ଦିଗପହଣ୍ଡି,୧୭।୭(ଅଶେଷ ନାଥ ମିଶ୍ର): ରାଜ୍ୟ ହାଇକୋର୍ଟ ଦିଗପହଣ୍ଡିରେ ଖୋଲିବାକୁ ଥିବା ନୂଆ ସବଜଜ୍ କୋର୍ଟ ପାଇଁ ବିଚାରପତି ନିଯୁକ୍ତ କରିଛନ୍ତି।ଗୁରୁବାର ହାଇକୋର୍ଟଙ୍କ ପକ୍ଷରୁ ପ୍ରକାଶିତ ତାଲିକା ପ୍ରକାରେ ବର୍ତ୍ତମାନ କଟକ ଜିଲା ର ଆଠଗଡ ସବଜଜ୍ ଥିବା ମହାଶ୍ବେତା ପରିଜାଙ୍କୁ ଦିଗପହଣ୍ଡିର ସବଜଜ୍ ଭାବେ ବଦଳି କରାଯାଇଛି।ଏହି ବଦଳି ଆଦେଶ ପ୍ରକାଶ ପାଇବା ପରେ ଦିଗପହଣ୍ଡି ଆଇନଜୀବିଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି।ଦିଗପହଣ୍ଡିରେ ସବଜଜ୍ କୋର୍ଟ ଖୋଲିବା ପାଇଁ ଖେମୁଣ୍ଡି ଓକିଲ ସଂଘ ଦୀର୍ଘଦିନରୁ ଦାବୀ କରି ଆସିବା ସହ ବାରମ୍ବାର ହାଇକୋର୍ଟ ମୂଖ୍ୟ ବିଚାରପତିଙ୍କ ଦୃଷ୍ଟି ଆକର୍ଷଣ କରିଥିଲା।ଦିଗପହଣ୍ଡିରେ ସବଜଜ୍ କୋର୍ଟ ଖୋଲିବା ପରେ ବହୁ ମାମଲାରେ ଅଞ୍ଚଳର ଜନସାଧାରଣ ଆଉ ବ୍ରହ୍ମପୁର ଯାଇ ହଇରାଣ ହେବାକୁ ପଡିବ ନାହିଁ ବୋଲି ସଂଘ ପକ୍ଷରୁ କୁହାଯାଇଛି।
