କେସିଙ୍ଗା,୩।୫(ଡି.ଏନ୍.ଏ): କଳାହାଣ୍ଡି ଜିଲା କେସିଙ୍ଗା ଆଦର୍ଶ ଥାନା ନିକଟରେ ମଙ୍ଗଳବାର ଏକ ୧୬ ଚକିଆ ଟ୍ରକ ଧକ୍କାରେ ଜଣେ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି। ସେ ହେଲେ ପିଣ୍ଟୁ ସାହା(୩୫)।
ମିଳିଥିବା ସୂଚନା ମୁତାବକ, କେସିଙ୍ଗା ସହରର ୱାର୍ଡ ନମ୍ବର ୮ର ପିଣ୍ଟୁ ସାହା(୩୫), କରୁଣା ମାଝୀ(୨୨), ତୁଷାର ମାଝୀ(୨୫) ଏବଂ ସମୀର ରଣା(୧୪) କାନ୍ତେଶିର ଗ୍ରାମରେ ଟେଣ୍ଟ କାମ ସାରି ଘରକୁ ଫେରୁଥିଲେ। ସେତିକିବେଳେ ସୋଲାର ପ୍ଲେଟ ବୋଝେଇ ଏକ ୧୬ ଚକିଆ ଟ୍ରକ(କେ.ଏ.୦୧-ଏ-ଇ-୦୬୦୫) ବାଇକ୍ (ଓଡି୦୮-ଏନ.୦୩୯)କୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ପିଣ୍ଟୁଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୩ଜଣ ଗୁରୁତର ଆହତ ହୋଇଛନ୍ତି। ସେମାନଙ୍କୁ ଭବାନୀପାଟଣା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ଏ ନେଇ କେସିଙ୍ଗା ଥାନା ପୋଲିସ ଏକ ଦୁର୍ଘଟଣା ମାମଲା (୨୮୪/୨୨) ରୁଜୁକରି ଅଧିକ ତଦନ୍ତ ଚଳାଇଛି।
