ବଲାଙ୍ଗୀର, ୧୧।୧୦(ସୁନୀଲ କୁମାର ମହାନ୍ତି): ବଲାଙ୍ଗୀର ଲର୍କିପାଲି ସ୍ଥିତ ଆର୍ ଆର୍ କଲୋନୀ ହାଇସ୍କୁଲକୁ ଶୁକ୍ରବାର ବଲାଙ୍ଗୀର ଲୋକ ସଭା ଏମ୍ପି ସଙ୍ଗୀତା କୁମାରୀ ସିଂଦେଓ ଉଦଘାଟନ କରିଛନ୍ତି। ଶୁଭ ଉଦଘାଟନ ପରେ ସ୍କୁଲ ପକ୍ଷରୁ ଏକ ସଭା ଆୟୋଜନ କରାଯାଇଥିଲା l ମୁଖ୍ୟ ଅତିଥି ସିଂଦେଓ ପିଲାମାନଙ୍କୁ ଭଲ ପାଠ ପଢ଼ି ନିଜର ଭବିଷ୍ୟତ ଗଢି ତୋଳିବାକୁ କହିଥିଲେ l
ଲୋୟର ସୁକତେଲ ପ୍ରକଳ୍ପର ବିଭିନ୍ନ ଗାଁର ବିସ୍ଥାପିତ ଛାତ୍ରୀଛାତ୍ର ମାନେ ଏହି ସ୍କୁଲରେ ପାଠ ପଢ଼ୁଛନ୍ତି। ସେମାନଙ୍କୁ କିଭଳି ଉଚିତ ଶିକ୍ଷାଦାନ ବ୍ୟବସ୍ଥା ହୋଇପାରିବ ଏମ ପି ସଙ୍ଗୀତା କୁମାରୀ ସିଂଦେଓ ଜୋର ଦେଇଥିଲେ। ଏଠାରେ ବିସ୍ଥାପିତ କଲୋନୀର ଅନ୍ୟ ବିସ୍ଥାପିତ ପରିବାରର ଲୋକମାନେ ମଧ୍ୟ ଏମପି ସିଂଦେଓଙ୍କୁ ଭେଟି ସେମାନଙ୍କ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିଥିଲେ। ପାନୀୟ ଜଳଯୋଗାଣ, ଘରପଟ୍ଟା, ଆଧାର କାର୍ଡ ସମସ୍ୟାର ଶୀଘ୍ର ସମାଧାନ ପାଇଁ ଏମ୍ପି ସିଂଦେଓ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଥିଲେ।
