ପାଟନା,୫।୯: ଗୁରୁ ଦିବସରେ ଆୟୋଜିତ ଏକ କାର୍ଯ୍ୟକ୍ରମ ପାଇଁ ମଙ୍ଗଳବାର ପାଟନା ବିଶ୍ୱବିଦ୍ୟାଳୟରେ ପହଞ୍ଚିଥିବା ମୁଖ୍ୟମନ୍ତ୍ରୀ ନୀତୀଶ କୁମାର ଖସିପଡି ତଳେ ପଡ଼ିଯାଇଥିଲେ। ତେବେ ତାଙ୍କ ସୁରକ୍ଷା କର୍ମୀମାନେ ଠିକ ସମୟରେ ତାଙ୍କୁ ଉଠାଇଥିଲେ। ଏହି କାର୍ଯ୍ୟକ୍ରମରେ ବିହାର ରାଜ୍ୟପାଳ ରାଜେନ୍ଦ୍ର ବିଶ୍ୱନାଥ ଆର୍ଲେକର ମଧ୍ୟ ଯୋଗ ଦେଇଥିଲେ।
ସିନେଟ ହଲ୍ର ଉଦଘାଟନ ସମୟରେ ଏହି ଘଟଣା ଘଟିଥିବା ବେଳେ ରାଜ୍ୟପାଳ ରାଜେନ୍ଦ୍ର ବିଶ୍ୱନାଥ ଆର୍ଲେକର ମଧ୍ୟ ମଞ୍ଚରେ ଉପସ୍ଥିତ ଥିଲେ। ଗୋଟିଏ ପଟେ ରାଜ୍ୟପାଳ ମଞ୍ଚ ଉପରେ ଠିଆ ହୋଇଥିଲେ ଏବଂ ଅନ୍ୟ ପଟେ ନୀତୀଶ କୁମାର ତଳେ ବୁଲୁଥିଲେ। ଏହି ସମୟରେ ତାଙ୍କ ଗୋଡ ଖସିଯାଇଥିଲା। ସୁରକ୍ଷା କର୍ମୀମାନେ ତାଙ୍କ ଧରିଥିଲେ। ଫଳରେ ନୀତୀଶ କୁମାର ପୁଣି ଠିଆ ହୋଇଥିଲେ ଏବଂ ସିନେଟ ହଲ ଉଦ୍ଘାଟନ କରାଯାଇଥିଲା।
ଶିକ୍ଷକ ଦିବସ ଅବସରରେ ପାଟନା ବିଶ୍ୱବିଦ୍ୟାଳୟର ୩୫ ଅବସରପ୍ରାପ୍ତ ଶିକ୍ଷକଙ୍କୁ ସମ୍ମାନିତ କରାଯାଇଥିଲା। ଏହି ସମାରୋହରେ ଉଭୟ ବିହାର ରାଜ୍ୟପାଳ ରାଜେନ୍ଦ୍ର ବିଶ୍ୱନାଥ ଆର୍ଲେକର ଏବଂ ସିଏମ ନୀତୀଶ କୁମାରଙ୍କୁ ନିମନ୍ତ୍ରଣ କରାଯାଇଥିଲା।
