ନିମିଶା-ମେରିନ-ସୋନିଆଙ୍କ କାହାଣୀ: ଦି କେରଲା ଷ୍ଟୋରି…

ମୁମ୍ବାଇ,୪।୫ : ଜିହାଦର ଚକିରେ ପେଷି ହୋଇଥିବା ଅଣ-ମୁସଲମାନ ଝିଅଙ୍କ ଉପରେ ଆଧାରିତ ଚଳଚ୍ଚିତ୍ର ଦି କେରଲା ଷ୍ଟୋରି କେରଳର ପ୍ରେମ,ଧର୍ମାନ୍ତରୀକରଣ ଏବଂ ଆତଙ୍କବାଦ ସହ ଜଡିତ କାହାଣୀ ଏବେ ହେଡଲାଇନରେ ସ୍ଥାନ ପାଇଛି। ଫିଲ୍ମଟି ରିଲିଜ ହେବା ପୂର୍ବରୁ ବିବାଦରେ ଛନ୍ଦି ହୋଇପଡିଛି। ବାସ୍ତବରେ, ଲଭ ଜିହାଦ ଏବଂ କେରଳରେ ଆତଙ୍କବାଦ ବୃଦ୍ଧି ଉପରେ ଆଧାରିତ ଏହି ଚଳଚ୍ଚିତ୍ରକୁ କେତେକ ବିରୋଧ କରୁଛନ୍ତି। ଚଳଚ୍ଚିତ୍ରକୁ ନିଷିଦ୍ଧ କରାଯିବାକୁ ମଧ୍ୟ ଦାବି ହେଉଛି। ଏଥିପାଇଁ ଭେଟେରାନ ଓକିଲ ତଥା ପୂର୍ବତନ କଂଗ୍ରେସ ନେତା କପିଲ ସିବଲ ସୁପ୍ରିମକୋର୍ଟରେ ପହଞ୍ଚିଥିଲେ ମଧ୍ୟ ସର୍ବୋଚ୍ଚ ନ୍ୟାୟାଳୟ ଏହି ଫିଲ୍ମର ପ୍ରଦର୍ଶନ ଉପରେ ରୋକ କରିବାକୁ ମନା କରି ଦେଇଛନ୍ତି। ଏହା ବ୍ୟତୀତ କେରଳ ହାଇକୋର୍ଟରେ ଏହି ଫିଲ୍ମର ସ୍କ୍ରିନିଂ ବନ୍ଦ କରିବାକୁ ଏକ ପିଟିଶନ ମଧ୍ୟ ଦାଖଲ କରାଯାଇଥିଲା।

ତେବେ ସମୁଦାୟ ୧୦ ଟି କଟ କରିବା ସହିତ ଏବଂ କିଛି ସଂଳାପ ହଟାଇବା ପରେ ସେନ୍ସର ବୋର୍ଡ ଫିଲ୍ମକୁ ଏ ସାର୍ଟିଫିକେଟ ପ୍ରଦାନ କରିଛନ୍ତି। ଅର୍ଥାତ ଏ ସାର୍ଟିଫିକେଟ ପାଇବା ଯୋଗୁ, ବର୍ତ୍ତମାନ ୧୮ ବର୍ଷରୁ କମ ପିଲାମାନେ ଏହି ଚଳଚ୍ଚିତ୍ର ଦେଖି ପାରିବେ ନାହିଁ। ତେବେ ଏହି ଚଳଚ୍ଚିତ୍ର ଘୃଣାର ବକ୍ତବ୍ୟକୁ ପ୍ରୋତ୍ସାହିତ କରୁଛି ବୋଲି ଏହାକୁ ବିରୋଧ କରାଯାଉଛି। ଭାରତର ସୁରକ୍ଷା ଏଜେନ୍ସି ଅନୁଯାୟୀ, କେରଳ ହେଉଛି ଦେଶର ଏକ ରାଜ୍ୟ, ଯେଉଁଠାରୁ ସର୍ବାଧିକ ୧୦୦ରୁ ୧୨୦ଜଣ ଲୋକ ଧର୍ମ ପରିବର୍ତ୍ତନ କରିବା ପରେ ଆତଙ୍କବାଦୀ ସଂଗଠନ ଇସଲାମିକ ଷ୍ଟେଟ (ଆଇଏସ) ରେ ଯୋଗ ଦେଇଛନ୍ତି କିମ୍ବା ଏହି ଲୋକମାନେ ଏହି ଆତଙ୍କବାଦୀ ସଂଗଠନରେ ଯୋଗଦେବା ପାଇଁ ଯୋଜନା କରିଛନ୍ତି। ଏହି ଝିଅମାନଙ୍କ ମଧ୍ୟରୁ ଅନେକ ମୃତ କିମ୍ବା ଜେଲରେ କିମ୍ବା ଆତଙ୍କବାଦୀଙ୍କ ଯୌନଦାସ ଭାବରେ ସିରିଆ ଏବଂ ଆଫଗାନିସ୍ତାନରେ ଅଛନ୍ତି।

ଫିଲ୍ମରେ ନିମିଶା-ମୋରିନ-ସୋନିଆଙ୍କ କାହାଣୀକୁ ଅତି ନିଚ୍ଛକ ଭାବେ ପ୍ରଦର୍ଶିତ କରାଯାଇଛି। ସେମାନଙ୍କ ମଧ୍ୟରେ ପ୍ରଥମ ଝିଅର ନାମ ହେଉଛି ନିମିଷା ସମ୍ପତ। ଧର୍ମ ଅନୁଯାୟୀ ସେ ହିନ୍ଦୁ । ନିମିଶା କେରଳର କାସାରାଗୋଡରେ ଥିବା ଏକ କଲେଜରେ ଅଧ୍ୟୟନ କରୁଥିଲେ। ଏପରିକି ତାଙ୍କ ମାତାପିତା ଏବଂ ନିମିଶା ନିଜେ ମଧ୍ୟ କେବେ ଭାବି ନ ଥିଲେ ଯେ ଦିନେ ସେ ଆତଙ୍କବାଦୀ ସଂଗଠନ ଆଇଏସଆଇଏସର ଆତଙ୍କବାଦୀ ହୋଇଯିବେ। କିନ୍ତୁ, ଏହା ଘଟିଲା ଏବଂ ଏହା ପ୍ରେମ ଓ ସ୍ନେହରୁ ଆରମ୍ଭ ହେଲା। ଯେତେବେଳେ ନିମିଶା କାସାରାଗୋଡର ଏକ କଲେଜରେ ଦନ୍ତ ଚିକିତ୍ସକ ହେବାକୁ ଅଧ୍ୟୟନ କରୁଥିଲେ, ସେତେବେଳେ ସେ ଜଣେ ଯୁବକଙ୍କୁ ଭେଟିଥିଲେ ଯିଏ ଖ୍ରୀଷ୍ଟିଆନ ଥିଲେ। କିନ୍ତୁ, ପରେ ସେ ଇସଲାମ ଧର୍ମ ଗ୍ରହଣ କଲେ ଏବଂ ମୁସଲମାନ ହେଲେ। ସେ ଏପରି କରିଥିଲେ କାରଣ ସେ ରିଜୱାନ ଖାନ ନାମକ ଜଣେ ଆତଙ୍କବାଦୀଙ୍କ ସହ ନିରନ୍ତର ଯୋଗାଯୋଗରେ ଥିଲେ।
ଦୀର୍ଘ ଦିନର ଭଲ ପାଇବା ପରେ ନିମିଶା ସମ୍ପୃକ୍ତ ଯୁବକଙ୍କୁ ବିବାହ କରିବାକୁ ରାଜି ହୋଇଥିଲେ ଏବଂ ଦିନେ ଦୁହେଁ ହଠାତ କେରଳରୁ ନିଖୋଜ ହୋଇଯାଇଥିଲେ।

ଯେତେବେଳେ ନିମିଶାଙ୍କ ସନ୍ଧାନ ଆରମ୍ଭ ହେଲା, ସେତେବେଳେ ଜଣାପଡ଼ିଲା ନିମିଶା ନାମ ବଦଳାଇ ଫାତିମା ହୋଇ କେରଳ ଛାଡିଛନ୍ତି। ଯେତେବେଳେ ଏନଆଇଏ ଏହି ଘଟଣାର ଅନୁସନ୍ଧାନ କଲା, ସେତେବେଳେ ଏହା ଏକ ୨୧ ଜଣିଆ ଗୋଷ୍ଠୀ ବିଷୟରେ ସୂଚନା ପାଇଲା ଯେଉଁମାନେ ଏକ ସମୟରେ ଭାରତ ଛାଡିଥିଲେ ଏବଂ ଏହି ସମସ୍ତ ଲୋକ ଆତଙ୍କବାଦୀ ସଂଗଠନ ଆଇଏସଆଇଏସରେ ଯୋଗ ଦେଇଥିଲେ। ଯେଉଁ ମାନଙ୍କ ମଧ୍ୟରେ ନିମିଶା ଅର୍ଥାତ ଫାତିମା ମଧ୍ୟ ଥିଲେ।
ସେହି ସମୟରେ ଏହି ଗୋଷ୍ଠୀରେ ମେରିନ ଜ୍ୟାକବ ନାମକ ଜଣେ ଖ୍ରୀଷ୍ଟିଆନ ଝିଅ ମଧ୍ୟ ସାମିଲ ହୋଇଥିଲେ। କିନ୍ତୁ, ଯେଉଁ ପୁଅ ନିମିଶାଙ୍କୁ ବିବାହ କରିଥିଲେ ଏବଂ ତାଙ୍କୁ ଫାତିମା କରିଥିଲେ ତାଙ୍କର ନିଜ ଭାଇ ଖ୍ରୀଷ୍ଟିଆନ ଧର୍ମ ଛାଡି ପ୍ରଥମେ ଇସଲାମ ଧର୍ମ ଗ୍ରହଣ କରିଥିଲେ ଏବଂ ତା’ପରେ ସେ ମେରିନ ଜ୍ୟାକବଙ୍କୁ ବିବାହ କରିଥିଲେ। ସେ ମେରିନରୁ ମରିୟମ ନାମ ଗ୍ରହଣ କରିଥିଲେ। ଏହିପରି ଭାବରେ ମେରିନ ମଧ୍ୟ ହଠାତ କେରଳରୁ ଅଦୃଶ୍ୟ ହୋଇ ଆଇଏସ ଆତଙ୍କବାଦୀ ହେଲେ। ସମାନ ଗୋଷ୍ଠୀରେ ସୋନିଆ ସେବାଷ୍ଟିଆନ ନାମକ ଆଉ ଜଣେ ଝିଅ ଥିଲେ। ସେ ମଧ୍ୟ ଖ୍ରୀଷ୍ଟିଆନ ଥିଲେ। ସୋନିଆ ମଧ୍ୟ କାସାରାଗୋଡରୁ ନିଖୋଜ ହୋଇଯାଇଥିଲେ। ଏନଆଇଏ ଅନୁସନ୍ଧାନରୁ ଜଣାପଡିଥିଲା ସୋନିଆ ଅବଦୁଲ ରସିଦ ଅବଦୁଲ୍ଲା ନାମକ ଜଣେ ବ୍ୟକ୍ତିଙ୍କୁ ପ୍ରେମ କରୁଥିଲେ। ପରେ ଅବଦୁଲ ସୋନିଆଙ୍କୁ ବିବାହ କରିଥିଲେ ଏବଂ ତାଙ୍କର ନାମ ପରିବର୍ତ୍ତନ କରି ଆୟେଶା କରିଥିଲେ। ଅବଦୁଲ ରସିଦ ଅବଦୁଲ୍ଲା ବୃତ୍ତିରେ ଜଣେ ଇଞ୍ଜିନିୟର ଥିଲେ। ସେ ବିହାରର ଜଣେ ଝିଅଙ୍କୁ ବିବାହ କରିସାରିଥିଲେ। ବିହାରର ଏହି ଝିଅଙ୍କର ନାମ ଥିଲା ୟସ୍ମିନ ମହମ୍ମଦ ଜାହିଦ। ଯେତେବେଳେ ଅବଦୁଲ ରସିଦ ସୋନିଆଙ୍କୁ ଆଇଏସରେ ସାମିଲ କରାଇ ତାଙ୍କର ପ୍ରଥମ ସ୍ତ୍ରୀଙ୍କୁ ଆଫଗାନିସ୍ତାନକୁ ନେବାକୁ ଚାହୁଁଥିଲେ। କିନ୍ତୁ, ଏନଆଇଏ ତାଙ୍କୁ ବିମାନବନ୍ଦରରୁ ଧରିଥିଲା। ଏହାପରେ ସମସ୍ତ କାହାଣୀ ଜଣାପଡ଼ିଥିଲା। ଏହି ଫିଲ୍ମକୁ ନେଇ ଏବେ ଦେଶର ରାଜନୈତିକ ମହଲରେ କର୍ନାଟକ ନିର୍ବାଚନ ପୂର୍ବରୁ ଉଷ୍ଣତା ବୃଦ୍ଧି ପାଇବାରେ ଲାଗିଛି।


Enter your email to get our daily news in your inbox.

All Right Reserved By Dharitri.Com

IMDର ବଡ଼ ସୂଚନା; ଦୁର୍ବଳ ହେଉଛି ଅକ୍ୱାନ୍‌, ଲ୍ୟାଣ୍ଡଫଲ ସମୟରେ…..

ଭୁବନେଶ୍ୱର,୧୮।୧୧: ସମ୍ଭାବ୍ୟ ବାତ୍ୟା ‘ଅକ୍ୱାନ୍‌’କୁ ନେଇ ଆସିଛି ନୂଆ ସୂଚନା। ଦୁଇଟି ଗୁରୁଚାପ ବଳୟ ମଧ୍ୟରେ ବାତ୍ୟା କ୍ରମଶଃ ଦୁର୍ବଳ ହେଉଥିବା ନେଇ ଭାରତୀୟ ପାଣିପାଗ ବିଭାଗ…

ମୁଖ୍ୟମନ୍ତ୍ରୀଙ୍କ ବାତ୍ୟା ଅକ୍ବାନ୍ ସମୀକ୍ଷା ; ଓଡ଼ିଶାରେ ଲ୍ୟାଣ୍ଡଫଲ୍‌! ୪୬ ହଜାରରୁ ଅଧିକ ଲୋକ ସ୍ଥାନାନ୍ତର

ଭୁବନେଶ୍ୱର,୧୮।୧୧: ସମ୍ଭାବ୍ୟ ବାତ୍ୟାର ମୁକାବିଲା ପାଇଁ ବ୍ୟାପକ ପ୍ରସ୍ତୁତି କରିଛନ୍ତି ସରକାର। ଏହାରି ଭିତରେ ବୁଧବାର ମୁଖ୍ୟମନ୍ତ୍ରୀ ମୋହନ ମାଝୀ SRCଙ୍କ କାର୍ଯ୍ୟାଳୟରେ ବାତ୍ୟା ସମୀକ୍ଷା କରିଛନ୍ତି…

ଚାଇନାରେ ଏକାଠି ହେଲେ ଟ୍ରମ୍ପ୍‌-ପୁଟିନ୍‌-ଜିନ୍‌ପିଙ୍ଗ, ବୈଠକ ଉପରେ ବିଶ୍ବର ନଜର

ବେଜିଂ, ୧୮ା୧୧: ଚାଇନା ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଚାଇନାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ପ୍ରୋଟୋକଲ ଭାଙ୍ଗି ଚୀନ…

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?