାବେ ଲଢ଼ିବାକୁ ଘୋଷଣା କଲେ ଖାରବେଳ ସ୍ବାଇଁ

ଭୁବନେଶ୍ୱର,୨୫।୩: ଭାରତୀୟ ଜନତା ପାର୍ଟି (ଭାଜପା) ରବିବାର ପଞ୍ଚମ ପର୍ଯ୍ୟାୟ ପ୍ରାର୍ଥୀ ତାଲିକା ଜାରି କରିଛି। ଏଥିରେ ମୋଟ ୧୧୧ ପ୍ରାର୍ଥୀଙ୍କୁ ଟିକେଟ ଦିଆଯାଇଛି। ଓଡ଼ିଶାର...

ବାହାଘର ସାତ ଦିନ ପରେ ନବବଧୂଙ୍କ ମୃତଦେହ ଉଦ୍ଧାର, ତଦନ୍ତ ଆରମ୍ଭ

ବାଲେଶ୍ୱର, ୨୫।୩: ବିବାହର ସାତ ଦିନ ପରେ ଜଙ୍ଗଲରୁ ମିଳିଲା ନବ ବଧୂଙ୍କର ମୃତଦେହ। ବାଲେଶ୍ୱର ଜିଲାର ସୋର ଅଂଚଳରେ ଏହି ଘଟଣାର ଘଟିଥିବା ସୂଚନା...

କାନ୍ଥ ଭୁଶୁଡ଼ି ପୁଅଙ୍କ ଜୀବନ ଗଲା, ମା-ବାପା ଗୁରୁତର

ଭୋଗରାଇ,୨୫।୩(ପ୍ରଦୀପ ଦାସ): କାନ୍ଥ ଭୁଶୁଡ଼ି ପଡ଼ିବାରୁ ଗୋଟିଏ ପରିବାରର ପୁଅଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ମା-ବାପା ଗୁରୁତର ଅଛନ୍ତି। ତାଙ୍କୁ ବାଲେଶ୍ୱର ମୁଖ୍ୟ ଡାକ୍ତରଖାନାରେ...

ସାଇକେଲରେ ପଞ୍ଚଲିଙ୍ଗେଶ୍ୱର ପହଞ୍ଚିଲେ ବିଦେଶୀ ପର୍ଯ୍ୟଟକ

ନୀଳଗିରି, ୨୪।୩(ପ୍ରଶାନ୍ତ ବିଶ୍ୱାଳ):ପର୍ଯ୍ୟଟନ ମାନଚିତ୍ରରେ ଉତ୍ତରଓଡ଼ିଶାର ପ୍ରମୁଖ ପର୍ଯ୍ୟଟନସ୍ଥଳୀ ପଞ୍ଚଲିଙ୍ଗେଶ୍ୱର। ବିସ୍ତୀର୍ଣ୍ଣ ସବୁଜ ବନାନୀ ପଞ୍ଚଲିଙ୍ଗେଶ୍ୱରକୁ ପ୍ରତିଦିନ ଦେଶ ଓ ଦେଶ ବାହାରର ପର୍ଯ୍ୟଟକଙ୍କୁ ଆକର୍ଷିତ...

ମାରାଥନ ଚଢ଼ାଉ, ଚୋରା ବେପାରୀ ଛାନିଆଁ

ବାଲେଶ୍ୱର,୨୪।୩(ମାନସ ବିଶ୍ୱାଳ):ବାଲେଶ୍ୱର ସହର ନିକଟସ୍ଥ ପୁରୁଣା ବାଲେଶ୍ୱର ଓ ବସ୍ତା ଥାନା ଅଧୀନ ଗାନ୍ଧି ଛକ ଦେଶୀ ମଦ କାରବାରର ହବ୍‌ ପାଲଟିଛି। ପୁରୁଣାବାଲେଶ୍ୱରରୁ ଜିଲାର...

୧ରୁ ଚନ୍ଦନେଶ୍ୱର ମହାଦେବଙ୍କ ପ୍ରସିଦ୍ଧ ଚୈତ୍ର ଚଡ଼କ ମେଳା

ଭୋଗରାଇ, ୨୩।୩(ପ୍ରଦୀପ ଦାସ): ବାଲେଶ୍ୱର ଜିଲା ଭୋଗରାଇ ବ୍ଲକ ସ୍ଥିତ ପୂର୍ବଭାରତର ପ୍ରସିଦ୍ଧ ଶୈବପୀଠ ଚନ୍ଦନେଶ୍ୱର ମହାଦେବଙ୍କ ବିଶ୍ୱପ୍ରସିଦ୍ଧ ଚୈତ୍ର ଚଡ଼କମେଳା ଆସନ୍ତା ୧ରୁ ଶୁଭାରମ୍ଭ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri