ଲୋକପ୍ରିୟ ଷ୍ଟାଣ୍ଡ ଅପ୍ କମେଡିଆନ୍ ଖୟାଲୀଙ୍କ ବିରୋଧରେ ରୁଜୁ ହୋଇଛି ବଳାତ୍କାର ମାମଲା। ୨୫ ବର୍ଷୀୟା ଯୁବତୀଙ୍କୁ ସେ ବଳାତ୍କାର କରିଥିବା ନେଇ ଜୟପୁରର ମାନସରୋବର ପୋଲିସ ଷ୍ଟେଶନରେ ତାଙ୍କ ବିରୋଧରେ ମାମଲା ରୁଜୁ ହୋଇଛି। ତିନି ଦିନ ପୂର୍ବେ ହୋଟେଲରେ ଏହି ଘଟଣା ଘଟିଛି। ତେବେ ହାସ୍ୟ ଅଭିନେତା ଯୁବତୀଙ୍କୁ ଚାକିରି ଦେବା ବାହାନାରେ ମାନସରୋବରର ଏକ ହୋଟେଲ ରୁମ୍ରେ ମଦ୍ୟପ ଅବସ୍ଥାରେ ବଳାତ୍କାର କରିଥିବା ଅଭିଯୋଗରେ ଦର୍ଶାଯାଇଥିବା ପୋଲିସ କହିଛି।
ଯୁବତୀଙ୍କ ଅଭିଯୋଗ ପରେ ଭାରତୀୟ ଦଣ୍ଡବିଧି ଆଇନର ଧାରା ୩୭୬ ଅନୁଯାୟୀ ହାସ୍ୟ ଅଭିନେତାଙ୍କ ବିରୋଧରେ ମାମଲା ରୁଜୁ ହୋଇଛି। ମାମଲାର ତଦନ୍ତ ଚାଲିଛି। ପୀଡ଼ିତାଜଣଙ୍କ ଶ୍ରୀଗଙ୍ଗନଗର ବାସିନ୍ଦା ହୋଇଥିବା ବେଳେ ମାସେ ପୂର୍ବରୁ ହାସ୍ୟ ଅଭିନେତାଙ୍କ ସହ ସମ୍ପର୍କରେ ଆସିଥିବା ପୋଲିସ କହିଛି।
