ମୁମ୍ବାଇ: ବଲିଉଡ୍ ଗାୟିକା ନେହା କକ୍କର ଏବଂ ତାଙ୍କ ସ୍ବାମୀ ରୋହନପ୍ରୀତ୍ ସିଂହଙ୍କ ଯୋଡ଼ି ମ୍ୟୁଜିକ୍ ଇଣ୍ଡଷ୍ଟ୍ରିରେ ବେଶ୍ ପ୍ରସିଦ୍ଧ। ଦୁଇଜଣଙ୍କର ଅନେକ ଫ୍ୟାନ୍ ଫଲୋଅର୍ସ ରହିଛନ୍ତି। ରିମେକ୍ କ୍ୱିନ୍ଙ୍କ ନାମରେ ଜଣାଶୁଣା ନେହା ରୋହନପ୍ରୀତଙ୍କୁ ବିବାହ କରି ପ୍ରଶଂସକମାନଙ୍କୁ ଚକିତ କରିଦେଇଥିଲେ। ନେହା ଏବଂ ରୋହନଙ୍କ ବିଷୟରେ ଜାଣିବା ପାଇଁ ପ୍ରଶଂସକମାନେ ବେଶ୍ ଉତ୍ସୁକ ଥାନ୍ତି। ନେହା ତାଙ୍କ ଜୀବନ କେମିତି ବିତାଉଛନ୍ତି, ରୋହନଙ୍କ ସହ କେମିତି ମଜା କରୁଛନ୍ତି ଏହାର ଝଲକ ବି ସୋସିଆଲ ମିଡିଆରେ ବେବେବେଳେ ଦେଖିବାକୁ ମିଳେ। ଏବେ ଦୁଇଜଣ କିଛି ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। ଯାହାକୁ ଖୁବ୍ ପସନ୍ଦ କରାଯାଉଛି।
ନେହା ମୁମ୍ବାଇରେ ରହୁଛନ୍ତି। କରୋନା ମହମାରୀ ଯୋଗୁ ବର୍ତ୍ତମାନ ସେ ଘରେ ସମୟ କାଟୁଛନ୍ତି। ଏହି ସମୟରେ ପ୍ରଶଂସକମାନଙ୍କ ସହ ଯୋଡ଼ି ହୋଇ ରହିବା ପାଇଁ ସୋସିଆଲ ମିଡିଆରେ କିଛିକିଛି ଫଟୋ ଶେୟାର କରୁଛନ୍ତି। ଏବେ ଯେଉଁ ଫଟୋ ଶେୟାର କରିଛନ୍ତି, ଏଥିରେ ନେହା ଏବଂ ରୋହନ ଘରେ ବସି ଗୀଟାର ବଜାଉଥିବା ନଜର ଆସିଛନ୍ତି। ନେହାଙ୍କ ଘର ବହୁତ ସିମ୍ପଲ ଆଉ ସୁନ୍ଦର ଡିଜାଇନ୍ ହୋଇଛି। ମାର୍ବଲ ଫ୍ଲୋର,ଫ୍ରେଞ୍ଚ୍ ଓ୍ବିଣ୍ଡୋଜ୍, ହ୍ୟାଙ୍ଗିଙ୍ଗ୍ ପ୍ଲାଣ୍ଟ୍ ଏବଂ ମୁମ୍ବାଇ ସ୍କାଇଲାଇନ୍ ସହିତ ଏହି ଘର ବହୁତ ସୁନ୍ଦର। ଘରେ ବ୍ରାଉନ କଲରର ସୋଫା ଏବଂ କୁଶନ୍ସ ବି ଖୁବ୍ ସୁନ୍ଦର ଦେଖାଯାଉଛି।
ଏହା ସହ ନେହା ତାଙ୍କ ପିଲାଦିନେ ରହୁଥିବା ଘରର ଫଟୋ ବି ଶେୟାର କରିଛନ୍ତି। ଏଥିରେ କ୍ୟାପଶନ ଲେଖିଛନ୍ତି, ମୁଁ ଏହି ଘରେ ଜନ୍ମ ହୋଇଥିଲି। ଏହି ଘରେ ଆମେ ସମସ୍ତେ ରହୁଥିଲୁ। ଏହି ଘରେ ମୋ’ ମା ରୋଷେଇ କରୁଥିଲେ। ଛୋଟ ଏକ ଟେବୁଲ ବି ଥିଲା। ଏହି ଫଟୋ ଶେୟାର କରି ନେହା ତାଙ୍କ ସଂଘର୍ଷ ଜୀବନ ବିଷୟରେ ଜଣାଇ ଦେଇଛନ୍ତି।
