ନୂଆଦିଲ୍ଲୀ,୧୭।୫ ସ୍ବଚ୍ଛତା ଓ ବ୍ୟକ୍ତିଗତ ଯତ୍ନ କ୍ଷେତ୍ରରେ ବିଭିନ୍ନ ଉତ୍ପାଦ ପ୍ରସ୍ତୁତ କରୁଥିବା ଦେଶର ପ୍ରମୁଖ କମ୍ପାନୀ ନାଇନ୍ ପକ୍ଷରୁ ନିକଟରେ ଏକ ସ୍ବତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ କମ୍ପାନୀ ତା’ର ବିକ୍ରୟ ଦଳକୁ ସମ୍ମାନିତ କରିଥିଲା। ଫଳରେ ସେମାନଙ୍କର ମନୋବଳ ବୃଦ୍ଧି ହେବା ସହ କାର୍ଯ୍ୟ କ୍ଷେତ୍ରରେ ଉତ୍ସାହ ବୃଦ୍ଧି ପାଇବ ବୋଲି କମ୍ପାନୀ ପକ୍ଷରୁ କୁହାଯାଇଛି। ଏହି ପରିପ୍ରେକ୍ଷୀରେ କମ୍ପାନୀର ସାରା ଭାରତର ବିଭିନ୍ନ ରାଜ୍ୟରୁ ଏହାର ବିକ୍ରୟ ଦଳର ସଦସ୍ୟମାନେ ଉକ୍ତ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ଉକ୍ତ କାର୍ଯ୍ୟକ୍ରମର ଶୁଭାରମ୍ଭ ପ୍ରଦୀପ ପ୍ରଜ୍ୱଳନ ସହ ଶ୍ରୀଗଣେଶ ବନ୍ଦନାରୁ ଆରମ୍ଭ ହୋଇଥିଲା। ଏହି ଅବସରରେ ନାଇନ୍ର ପ୍ରତିଷ୍ଠାତା ଅମର ତୁଲସ୍ଥାନ ଏବଂ ଏହାର ସହ-ପ୍ରତିଷ୍ଠାତା ଗୌରବ ବଥୱାଲଙ୍କ ସମେତ ଶରତ ଖେମ୍କା ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ସେହିଭଳି କମ୍ପାନୀର ବିକ୍ରୟ ଦଳର ବରିଷ୍ଠ ସଦସ୍ୟ ତାରାଚନ୍ଦ୍ର ଚହର, ବିଜୟ ଶର୍ମାଙ୍କ ସମେତ ବହୁ ବରିଷ୍ଠ କର୍ମଚାରୀ ମଧ୍ୟ ସମାରୋହ କାର୍ଯ୍ୟକ୍ରମରେ ଯୋଗଦେଇଥିଲେ। ଅପରପକ୍ଷରେ ବିକ୍ରୟ ଦଳକୁ ସମ୍ବୋଧିତ କରି ଅମର ତୁଲସ୍ଥାନ କହିଥିଲେ ଯେ, ଗୋଟିଏ କମ୍ପାନୀର ବିକ୍ରୟ ଦଳ ସେହି କମ୍ପାନୀର ଶକ୍ତି ହୋଇଥାଏ। ସେହିପରି ଆମର ବିକ୍ରୟ ଟିମ୍ ଆମ ପରିବାର ସଦସ୍ୟ ସହ ଆମର ଶକ୍ତି ବୋଲି ଅମର ମତବ୍ୟକ୍ତ କରିଥିଲେ।
