ଅହମଦାବାଦ,୨୯।୯: ଗୁଜରାଟରେ ୩୬ତମ ନ୍ୟାଶନାଲ ଗେମ୍ସକୁ ଗୁରୁବାର ସନ୍ଧ୍ୟାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉଦ୍ଘାଟନ କରିଛନ୍ତି। ଏହି ପ୍ରତିଷ୍ଠିତ ଗେମ୍ସକୁ ନରେନ୍ଦ୍ର ମୋଦି ଷ୍ଟାଡିୟମ୍ରେ ଆୟୋଜିତ କରାଯାଇଛି। ଷ୍ଟାଡ଼ିୟମ୍ରେ ଆୟୋଜିତ ହୋଇଥିବା ଏହି ଭବ୍ୟ କାର୍ଯ୍ୟକ୍ରମକୁ ପ୍ରଧାନମନ୍ତ୍ରୀ ମୋଦି ସମ୍ବୋଧିତ କରି କହିଛନ୍ତି, ବିଶ୍ୱର ସବୁଠାରୁ ବଡ଼ ଷ୍ଟାଡିୟମ୍ରେ ସବୁଠୁ ବଡ଼ ଖେଳ ମହୋତ୍ସବ ହେବାକୁ ଯାଉଛି। ଏହା ଆଗାମୀ ଭବିଷ୍ୟତର ଆରମ୍ଭ। ଏହି ଐତିହାସିକ ବାତାବରଣ ଶବ୍ଦର ଉପରେ ବୋଲି ମୋଦି କହିଛନ୍ତି। ଏଥିସହ ସେ କହିଛନ୍ତି, ଆଜି ଆମର ଯୁବକମାନେ ରେକର୍ଡ ସୃଷ୍ଟି କରିବା ସହ ନିଜର ରେକର୍ଡ ମଧ୍ୟ ଭାଙ୍ଗୁଛନ୍ତି। ଟୋକିଓ ଅଲିମ୍ପିକ୍ସରେ ପ୍ରଥମ ଥର ପାଇଁ ଭାରତୀୟ ଯୁବକମାନେ ରେକର୍ଡ ସଂଖ୍ୟକ ପଦକ ହାସଲ କରିଛନ୍ତି। ଷ୍ଟାଡିୟମ୍ରେ ଜୁଡେଗା ଇଣ୍ଡିଆ, ଜିତେଗା ଇଣ୍ଡିଆର ନାରା ଗୁଞ୍ଜରିତ ହୋଇଉଠିଥିଲା। ଏଥିସହ ମୋଦି ଖେଳାଳୀଙ୍କୁ ବହୁ ପ୍ରଶଂସା କରିବା ସହ ଶୁଭାକାମନା ଜଣାଇଛନ୍ତି। ଏହି ଅବସରରେ କଳାକାରମାନେ ସଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ। ଉକ୍ତ କାର୍ଯ୍ୟକ୍ରମରେ ମୋଦିଙ୍କ ସମେତ ଗୁଜରାଟ ରାଜ୍ୟପାଳ ଆଚାର୍ଯ୍ୟ ଦେବବ୍ରତ, ମୁଖ୍ୟମନ୍ତ୍ରୀ ଭୂପେନ୍ଦ୍ର ଭୋଇ ପଟେଲ, କ୍ରୀଡା ମନ୍ତ୍ରୀ ଅନୁରାଗ ଠାକୁର, ରାଜ୍ୟ ମନ୍ତ୍ରୀ ହର୍ଷ ଭାଇ ସଂଘଓ୍ବି ଓ ଭାରତୀୟ ଅଲିମ୍ପିକ ଆସୋସିଏସନ ସଚିବ ରାଜୀବ ମେହେଟ୍ଟା ମଧ୍ୟ ଉପସ୍ଥିତ ଥିଲେ। ଅନ୍ୟପଟେ ୨ଥର ଅଲିମ୍ପିକ ପଦକ ଜିତିଥିବା ପି.ବି ସିନ୍ଧୁ ଓ ଗୋଲଡେନ ବୟ ନୀରଜ ଚୋପ୍ରା ଏଥିରେ ସାମିଲ ହୋଇଥିଲେ। ସୂଚନାଯୋଗ୍ୟ, ୭ବର୍ଷ ପରେ ଦେଶରେ ରାଷ୍ଟ୍ରୀୟ ଖେଳ ଆୟୋଜିତ ହେବାକୁ ଯାଉଛି।
