ନୂଆଦିଲ୍ଲୀ,୧୩ ।୮: ଏନସିବିର ପୂର୍ବତନ ଜୋନାଲ ଅଧିକାରୀ ସମିର ୱାନଖେଡେ ମାମଲାରେ ନବାବ ମଲିକଙ୍କୁ ଆଉ ଏକ ଝଟକା ଲାଗିଛି । ମଲିକଙ୍କ ପକ୍ଷରୁ ୱାନଖେଡେଙ୍କ ଜାତିକୁ ନେଇ କରାଯାଇଥିବା ଅଭିଯୋଗ ଉପରେ ଯାଞ୍ଚ କମିଟିର ରିପୋର୍ଟ ଆସିଛି । କମିଟି ୱାନଖେଡେଙ୍କୁ କ୍ଲିନ ଚିଟ ଦେଇଛନ୍ତି । ରିପୋର୍ଟରେ କୂହାଯାଇଛି କି ୱାନଖେଡେ ଜନ୍ମରୁ ମୁସଲମାନ ନ ଥିଲେ । କେବଳ ସେତିକି ନୁହେଁ, ଏହାବି ପ୍ରମାଣ ହୋଇନାହିଁ ଯେ ୱାନଖେଡେ ଓ ତାଙ୍କ ପିତା ଇସଲାମ ଧର୍ମ ଆପଣେଇଛନ୍ତି । ତେବେ ଅନୁସନ୍ଧାନରେ ଏହା ପ୍ରମାଣିତ ହୋଇଛି ଯେ ସେ ମହର-୩୭ ଅନୁସୂଚିତ ଜାତିର ଅଟନ୍ତି ।
ସୂଚନାଯୋଗ୍ୟ, ଆର୍ଯ୍ୟନ ଖାଁ ଡ୍ରଗ୍ସ ମାମଲା ପରେ ଏନସିପି ନେତା ନୱାବ ମଲିକ ଜୋନାଲ ଅଧିକାରୀ ସମୀର ୱାନଖଡେଙ୍କ ଉପରେ କିଛି ଅଭିଯୋଗ ଆଣିଥିଲେ । ମଲିକ କହିଥିଲେ ୱନଖେଡେ ଚାକିରି ପାଇବା ପାଇଁ ନିଜ ଜାତି ଲୁଚାଇଛନ୍ତି ।