ମୁମ୍ବାଇ,୬।୮: ମୁଦ୍ରାସ୍ଫୀତିକୁ ନିୟନ୍ତ୍ରଣରେ ରଖିବା ଲାଗି ଭାରତୀୟ ରିଜର୍ଭ ବ୍ୟାଙ୍କ (ଆର୍ବିଆଇ) ଶୁକ୍ରବାର ରେପୋ ରେଟ୍ ପୁଣି ୫୦ ବେସିସ୍ ପଏଣ୍ଟ ବୃଦ୍ଧି କରିବା ଫଳରେ ଏହା ୫.୪୦ ପ୍ରତିଶତରେ ପହଞ୍ଚତ୍ଛି। ରେପୋ ରେଟ୍ ହେଉଛି ଏକ ହାର ଯେଉଁଥିରେ କେନ୍ଦ୍ରୀୟ ବ୍ୟାଙ୍କ ବାଣିଜି୍ୟକ ବ୍ୟାଙ୍କଗୁଡ଼ିକୁ ଋଣ ଆକାରରେ ଅର୍ଥ ଯୋଗାଇ ଦେଇଥାନ୍ତି। ଚଳିତ ଆର୍ଥତ୍କ ବର୍ଷରେ ତୃତୀୟ ଥର ପାଇଁ ରେପୋ ରେଟ୍ ବୃଦ୍ଧି ପାଇଛି। ଗତ ମେ’ ମାସରେ ଆର୍ବିଆଇ ରେପୋ ରେଟ୍ ୪୦ ବେସିସ୍ ପଏଣ୍ଟ ବୃଦ୍ଧି କରିଥିବାବେଳେ ଜୁନ୍ରେ ୫୦ ପଏଣ୍ଟ ବୃଦ୍ଧି କରିବାରୁ ଏହା ୪.୯୦ ପ୍ରତିଶତରେ ପହଞ୍ଚତ୍ଥିଲା। ଅଧିକାଂଶ ବ୍ୟାଙ୍କ ସୁଧହାର ବଢ଼ାଇ ସାରିଥିବାବେଳେ ରେପୋ ରେଟ୍ ବୃଦ୍ଧି ଫଳରେ କେତେକ ବ୍ୟାଙ୍କ ପୁଣିଥରେ ସୁଧ ବଢ଼ାଇବେ। ଫଳରେ ଗୃହ ଏବଂ କାର୍ ଋଣ ପୁଣି ମହଙ୍ଗା ହେବାକୁ ଯାଉଛି।
ଅଗଷ୍ଟ ୩ରୁ ରିଜର୍ଭ ବ୍ୟାଙ୍କ୍ର ମୁଦ୍ରା ନୀତି କମିଟି (ଏମ୍ପିସି)ର ୩ ଦିନିଆ ବୈଠକ ବସି ଦେଶର ବର୍ତ୍ତମାନର ଆର୍ଥତ୍କ ସ୍ଥିତିର ସମୀକ୍ଷା କରାଯାଇଥିଲା। ମୁଦ୍ରାସ୍ଫୀତିକୁ ଧାର୍ଯ୍ୟ ଲକ୍ଷ୍ୟ ମଧ୍ୟରେ ରଖିବା ଏବଂ ଆର୍ଥିକ ଅଭିବୃଦ୍ଧିକୁ ବଢ଼ାଇବା ଲାଗି କମିଟି ରେପୋ ରେଟ୍ ବଢ଼ାଇବା ନିମନ୍ତେ ନିଷ୍ପତ୍ତି ନେଇଥିବା ଆର୍ବିଆଇ ଗଭର୍ନର ଶକ୍ତିକାନ୍ତ ଦାସ କହିଛନ୍ତି। ସ୍ଥାୟୀ ଜମା ସୁବିଧା (ଏସ୍ଡିଏଫ୍) ହାର୍ ୫.୧୫ ପ୍ରତିଶତ ଏବଂ ମାର୍ଜିନାଲ ଷ୍ଟାଣ୍ଡିଂ ଫାସିଲିଟି(ଏମ୍ଏସ୍ଏଫ୍) ତଥା ବ୍ୟାଙ୍କ ସୁଧ ହାର ୫.୬୫ ପ୍ରତିଶତ ରଖିବା ଲାଗି ଏମ୍ପିସି ନିଷ୍ପତ୍ତି ନେଇଛି। ୨୦୨୨-୨୩ ଆର୍ଥତ୍କ ବର୍ଷ ଲାଗି ବାସ୍ତବ ଜିଡିପି ଅଭିବୃଦ୍ଧି ୭.୨ ପ୍ରତିଶତ ପୂର୍ବାନୁମାନ କରାଯାଇଛି।
ବ୍ୟାଙ୍କଗୁଡ଼ିକ ବର୍ଦ୍ଧିତ ହାରରେ ଅର୍ଥ ଉଠାଇଲେ, ଗ୍ରାହକଙ୍କୁ ମଧ୍ୟ ଅଧିକ ସୁଧରେ ଋଣ ଦେବେ। ଅଣବ୍ୟାଙ୍କିଙ୍ଗ୍ ଫାଇନାନ୍ସ କମ୍ପାନୀ (ଏନ୍ବିଏଫ୍ସି)ଗୁଡ଼ିକ ବଜାରରୁ ଅର୍ଥ ସଂଗ୍ରହ କରି ଏହାକୁ ଗ୍ରାହକମାନଙ୍କୁ ଋଣ ଆକାରରେ ଯୋଗାଇଥାନ୍ତି। ଏନ୍ବିଏଫ୍ସି ଆଣୁଥିବା ଋଣ ମହଙ୍ଗା ହେଲେ ଲାଭ ପାଇବା ପାଇଁ ସେମାନେ ଅଧିକ ସୁଧରେ ଋଣ ଲଗାଇବା ସ୍ବାଭାବିକ। ତେଣୁ ରେପୋ ରେଟ୍ର ସିଧାସଳଖ ପ୍ରଭାବ ସୁଧ ଉପରେ ପଡ଼ିଥାଏ। ସରକାର ରେପୋ ରେଟ୍ ପରିବର୍ତ୍ତନ କଲେ ଏନ୍ବିଏଫସିଗୁଡ଼ିକ ସୁଧ ହାର ବଦଳାଇଥାନ୍ତି। ରେପୋ ବଢ଼ିଲେ ସେହି ଅନୁଯାୟୀ ଋଣ ପରିଶୋଧ କିସ୍ତି (ଇଏମ୍ଆଇ) ପରିମାଣ ବଢ଼େ ବୋଲି ବ୍ରାଞ୍ଚ ଇଣ୍ଟରନ୍ୟାଶନାଲର ଭାରତରେ ଥିବା ଫାଇନାନ୍ସ ମୁଖ୍ୟ ଅଂଶୁ ଅଗ୍ରଓ୍ବାଲ କହିଛନ୍ତି। ଏବେ ଗୃହ ଋଣ ସୁଧହାର ପାଖାପାଖି ୮ ପ୍ରତିଶତ ହେବ। ଫଳରେ କମ୍ ସୁଧରେ ଗୃହ ଋଣ ନେଇଥିବା ଲୋକଙ୍କ ଉପରେ ଅଧିକ ଇଏମ୍ଆଇ ବୋଝ ପଡିବ। ତେବେ ଏହା ଏହି ଚାପ ଅଧିକ ଦିନ ରହିବ ନାହିଁ ବୋଲ ଇଣ୍ଡିଆ ସୋଥେବିସ୍ ଇଣ୍ଟରନ୍ୟାଶନାଲ ରିଏଲିଟିର ସିଇଓ ଅମିତ୍ ଗୋୟଲ କହିଛନ୍ତି।
