ବଲିଉଡରୁ ହଲିଉଡ୍କୁ ଜମ୍ପ୍ ମାରିଥିବା ଅଭିନେତ୍ରୀ ପ୍ରିୟଙ୍କା ଚୋପ୍ରା ଗୋଟିଏ ଦିନ ପୂର୍ବରୁ ନିଜ ୩୮ତମ ଜନ୍ମଦିନ ପାଳନ କରିଛନ୍ତି। ଏହି ଅବସରରେ ତାଙ୍କୁ ଅନେକ ଦାମୀ ଉପହାର ମିଳିଛି। କିନ୍ତୁ ସ୍ବାମୀ ନିକ୍ ଜୋନାସ୍ ପିସିଙ୍କୁ ଜନ୍ମଦିନରେ ଏକ ସ୍ବତନ୍ତ୍ର ଉପହାର ଦେଇଛନ୍ତି। ନିକ୍ ପ୍ରିୟଙ୍କାଙ୍କୁ ପାଇଁ ଏକ ରେଡ୍ ଓ୍ବାଇନ୍ ବୋତଲ ଉପହାରରେ ଦେଇଛନ୍ତି। ଯାହା ବହୁତ ମହଙ୍ଗା ଅଟେ। ସେ ୟୁଏସ୍ରୁ ଲଣ୍ଡନରେ ରହୁଥିବା ସ୍ତ୍ରୀଙ୍କ ପାଇଁ ଉପହାର ପଠାଇଛନ୍ତି। ଏହା କୌଣସି ସାଧାରଣ ଓ୍ବାଇନ୍ ବୋତଲ ନୁହେଁ, ବରଂ 1982 Chateau Mouton Rothschild ଥିଲା। ପ୍ରିୟଙ୍କା ଇନ୍ଷ୍ଟାଗ୍ରାମ ଷ୍ଟୋରୀରେ ଏହାର ଫଟୋ ଶେୟାର କରି ଆଇ ଲଭ୍ ୟୁ ଲେଖିଛନ୍ତି। ଏହି ୭୫୦ ମିଲି ଲିଟର ଓ୍ବାଇନ୍ ବୋତଲର ଦାମ୍ ରହିଛି ୧୩,୧,୩୭୫ ଟଙ୍କା। ଉଭୟ ଡେଟ୍ କରିବା ପରଠାରୁ ପରସ୍ପରକୁ ମହଙ୍ଗା ଉପହାର ଦେଇଆସୁଛନ୍ତି। ଯାହାର ଫଟୋ ପିସି ସୋସିଆଲ ମିଡିଆରେ ଦେବାକୁ ଆଦୌ ଭୁଲନ୍ତି ନାହିଁ।
