ଆଇପିଏଲ ଇତିହାସରେ ପ୍ରଥମ ଥର ପାଇଁ ଏମଏସ ଧୋନୀଙ୍କ ନେତୃତ୍ୱାଧୀନ ଚେନ୍ନାଇ ସୁପର କିଙ୍ଗସ (ସିଏସକେ) ଏଥର ପ୍ଲେ ଅଫ ଦୌଡରୁ ବାଦ୍ ପଡିଥିଲା। ପ୍ଲେ ଅଫରେ ପହଞ୍ଚିବାରେ ବିଫଳ ହୋଇଥିବା ସତ୍ତ୍ୱେ ଏହି ଦଳ ଗୋଟିଏ କ୍ଷେତ୍ରରେ ଅନ୍ୟ ଦଳ ଉପରେ ପ୍ରାଧାନ୍ୟ ବିସ୍ତାର କରିଥିଲେ। ଆଇପିଏଲର ୧୩ ତମ ସିଜନରେ, ଚେନ୍ନାଇ ସୁପର କିଙ୍ଗ୍ସ ଦଳକୁ ନେଇ ସର୍ବାଧିକ ଟୁଇଟ କରିବା ଏବଂ ଟୁଇଟରରେ ସର୍ବାଧିକ ସଂଖ୍ୟକ ଟୁଇଟ୍ ଆସିବାରେ ସିଏସକେ ଅନ୍ୟ ସମସ୍ତ ଦଳ ଉପରେ ପ୍ରାଧାନ୍ୟ ବିସ୍ତାର କରିଥିଲ। ଆଇପିଏଲ ଆରମ୍ଭ ହେବାର ପ୍ରାୟ ଏକ ମାସ ପୂର୍ବରୁ ସିଏସ୍କେର ଅଧିନାୟକ ଧୋନୀ ଅନ୍ତର୍ଜାତୀୟ କ୍ରିକେଟ ସହିତ ବିଦାୟ ନେଇଥିଲେ। ଏହି କାରଣର ଦୀର୍ଘ ଦିନ ପରେ ପଡ଼ିଆରେ ଅବତରଣ କରିଥିବା ଧୋନୀଙ୍କ ଉପରେ ସମସ୍ତଙ୍କ ନଜର ଥିଲା। ସିଏସ୍କେ ପରେ ଟୁଇଟରରେ ସବୁଠାରୁ ଟୁଇଟ କରୁଥିବା ଦଳ ହେଉଛି ବିରାଟ କୋହଲିଙ୍କ ନେତୃତ୍ୱାଧୀନ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର। ଏହା ପରେ ମୁମ୍ବାଇ ଇଣ୍ଡିଆନ୍ସ, ସନରାଇଜର୍ସ ହାଇଦ୍ରାବାଦ, କୋଲକାତା ନାଇଟ ରାଇଡର୍ସ, ରାଜସ୍ଥାନ ରୟାଲ୍ସ, କିଙ୍ଗସ ଏକାଦଶ ପଞ୍ଜାବ ଏବଂ ଦିଲ୍ଲୀ କ୍ୟାପିଟାଲ୍ସ ରହିଥିଲା।
