ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ବର୍ଗତ କନ୍ନଡ ସିନେମା ଆଇକନ ପୁନିତ ରାଜକୁମାରଙ୍କୁ ପ୍ରଶଂସା କରିଛନ୍ତି। ତାଙ୍କ ଶେଷ ଫିଲ୍ମ ଗାନ୍ଧାଡା ଗୁଡିକୁ ପ୍ରଶଂସା କରି ତାର ସଫଳତା କାମନା କରିଛନ୍ତି। ପୁନିତ ରାଜକୁମାରଙ୍କ ଫିଲ୍ମ ‘ଗାନ୍ଧାଡା ଗୁଡି’ ଟ୍ରେଲର ରିଲିଜ ହୋଇଛି। ଏହି ଫିଲ୍ମଟି ପୁନିତଙ୍କ ପ୍ରଥମ ମୃତ୍ୟୁ ବାର୍ଷିକୀର ଗୋଟିଏ ଦିନ ପୂର୍ବରୁ ଅର୍ଥାତ୍ ୨୮ ଅକ୍ଟୋବର ୨୦୨୨ରେ ପ୍ରେକ୍ଷାଳୟରେ ମୁକ୍ତିଲାଭ କରିବ। ପ୍ରଧାନମନ୍ତ୍ରୀ ତାଙ୍କ ଟୁଇଟର୍ ଆକାଉଣ୍ଟରେ ଫିଲ୍ମର ସୂଚନା ଶେୟାର କରି ତାଙ୍କୁ ଅଭିନନ୍ଦନ ଜଣାଇଛନ୍ତି।
ପୁନିତଙ୍କ ସ୍ତ୍ରୀ ଅଶ୍ୱିନୀ ରାଜକୁମାର ତାଙ୍କ ଟୁଇଟର୍ରେ ‘ଗାନ୍ଧାଡା ଗୁଡିି’ର ଟ୍ରେଲର ଲଞ୍ଚ ଶେୟାର କରିଛନ୍ତି। ତାଙ୍କ ଟୁଇଟ୍ରେ ସେ ମୋଦିଙ୍କୁ ଟ୍ୟାଗ କରିଛନ୍ତି। ପ୍ରଧାନମନ୍ତ୍ରୀ ମୋଦିଙ୍କୁ ଟ୍ୟାଗ କରି ଅଶ୍ୱିନୀ କ୍ୟାପସନରେ ଲେଖିଛନ୍ତି, ‘ହେଲୋ ନରେନ୍ଦ୍ର ମୋଦି ଜୀ ଆଜି ଆମ ପାଇଁ ଏକ ଭାବପ୍ରବଣ ଦିନ। ଆମେ ‘ଗାନ୍ଧାଡା ଗୁଡି’ର ଟ୍ରେଲର ରିଲିଜ କରୁଛୁ। ଏହି ପ୍ରୋଜେକ୍ଟ ଆପୁଙ୍କ ହୃଦୟର ଅତି ନିକଟତର ଥିଲା। ଆପୁ ସର୍ବଦା ତୁମ ସହିତ ଥିବା ସାକ୍ଷାତକୁ ଭଲପାଉଥିଲେ ଏବଂ ସେ ବ୍ୟକ୍ତିଗତ ଭାବରେ ତୁମ ସହିତ ସମୟ ଶେୟାର କରିବାକୁ ଭଲ ପାଇଥାନ୍ତେ।
