ନାନା ପାଟେକର ବଲିଉଡ୍ର ଏପରି ଜଣେ ଅଭିନେତା ଯାହାଙ୍କ ଅଭିନୟ ସବୁଠାରୁ ନିଆରା। ବଲିଉଡ୍ରେ ସେ ନିଜର କଠୋର ସ୍ବଭାବ ପାଇଁ ବେଶ୍ ଜଣାଶୁଣା। ସେ ସିଧାସଳଖ ଭାବେ କଥା ହୋଇଥାନ୍ତି। ତାଙ୍କର ଏହି ପ୍ରକାର ଅଭିନୟ ପାଇଁ ଲୋକେ ପାଗଳ ପ୍ରାୟ ହୋଇପଡ଼ୁଥିଲେ। ଏବେ ସେ ବଲିଉଡ୍ରୁ ଦୂରେଇ ଯାଇଛନ୍ତି। ଏକ ଖବର ଅନୁଯାୟୀ, ନାନା ବିବାହିତ ସତ୍ତ୍ୱେ ଅନେକ ଅଭିନେତ୍ରୀଙ୍କ ପ୍ରେମରେ ପଡିଥିଲେ। ତାଙ୍କ ନାମ କେତେବେଳେ ଇଶା କୋପିକରଙ୍କ ସହ ଯୋଡାଯାଇଛି ତ ଆଉ କେତେବେ ମନୀଷା କୋଇରାଲା, ପୁଣି ଆୟଶା ଜୁଲ୍କା। ତେବେ ଆୟଶା ଜୁଲ୍କାଙ୍କ ସହ ତାଙ୍କ ସମ୍ପର୍କ ଅତି ଘନିଷ୍ଟ ଥିଲା। ଉଭୟ ରିଲେସନଶିପ୍ରେ ରହୁଥିଲେ। ଏହି ସମୟରେ ସେ ଆୟଶାଙ୍କୁ ପାଗଳ ପରି ଭଲ ପାଉଥିଲେ। ଏହା ପୂର୍ବରୁ ନାନା ମନୀଷା କୋଇରାଲାଙ୍କ ନିକଟତର ଥିଲେ। ଏକଦା ଆୟଶାଙ୍କ ସହ ନାନାଙ୍କୁ ଦେଖିବା ପରେ ମନୀଷା ଭିଷଣ ରାଗି ଯାଇଥିଲେ। ଏପରିକି ମାରପିଟ ପର୍ଯ୍ୟନ୍ତ କଥା ଯାଇଥିଲା। ହେଲେ ପରେ ନାନା ଏହାକୁ ସମ୍ଭାଳି ନେଇଥିଲେ। ଏହି ଘଟଣା ପରେ ମନୀଷା ଚାହୁଁଥିଲେ ନାନା ତାଙ୍କ ସ୍ତ୍ରୀଙ୍କୁ ଛାଡପତ୍ର ଦେଇ ତାଙ୍କୁ ବିବାହ କରନ୍ତୁ ମାତ୍ର ତାହା ସମ୍ଭବ ହୋଇ ନ ଥିଲା।
