ଗୁଆହାଟୀ,୨୮।୨ : ଆସାମର ମୁଖ୍ୟମନ୍ତ୍ରୀ ହିମନ୍ତ ବିଶ୍ବ ଶର୍ମା ସରକାର ବିହୁ ପର୍ବକୁ ରାଜ୍ୟର ସାଂସ୍କୃତିକ ଗର୍ବର ପ୍ରତୀକ ଭାବରେ ବିଶ୍ୱବ୍ୟାପୀ ମାନ୍ୟତା ଦେବାକୁ ଚେଷ୍ଟା କରୁଛନ୍ତି। ଏହି କ୍ରମରେ ଆସାମ ସରକାର ୧୧ ହଜାରରୁ ଅଧିକ କଳାକାରଙ୍କ ଦ୍ୱାରା ବିହୁ ମହୋତ୍ସବ ଆୟୋଜନ କରି ଗିନିଜ ବୁକ ଅଫ ୱାଲର୍ଡ ରେକର୍ଡରେ ଏହାର ନାମ ପଞ୍ଜୀକରଣ କରିବାକୁ ଚାହୁଁଛନ୍ତି। ମୁଖ୍ୟମନ୍ତ୍ରୀ ମଙ୍ଗଳବାର ଏହା ଘୋଷଣା କରିଛନ୍ତି। ୧୪ ଏପ୍ରିଲରେ ଅନୁଷ୍ଠିତ ହେବାକୁ ଥିବା ଏହି ମହାନ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଅଂଶଗ୍ରହଣ କରିବେ।
ଏହି କାର୍ଯ୍ୟକ୍ରମରେ ମୋଟ ୧୧,୧୪୦ ନୃତ୍ୟଶିଳ୍ପୀ ଏବଂ ଡ଼୍ରାମର ଅଂଶଗ୍ରହଣ କରିବେ। ଆସାମର ସମସ୍ତ ଜିଲାର ଅଂଶଗ୍ରହଣକାରୀମାନେ ଏଥିରେ ସହଯୋଗ କରିବେ। ଏଥିପାଇଁ ପୁଅ ଏବଂ ଝିଅଙ୍କ ଅନୁପାତ ୩୦ ଅନୁପାତ ୭୦ ରହିବ। ସରକାର ବିହୁ ନୃତ୍ୟର ଏକ ନମୁନା ଭିଡିଓ ସୀମିତ ସଂଖ୍ୟକ ନୃତ୍ୟଶିଳ୍ପୀଙ୍କ ସହ ଗିନିଜ ୱାଲର୍ଡ ରେକର୍ଡକୁ ପଠାଇ ସାରିଛନ୍ତି।
ଯୋଜନା ଅନୁଯାୟୀ ଏହା ଗୋଟିଏ ସ୍ଥାନରେ ସବୁଠାରୁ ବଡ ବିହୁ ନୃତ୍ୟ ହେବ। ଏହି ନୃତ୍ୟର ଅବଧି ୧୫ ମିନିଟ ହେବ। ଏଥିପାଇଁ ସମସ୍ତ ଅଂଶଗ୍ରହଣକାରୀଙ୍କୁ ୧୦,୫୦୦ ଟଙ୍କା ଭତ୍ତା ମଧ୍ୟ ପ୍ରଦାନ କରାଯିବ। ଯାହାଫଳରେ ସେମାନେ ଏହା ସହିତ ନୃତ୍ୟ ପାଇଁ ଦୁଇଟି ଯୋଡ଼ା ପୋଷାକ କିଣି ପାରିବେ।
