ବାଲେଶ୍ୱର ଅଫିସ,୧୩ା୧୧: ବାଲେଶ୍ୱର ସହରସ୍ଥିତ ସହଦେବଖୁଣ୍ଟା ଥାନା ଅନ୍ତର୍ଗତ ଆରାଡବଜାର ଅଞ୍ଚଳରୁ ପୋଲିସ ଦୁଇ ଯୁବକଙ୍କଠାରୁ ୨୭ ଗ୍ରାମ ବାଉନସୁଗାର ଜବତ କରିଛି। ଏନେଇ ପୋଲିସ କେସ୍ ନଂ ୩୬୬/୨୨ରେ ମାମଲା ରୁଜୁ କରି ୨ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି।
ପୋଲିସ ବିଶେଷ ସୂତ୍ରରୁ ଖବର ପାଇଥିଲା ଯେ, ବହୁ ପରିମାଣର ବ୍ରାଉନସୁଗାର ଆରାଡବଜାରର ମସଜିଦ ଗଳିରୁ ବସ୍ତା ଅଞ୍ଚଳକୁ ଯିବ। ତଦନୁସାରେ ପୋଲିସ ଟିମ୍ ଚଢ଼ାଉ କରି ସଫଳତାର ସହିତ ୨୭ ଗ୍ରାମ ବ୍ରାଉନସୁଗାର ଜବତ କରିଛି। ଯାହାର ମୂଲ୍ୟ ପ୍ରାୟ ୨୭ ଲକ୍ଷ ୮୦ ହଜାର ଟଙ୍କା। ଏଥିସହିତ ଗୋଟିଏ ବୁଲେଟ ଓଡି-୦୧-ଏଲ୍-୫୦୧୧, ଦୁଇଟି ମୋବାଇଲ ଏବଂ ୨୦ ହଜାର ଟଙ୍କା ଜବତ କରାଯାଇଛି। ମାମଲାର ଅଧିକ ତଦନ୍ତ ଚାଲିଥିବା ବିଭାଗୀୟ ସୂତ୍ରରୁ ପ୍ରକାଶ।
